Urrdanbíttann!

Æi, ég veit það ekki, er orðin svolítið leið á þessu málningarfári.

Ég held nefnilega að stór hluti fólks, sem er annt um hluti og hús fái samúð með útrásardólgunum.

Það vil ég síst sjá gerast.

Kannski er þetta orðið gott.

Ég bíð hins vegar eftir frystingu eigna.

Hvar í heiminum sem þær eru faldar.

Eins og t.d. allir Icesavepeningarnir.

Urrrrrrrrrdanbíttann!

Málningu úðað yfir bíl Björgólfs

Athugasemdir

[Guðrún Óladóttir (IP-tala skráð) 23.8.2009 kl. 12:09]

Nei Jenný Arna,

Mín samúð verður seint með útrásarvíkingunum. Þó ég sé ekki að réttlæta svona gjörðir , græt ég þær ekki heldur . Þannig held ég að mörgum sé innanbrjóst, allvega margir sem ég hef talað við.

Guðrún Óladóttir

[Sævar Einarsson, 23.8.2009 kl. 12:32]

Ekki skemmdarverk

Ætlunin er að fara aðra umferð yfir bílinn í dag.

„Mér finnst nú óþarfi að stilla þessu svona upp. Þetta var nú bara fyrsta umferð,“ segir starfsmaður Bíla- og traktorasprautunar Ingólfs á Höfðabakka. Hann er ósáttur við að hefðbundinni sprautun hans á Hummer-jeppa Björgólfs Thors Björgólfssonar hafi verið slegið upp í fjölmiðlum sem skemmdarverki.

„Það er með ólíkindum að fjölmiðlar skuli vera að níða skóinn af heiðarlegum iðnaðarmönnum. Nóg er nú samt.“

Baggalútur klikkar ekki 

[Jenný Anna Baldursdóttir, 23.8.2009 kl. 12:44]

Sævarinn: Góður.

Guðrún: Ég hef nákvæmlega enga samúð með útrásarglæpamönnunum en ég held að þessar málningar út um allt veki samúð með þeim víða.

[Gunnar (IP-tala skráð) 23.8.2009 kl. 12:55]

Magnað að útrásarvíkingarnir láti taka sig svona auðveldlega trekk í trekk. Eiga þeir ekki allir glæsivillur með mörgum bílskúrum. Afhverju geyma þeir ekki bílana inni í skúr til að forða þeim frá málningargusum?

Reiðin kraumar allstaðar og þetta er rétt að byrja.

[Ásdís Sigurðardóttir, 23.8.2009 kl. 13:46]

Sæl Jenný. Ég held ekki að þessar skvettur veki samúð hjá fólki, þekki engann sem er ekki slétt sama um þessa kóna.

[Heiða Þórðar, 23.8.2009 kl. 14:16]

Sæl öll

Ég er nú svo einkennleg innan undir skinninu...að þegar ég las blöðin í morgun....fann ég einmitt svona smá....

...já ... tilfinningar sem ég þori varla að nefna hér.

Jenný; hittar alla nagla bein í hausinn einsog svo oft áður.

Ertu norn?

Knús inn í daginn

[Heiða Þórðar, 23.8.2009 kl. 14:17]

"hittir alla naglana beint" ...

[Byltingarforinginn, 23.8.2009 kl. 19:26]

Já, alveg frábært að við skulum svo fá reikninginn, því þetta er allt tryggt og við fáum iðgjaldahækkanirnar.

Vonandi fá "málararnir" heilaskaða af öllu sniffinu sínu.