Algjört einkaframtak án innblöndunar

Nýju myndina um hrunið sem verður frumsýnd 9. október og heitir "Guð blessi Ísland", ætla ég að sjá, það er á hreinu.

Þá verður liðið ár frá þeim degi sem allt hrundi svona formlega þó auðvitað hafi allt farið í vaskinn löngu áður en okkur starfsmönnum á plani haldið í ástandi hins hamingjusama hálfvita eins lengi og nokkur kostur var.

Ég ætla að sjá hana þó ekki væri nema nafnsins vegna sem er auðvitað tilvísun í orð Geirs Haarde þegar hann bað guð fyrir okkur þann 7. október í fyrra vansællar minningar.

Ég hef reyndar alltaf skilið þetta ákall Geirs á guð.

Maðurinn vissi auðvitað að hann og hans hómís voru gjörsamlega ófærir að bjarga nokkrum sköpuðum hlut og þá var ekkert eftir nema ákall á hinn almáttuga.

Sem mér finnst ekki hafa tekið neitt sérstaklega vel í bón Geirs Hilmars.

En hvað gat Geir gert?

Ekki gat hann beðið VG um að bjarga okkur.

Það hefði verið pólitísk sjálfsmorð.

En hið pólitíska sjálfsmorð var auðvitað framið án hjálpar nokkurs manns eða máttar.

Algjört einkaframtak án innblöndunar.

Gvöð blessi Kolbeinsey, hún er að hverfa í sjó.

Þetta er bara allt farið í steik

Athugasemdir

[Gísli Baldvinsson (IP-tala skráð) 3.9.2009 kl. 11:40]

Kolbeinsey er horfin. Sést í þyrlupallinn í lygnum sjó.

[Stefán (IP-tala skráð) 3.9.2009 kl. 14:30]

... og nú stendur stuttbuxnadeild Davíðs og Geirs og reynir að sverja af sér efnahagshrunið, HA, HA, HA.  Ekki skrítið að sprenghlægilegt myndband með Hannesi Hólmsteini gangi nú um netheima. Þetta stuttbuxnalið Sjálfstæðisflokksins er allt í senn: HLÆGILEGT, HEIMSKULEGT og VERULEIKAFYRT. Landsbankinn og Icesave var í 100 % stjórn Sjálfstæðisflokksmanna frá a-ö !!!  Guð blessi alla aðra en stuttbuxnadeild Sjálfstæðisflokksins, sem hvorki kann að hysja upp um sig né skammast sín.   

[Ingólfur Ásgeir Jóhannesson, 3.9.2009 kl. 16:58]

Gísli: Fór ekki núverandi fjármálaráðherra með til Kolbeinseyjar forðum í björgunarleiðangurinn? Mig minnir það endilega - og rétt reyndar að hafa í huga í þeim efnum að hann er jarðfræðingur. En ég man ekki hvort þetta var einmitt þegar hann var samgönguráðherra, var hann það ekki annars um leið og hann var landbúnaðarráðherra í fyrra skiptið?

[Dúa, 3.9.2009 kl. 17:15]

Má grenja í bíó?

[Guðrún Emilía Guðnadóttir, 3.9.2009 kl. 17:36]

Dúa mín já já það má grenja í bíó, ég verð nú víst ekki fyrir sunnan annars hefðum við getað farið saman og tekið Jenný með.

[Andrés.si, 5.9.2009 kl. 17:19]

Ég fór ekki í bíó í 2 ár. En þessa mynd þarf ég að sjá.