Álfarnir voru bankamenn

Hvernig er hægt að taka þjóð alvarlega sem lætur taka viðtal við sig um álfa í umfjöllun um efnahagshrunið?

Það er kona í þessu myndbandi sem fer alveg með mig.

Hún bendir á stokka og steina og bendir á hreyfingu í grasinu og sýnir svo álfadúkku til að sýna stærð þessara "lífvera".

Krúttlegt en það eru líka þjóðsögurnar og ævintýrin og fín til heimabrúks.

En annars er þetta fínn þáttur hjá ástralska 60 minutes.

Fín viðtöl við fólk, líka sjómanninn sem varð að bankamanni.

Ef við gætum nú sleppt þessu víkinga- og álfakjaftæði alltaf hreint þá gætum við svei mér þá verið tekin í fullorðinna manna  tölu.

Ég varð svo hrygg þegar ég sá þetta klipp sem fylgir fréttinni.

Mikið skelfing erum við búin að vera.

En þá er að bretta upp ermar.

Köllum álfana til hjálpar.

Annar sjómaður sem talað var við var algjörlega að mínu skapi.

Aðspurður hvort hann tryði á tilvist álfa svaraði hann á þá leið að þeir álfar sem hann vissu um hefðu allir verið bankamenn.

Spot on.

„Uppskrift að stórslysi“

Athugasemdir

[hilmar jónsson, 5.9.2009 kl. 13:34]

Ef þessir viðmælendur eru þverskurður af þjóðinni, ættu ferðaiðnaðarfrömuðir að huga að nýju markaðsátaki til kynningar á landinu.

Komið og sjáið þetta fólk....... live

Ó mæ Goooooooooooood

[Ásdís Sigurðardóttir, 5.9.2009 kl. 13:41]

Segi eins og ISG, þessi kona er ekki þjóðin, en það þykir voða sniðugt að lappa upp á þessa álfatrú þegar viðtöl eru tekin fyrir útlendinga.  Þátturinn er að öðru leyti góður sammála því. 

[Dúa, 5.9.2009 kl. 14:05]

Sammála

Hvernig væri að fara að taka viðtöl við hinn venjulega Íslending en ekki álfafólk, wannabe víkinga og aðra ruguldalla sem eru alls ekki lýsandi fyrir meðaljóninn hérna?

[Ía Jóhannsdóttir, 5.9.2009 kl. 14:29]

Eru álfar ekki menn?  Hefði nú haldið það gott fólk.

[Linda Linnet Hilmarsdóttir, 5.9.2009 kl. 14:58]

Innlitskvitt og ljúfar kveðjur :)

[Jenný Stefanía Jensdóttir, 5.9.2009 kl. 15:18]

Hr.Banki Álfsson, sýndi auðvitað prýðilegan þverskurð á fyrirbærinu sjóbankamaður, og aulalegur hláturinn undirstrikaði það.

Að öðru leyti er ég tilbúin að gangast við að vera Íslendingur eins og hinir viðmælendur í þessum þætti "uppskrift af hörmungum".

[DoctorE (IP-tala skráð) 5.9.2009 kl. 16:22]

Íslendingar halda margir hverjir að hjátrú sé eitthvað sem fólk eigi að vera stolt af....
Það er meira að segja svo að helstu fréttamiðlar, eins og td mbl.is bannar menn sem segja sannleikann um þessi mál...
Enginn er spámaður í eigin föðurlandi... þess vegna geng ég ekki í föðurlandi, hvokri í mínu eða annarra ;)

[Dúa, 5.9.2009 kl. 17:29]

Við eigum líka 13 jólasveina....

[Finnur Bárðarson, 5.9.2009 kl. 17:51]

Við eru rúmlega 300 þúsund jólasveinar og það eru bara ungabörn sem hafa einhverja trú á þeim.

[AK-72, 5.9.2009 kl. 19:27]

Við erum forheimsk þrælaþjóð komin af þjófum og skattsvikurum sem vildu ekki að fé sitt rynni til samfélagsins. Svo þegar þeir komu hingað, þá eyddu þeir landinu og lögðust á þræla sína til að skapa vinnuhjú sín.

Enn í dag högum við okkur á sama hátt og hinir íslensku jólasveinar eru birtingarmynd hina sönnu gilda okkar: kjötþjófar, hurðaskellir út frá rifrildum og reynum að fá kertin ókeypis.

Álfar eru þó líklegast þeir sem höfðu vit á því að forða sér í felur frá hinum hefðbundna Íslendingi sem ágirntist gull og silfur þeirra, svona mitt á milli þess sem hann tuðaði út í horni um hvað mjölið var ormétið og snærið slitið en var svo alltaf ljúfur sem lamb hjá kaupmanninum að sleikja hann upp í von um að 0,001 gramm af mjölinu myndi bætast við síþverrandi skammtinn.