Beint í bólið með tólið

 

Bíddu, bíddu, af hverju er ég að missa?

Er ég búin að lifa mína löngu ævi án þess að hafa skoðanir á nærbuxum karlmanna?

Djöfull er ég aftarlega á merarósómanum.

Ég hef heilmiklar og djúpar skoðanir á nærfatatískunni, enda fátt skelfilegra en að vera gómaður á undirfötum frá tísku síðasta árs.

Tala nú ekki um að vera í lufsulegum nærbuxum úr nælonblönduðu draloni með mynd af kólibrífugli framan á þið vitið hverju. 

Ég hef fylgt þeirri meginreglu í gegnum fullorðinslífið að klæða mig alltaf þannig innst (og yst) að ég fari vel í sjúkrabíl  og á ambúlans.

Hef átt yndisleg móment áður en ég sofna þar sem mig dreymir dagdrauma um mig liggjandi hvíta sem ná á sjúkrabeði, skrámaða, saumaða og með slöngu í handlegg og svona en óaðfinnanlega dressuð í falleg undirföt frá Victorias Secret.

Amma sagði við mig þegar ég var barn að fara aldrei í götóttum sokkum út úr húsi og í ljótum nærfötum inkeis ég yrði fyrir bíl.

Ég tók þetta algjörlega til mín á meðan ég hins vegar blés á ráðleggingar hennar varðandi kærasta, reykingar og Glaumbæjarheimsóknir.

Úff.

Ég hef sem sagt aldrei út úr húsi farið öðru vísi en að vera algjörlega klædd á bekkinn og í kistuna ef allt færi nú á versta veg.

Hef ekki hingað til haft erindi sem erfiði en held ótrauð áfram. 

Fyrirfram aðvöruð - fyrirfram vopnuð og allur sá ballett börnin mín södd og sæl.

En að ég velti mér upp úr nærfötum karla er af og frá.

Veit bara að mér finnast nærbuxurnar hans Svamps Svanssonar ótrúlega skver og hallærislegar.

Glætan að ég fari að segja ykkur hvað mér finnst um karlmenn á nærhöldunum.

Ég er af hippakynslóðinni, við slepptum svoleiðis hégóma.

Beint í bólið með tólið.

(Djók? Nei, nei, fúlasta alvara).

Farin að sofa.

Eða þannig.

Kikkmítúðebón.

Þröngar nærbuxur takk!

Athugasemdir

[Jóna Kolbrún Garðarsdóttir, 11.9.2009 kl. 23:15]

Svampur er Sveinsson!!!  

[Eygló, 11.9.2009 kl. 23:31]

Jenný - mamma hafði þetta líka yfir; nærföt, slys, sjúkrahús....

Ég sagði henni að þetta væri alveg óþarfi, því ef maður lenti í ljótu slysi, hlyti allt að rifna utan af manni svo þótt ein og ein saumspretta hefði verið, héldu "allir" að þetta væri vegna þessa hrikalega slyss.

OK, sæmilega hreinar (ekki búið að snúa við)

[Guðrún B. (IP-tala skráð) 11.9.2009 kl. 23:36]

Hehehe alltaf söm við sig .. :)

[Dúa, 12.9.2009 kl. 00:50]

Ji minn að rangfeðra hann Svamp

Sko það er þetta ripoffollklóþðs móment sem gerir það að nærbuxurnar mega ekki vera hvítar með klauf og frá Guðsteini

[brahim, 12.9.2009 kl. 03:28]

Það eru sumir ónefndir sem koma hér reglulega inn, enn hafa þó ekkert að segja hvað þú skrifar um....boring .  Þær commenta yfirleitt með 1-3 orðum og eða 1 orði og broskarli  En hvað mig varðar í sambandi við pistil þínn...BOXER...engar helvítis hvítar og þröngar nærbuxur sem gætu að hafa geyma bremsuför vegna kanski eins skiptis sem maður var latur að nota blautan skeinir til að þrífa sig almennilega og lenda síðan á sjúkró með brúnt í buxum. Neeeh Boxer skal það vera, engin bremsuför þar

[Angantýr Ófeigsson (IP-tala skráð) 12.9.2009 kl. 11:09]

Ég geng í tjaldi, með tjóður um mittið, það svona hæfir mínu vaxtarlagi ...