Bókablogg um Kínverjann

Ég var að lesa nýju bókina hans Hennings Mankell.

Kínverjann.

Hún er frábær.

Glæpasaga sem heillaði mig upp úr skónum.

Af hverju?

Jú hún er meira en glæpasaga, hún er um pólitík, fjöldamorð, þrælahald, græðgi og réttindabaráttu.

Í bókinni er farið víða um heim bæði í tíma og rúmi.

Sögusviðið teygir sig frá Svíþjóð, Englands og alla leið til Kína í nútímanum ásamt Kína og Bandaríkjum fortíðar.

Ótrúlega vel skrifuð bók sem er heillandi, ógnvænleg, fróðleg og spennandi, allt í senn.  Ein af þessum spennubókum sem halda manni föngnum allt til enda.

Ég er að verða fíkin í krimma sem er alveg nýtt fyrir mér.

Ha?

Lesið Kínverjann, þið verðið ekki svikin.

Athugasemdir

[Ragna Birgisdóttir (IP-tala skráð) 27.8.2009 kl. 22:21]

Virðist vera dálítill íslenskur veruleiki?

[Brjánn Guðjónsson, 27.8.2009 kl. 22:32]

我不讀書

[Karl Tómasson, 27.8.2009 kl. 23:24]

Kæra Jenný Anna Kínverjar eru heillandi, sannarlega.

Ég er líka eins og svo margi aðrir oft heillaður af þér. Ég var t.d. óskaplega sáttur við skrif þín hjá Röggu vinkonu minni. Þú eins og svo oft áður mast stöðuna hárrétt að mínu mati og það er nóg fyrir mig.

Bestu kveðjur úr Mosó frá Kalla Tomm.

[Ía Jóhannsdóttir, 28.8.2009 kl. 07:40]

Er að reyna að böglast við að koma mér í gegn um bókina Karlmenn sem hata konur eða heitir hún það ekki?  Það stendur eitthvað á tímaleysi hér á bæ. 

 Annars bíð ég bara góðan daginn og njóttu vel.

[Ingibjörg (IP-tala skráð) 28.8.2009 kl. 07:54]

Mögnuð bók - las hana fyrst á frummálinu.  Búin að reka harðan áróður fyrir henni við vini og vandamenn.

Svo er ein alveg dásamleg sem heitir Ítalskir skór eftir Mankell - önnur Tea-Bag - þriðja Heili Kennedys og þær eru nefnilega nokkar sem fást til láns í Bókasafni Norræna hússins - .  Árskort kostar 1200 - og þeim peningum er vel varið.  Þú lest sænsku - drífðu þig af stað.

[Jenný Anna Baldursdóttir, 28.8.2009 kl. 09:05]

Ingibjörg: Takk kærlega fyrir tipsið.  Mun rjúka af stað.

Takk öll fyrir innlegg.

Kalli minn, ég ber virðingu fyrir Ragnheiði Ríkharðsdóttur, held að hún eigi alveg inni fyrir því.

[Sigrún Aðalsteinsdóttir, 28.8.2009 kl. 10:24]

Ég ætla mér að næla í þessa strax til að liggja yfir í fríinu.  Er hún nýkomin út? man ekki eftir að hafa séð hana áður.