Auðvitað skrifar maðurinn undir

Ég skrifaði ekki undir áskorun á forsetann um að samþykkja ekki Icesave-ríkisábyrgðina.

Það er bara svo út í hött að ætla að neita að borga hversu óréttlátt sem það nú er.

Málið er að Icesave er staðreynd, AGS er það líka.

Það er líka borðleggjandi að við fáum ekki krónu neinsstaðar frá nema að þetta andstyggðar mál sé afgreitt formlega.

Ekki að mér finnst það ekki fúlt, ónei, en kommon, raunveruleikinn er þarna krakkar mínir.

Það má sparka í sköflunginn á mér, I´m a big girl, en þetta er svona og ekki öðruvísi.

Cry me a river.

Forsetinn staðfestir Icesave-lög

Athugasemdir

[Rómverji (IP-tala skráð) 2.9.2009 kl. 14:50]

Þú ert ekki með á nótunum.

Málið snerist ekki um að borga eða neita að borga. Málið snerist um ríkisábyrgð og fyrirliggjandi samninga við hollensk og bresk stjórnvöld. Og reyndar rétt almennings til þess að gera út um lífshagsmunamál sín sjálfur, án leiðsagnar frá þeim sem hafa hafa stýrt málum svo ógæfulega á liðnum árum og ávallt látið almannahagsmuni víkja fyrir flokkshagsmunum.

[Finnbogi Steinarsson (IP-tala skráð) 2.9.2009 kl. 14:51]

Ég veit ekki hvað þú hefur á samviskunni en ég kom hvergi þar nærri að steypa Íslandi í skuldir.  Þannig að ég vill ekki borga krónu umfram það sem EES samningurinn segir okkur skulda.

 Þú hefur greinilega slæma samvisku og átt nóg af pening.  Er þá ekki fínt að þú sjáir um minn hluta líka?

[Hólmdís Hjartardóttir, 2.9.2009 kl. 15:00]

Fullkomlega ósammála þér núna

[Jenný Stefanía Jensdóttir, 2.9.2009 kl. 15:04]

.... og flýtti sér að því til að forðast frekari áreiti og leiðinlegheit.

Annars eru þessir fyrirvarar þokkalegir;  4% af hagvexti hámarksafborgun, ef ekki hefur tekist að greiða lánið upp 2024, fellur það niður, og allir fyrirvarar á lögmæti þessarar kúgunar yfirleitt.

Held samt að dagar Svavar Gestssonar, sem samningarmanns séu taldir, nema að hann eigi sér vörn í dagskipun frá ríkisstjórn, að semja og það fljótt, ekkert múður, enga fyrirvara, ekkert, bara skrifa undir.

Það verður gósentíð á ævisögumarkaðnum eftir nokkur ár, í ævisögum segja menn alltaf satt, ekki satt?

[Soffía Valdimarsdóttir, 2.9.2009 kl. 15:13]

Nei nú´ert þú alveg í ruglinu kona - við skuldum ekki þessa peninga og eigum ekki að borga!

[Jenný Anna Baldursdóttir, 2.9.2009 kl. 15:21]

Rómverji: Ég ber virðingu fyrir þér.  Kannski er ég á villigötum.

Þið hin: Skrifaði ekki þessa færslu til að fá fólk til að elska mig.

Er með vonda samvisku yfir ýmsu en get ekki tekið á mig Icesave.

[Ásdís Sigurðardóttir, 2.9.2009 kl. 15:24]

Þú ert nú ekkert betri en Óli, hefði seint trúað þér til að vera sammála Icesave.

[Sigurður Sigurðsson, 2.9.2009 kl. 15:30]

Fannst þér eðlilegt að forsetinn skrifaði ekki undir fjölmiðlalögin - með tilvísun í "gjá milli þings og þjóðar"  ???

[Loki (IP-tala skráð) 2.9.2009 kl. 15:59]

Jenny að hlusta á svona hótanir að við fáum ekki krónu neinstaðar ef við borgum ekki þýðir bara að þegar Íslendingar þurfa að fara að samningaborði einhverstaðar annarstaðar þá vita viðsemjundur að ef þeir hóta nógu miklu þá fá þeir sitt frammi, svo ég bara að "betra" veganesti getum við ekki haft þegar þessi aftúrkreistungur þessi ríkisstjórn sendir sína snillinga til að semja við Nasistabandalagið (ESB)

Og ég spyr hvort er  betra að vera fátækur  eða vera fátækur og skulda?  Spurðu þjóðverja eftir fyrra stríð

[hilmar jónsson, 2.9.2009 kl. 16:18]

Sammála þér Jenný. Held að um lítið annað hafi verið að ræða.

[Sigrún Jónsdóttir, 2.9.2009 kl. 16:25]

Ég er þér algerlega sammála.

[Jón Snæbjörnsson, 2.9.2009 kl. 16:50]

ekki sáttur við að vera gert skilt að borga eitthvað sem ég hef ekki stofnað til né veit hversu mikið eða hvað er nákvæmlega, "kvitta ekki undir óutfylltan víxil" - einhver hér ræður kanski betur við svona útrásargreiðslu en aðrir

[Lárus Baldursson, 2.9.2009 kl. 16:58]

Hefur eitthvað breyst efir Icesave ánauðina? vextir eða gengi? verða íslenskir fjárglæframenn aftur teknir opnum örmum í alþjóðasamfélaginu, eða munu hryðjuverkalög Breta gleymast?

[Emil Örn Kristjánsson, 2.9.2009 kl. 17:20]

Ég skrifaði ekki heldur undir téða áskorun. Aðallega vegna þess að ég er konungssinni og lít þ.a.l. ekki á sk. forseta sem minn rétta þjóðhöfðingja.

[Himmalingur, 2.9.2009 kl. 18:08]

Auðvitað finnst þér það sjálfsagt, því við vitum öll hvar í flokki þú stendur. Annars er það nú merkilegt með þá sem hafa vinstri slagsíðu, þeir forðast fram í rauðan dauðan, að hallmæla formanni sínum og þingmönnum, þrátt fyrir að vera kannski á allt annarri skoðun. En þú ert sjálfri þér samkvæm, og það er hið besta mál!

[Anna Sigríður Guðmundsdóttir, 2.9.2009 kl. 22:50]

Sammála þér Jenný. Þeir sem kynna sér málið og mynda sér skoðun út frá sinni heiðarlegu sýn skilja að ekki var annað í boði. Sumir vila bara halda í vonlausa von um að sleppa við afleiðingar gjörða síðustu svika stjórnar.

 Þar gala hæðst gamlir svikarar sem vilja halda áfram að svíkja saklausa borgara til að bjarga eigin skinni. Ekki sérlega göfugt hjá þeim. Réttlætið ráði óháð flokkum er mín ósk.