Símaskellir só sorrí

Það er óþolandi bögg þegar fjölmiðlar eru að draga upp yfirvofandi bónusgreiðslur hjá græðgifurstunum í bönkunum.

Núna hjá Straumi-Burðaráss.

Ekki vinnufriður fyrir þessum snuðrandi fréttamönnum.  Frusssssssssssssss!

Enda skellti Óttar Pálsson, forstjóri, símanum á fréttamann Stöðvar 2 (frekar en RÚV) þegar hann spurði hann út í viðkomandi kaupauka sem starfsmenn bankans eiga að fá við að bjarga því sem bjargað verður úr rústum bankans.

Helvítis ófriður hefur maðurinn hugsað, veit fólk ekkert um ábyrgðina sem við bankamenn berum við að tapa peningum og þurfa svo að leggja nótt við dag við að ná einhverju til baka.

Kannski hugsaði hann ekki neitt.

En eftir að uppvíst varð um bónusana þá hefur þessi Símaskellir ákveðið að sjóða saman afsökunargrein í Moggann.

Til að friða liðið offkors.

Dugir það?

Nei, að sjálfsögðu ekki.

Skilaðu því sem þú hefur rakað inn á græðginni kallinn.

Og þá erum við að tala saman.

Þessar spillingarfréttir eru alveg að trufla í mér geðheilsuna.

Tilhugsunin um þessa óþverra alla saman fá mig til að langa í slátur, svei mér þá.

Slátur er svona jafnógeðfelldasti matur sem ég get hugsað mér.

Gæti verið ráð að gúffa því í sig til að fá um eitthvað annað að hugsa.

Svona til að fá eitthvað áþreifanlegra til að kúgast yfir til tilbreytingar.

Urr....

Biðst afsökunar fyrir Straum

Athugasemdir

[Margrét Sigurðardóttir, 21.8.2009 kl. 08:28]

Að biðjast afsökunar er bara bull ef hugur fylgir ekki máli sem auðséð er ef haldið er uppteknum hætti ! Og svona afsökunarbeiðni getur bara komið frá smámenni sem vill með því lægja öldur til að hann geti haldið áfram.

[Jenný Stefanía Jensdóttir, 21.8.2009 kl. 08:31]

Ótrúlegur leirburður þessi afsökunarbeiðni.  Á maður enn á ný að hlusta á "alþjóðlega" bankamenn tala um "bónusumhverfi banka" útí heimi vs íslenskan veruleika.  Sömu rök og Knoll og Tott kyrjuðu á í vörn  gegn óforskömmuðu bankaáhlaupi Davíðs Oddsonar á bankann þeirra um árið, þegar hann hreinsaði bankabókina sína.

Já það er sannalega orðin þörf á einhverju "áþreifanlegu" að kúgast yfir, þó mér þykir blóðmör og stappaðar rófur, yndislegur matur.  ;)

[Bjarni Kjartansson, 21.8.2009 kl. 08:41]

ÞAð er yffirlýst stefna stjórnarinnar að ekki skuli greiða hærri laun og þóknanir en það sem forsætisráðherra hefur.

ÞEssi gaur hefur fjórfallt það og gott betur.

Hví í ósköpunum rekur Steingrímur ekki svona lið?

Það heyrist æ oftar, að guttarnir (og kerllurnar) sem eru nú að gefa stjórnvöldum fingurinn (Skilanefndirnar t.d.) hóti mönnum að grafa fram og segja frá skít sem þeim er kunnugt um, í ranni stjórnmálamanna og annarra, lít og glæponarnir gera í kvikmyndunum, --lána peninga, sem síðan eru ,,afskrifaðir" , boð í ,,veislur" og gaman gaman --allt myndað í bak og fyrir.

Þeir sem liggja með mörðum, verða lúsugir.

Mibbó

biður Jený nota áhrif sín á Steingrím til að reka þetta lið allt í einu swingi  :-)

[Soffía Valdimarsdóttir, 21.8.2009 kl. 09:03]

Þetta endar með alvöru byltingu - og þá meina ég blóðugri!

[Svavar Friðriksson (IP-tala skráð) 21.8.2009 kl. 09:03]

Maður veltir fyrir sér hvort Economic hitman hafi náð Steingrími og Jóhönnu á sitt band.  Svo fljótt virtust þau skipta um skoðanir.

[Hildigunnur Rúnarsdóttir, 21.8.2009 kl. 09:03]

Jenný Stefanía, nákvæmlega það sem ég hugsaði þegar ég las þessa hálfvolgu afsökunarbeiðni. Er liðið ENN að bera sig saman við alþjóðlegt umhverfi og halda því fram að „við missum góða fólkið burtu ef við borgum ekki almennilega“???

[DanTh, 21.8.2009 kl. 09:25]

Ég hef það haft eftir einum af ofurlaunuðu starfsmönnum bankans að við (þjóðin) séum bara einn allsherjar grátkór öfundar í þeirra garð. Sem sé bara vælandi skríll sem skilur ekki mikilvægi starfs þessara bankamanna og þar með ofur launa.  

Hugarfar þessa liðs er þannig að það þarf ekki nokkur maður að láta sér detta það í hug að heill hugur sé á bak við afsökunarbeiðni forstjórans.  Hann er bara að reyna að klóra í bakkann svo almenningsálitið kalli ekki eftir því að hann og græðgispakkið í kringum hann verði látið víkja.   

[Brjánn Guðjónsson, 21.8.2009 kl. 10:08]

eigi skyldi forsmáð slátrið, sem haldið hefur lífi í þessari þjóð frá ómunatíð.

held þú verðir að biðjast afsökunar

[Jenný Anna Baldursdóttir, 21.8.2009 kl. 10:19]

Ég hata slátur.  Hvað er fólk að úða í sig innyflum þegar nóg framboð er af mat?

Ég kæri mig ekki um afsökunarbeiðnir frá þessu liði.  Ekki einu sinni þó þær séu alvöru.

Einfaldlega vegna þess að glæpurinn er of stór, hefur kostað of mikið.

En ég skal endurskoða afstöðu mína ef þeir leggja peningana sína til uppbyggingar.

Jabb.