Ástandið á djöflaeyju

Það er gömul saga og ný að fullorðnir standa saman gegn börnum þegar ofbeldi er annars vegar.

Hver kannast ekki við fólk sem segir frá ofbeldi í næsta húsi eða íbúð og aðspurt hvort það hafi ekki tilkynnt um málið segir að það vilji ekki skipta sér af, ekki blanda sér í fjölskylduerjur.  Ésús minn.

Friðhelgi heimilana og allt það kjaftæði.

Friðhelgi heimilana snýst upp í andhverfu sína þar sem farið er illa með börn.

Fáir virðast vita um þá borgaralegu skyldu að það ber samkvæmt lögum að tilkynna ofbeldi á börnum.

Svo má auðvitað benda á þá staðreynd að hér á landi er hægur vandi að hvetja fólk til að tilkynna en úrræði kerfisins eru svo lítil og léleg að það er til skammar.

Ofbeldi á börnum er eitt af því sem ég á erfiðast með að þola og það gerir mig einfaldlega óða.

Ég hef það fyrir reglu að lesa t.d. ekki fréttir þar sem tíunaðar eru misþyrmingar á börnum, mér nægir að lesa fyrirsögnina til að átta mig á gangi mála.

Subbulegar nákvæmnislýsingar gera ekkert fyrir mig.  Nógu mörg eru dæmin. 

Svo bíð ég eftir því að stjórnvöld staðfesti barnasáttmála SÞ, en Íslendingar hafa fyrir sið að skrifa undir svoleiðis sáttmála en staðfesta þá svo ekki.

Af því að það kostar uppstokkun, lagabreytingar svo ég tali ekki um dómskerfið sem sem er ekki beinlínis hannað konum og börnum í vil.

Við megum alveg lúta höfði í skömm.

Hægur vandi að óskapast yfir barnaofbeldi í útlöndum.

En steinþegja um ástandið hér á djöflaeyju.

 

Rekin fyrir að segja frá ofbeldi

Athugasemdir

[Hildur Helga Sigurðardóttir, 22.9.2009 kl. 10:34]

Ofurnákvæmar lýsingar á ofbeldi í fjölmiðlum eru bara til að strá salti í sár þolenda. Les/hlusta ekki heldur.

Af prinsippástæðum.

[Lissy (IP-tala skráð) 22.9.2009 kl. 10:53]

Mér synist svona frettir um ofbeldi gegn börn er notað bara til að selja blað, og gera ekki neit gott fyrir samfelag. Les ekki.

[Birna Dis Vilbertsdóttir (IP-tala skráð) 22.9.2009 kl. 10:57]

Ég varð mjög hissa þegar ég vissi að sáttmálinn er ekki staðefstur hér á íslandi.En er í takt við svo margt annað hér á okkar landi.

[Skorrdal (IP-tala skráð) 22.9.2009 kl. 12:35]

Mannréttindi á Íslandi, hefur sjaldan verið ofarlega á blaði alþingismanna. Það þurfti EES samning, til að fá einhverjar alvöru breytingar á mannréttindakafla Stjórnarskrárinnar í gegn. Svona "smáræði", eins og Barnasáttmáli SÞ, skiptir alþingismenn engu máli - má þá ekki telja þá einstaklinga til "barnanýðinga", að einhverju marki? Ekki er þeim málefnið hugleikið amk...

[Gunnhildur (IP-tala skráð) 22.9.2009 kl. 13:48]

Barnaheill, Save the Children á Íslandi, hafa samning Sameinuðu þjóðanna um réttindi barna að leiðarljósi. Barnasáttmálinn var samþykktur á allsherjarþingi Sameinuðu þjóðanna haustið 1989 og staðfestur fyrir Íslands hönd 28. október 1992.

http://www.abotinn.is/barnaheill/barnasattmali1.html