Ætla ekki að baka mér refsiábyrgð

Í Kastljósi kvöldsins fengum við innsýn í mikilmennskubrjálæði og siðblindu bankadólgana.

Þarna sat Hreiðar Már Sigurðsson og hafði ekki gert nokkurn skapaðan hlut af sér.

Ó, best að hafa þetta rétt, eitthvað smáræði hafði honum orðið á, en það var svo lítið að hann dvaldi ekki við það.

Svo var hann stórlyndur.  Hann bað hluthafa og starfsfólk bankans afsökunar.

Hann sá ekki að hann skuldaði íslensku þjóðinni afsökunarbeiðni.

Enda kannski eins gott - ég myndi ekki vilja sjá hana.

En hann var svo vinsamlegur þessi snillingur að ráðleggja vegna skuldavanda heimilana.  Takk.

Síðan ég horfði á viðtalið hef ég upplifað allan neikvæðari helming tilfinningaskalans.

Ekki hefði ég getað verið í sporum Sigmars - ég útskýri það ekki nánar.

Ætla ekki að baka mér refsiábyrgð það er á hreinu.

Getur þessi tegund atgervis ekki búið til stóran SPEKILEKA til bjargar íslensku þjóðinni?

Heimurinn bíður.

Við höfum fengið nóg.

Eða hvað?

Ég sá að einhver var að fabúlera um tjöru og fiður.

Neh, hvorutveggja allt of dýrt í kreppunni.

Annarra að biðjast afsökunar

Athugasemdir

[Karl Tómasson, 19.8.2009 kl. 22:58]

Jenný Anna, hvað er hægt að segja eftir slíkt viðtal??????????

Bestu kveðjur frá Kalla Tomm úr Mosó.

[Páll A. Þorgeirsson (IP-tala skráð) 19.8.2009 kl. 23:08]

Eftir viðtalið er skilningur minn mun meiri á því hvers vegna staða þjóðarbúsins er eins og hún er.  Hverjir ráða svona mann í vinnu, þeir hljóta að vera meðsekir. 

[Kristján Sigurður Kristjánsson, 19.8.2009 kl. 23:14]

1. Hvernig er hægt að skulda "afsökunarbeiðni"?

2. Hefði Kaupþing fallið ef Bretar hefðu ekki sett hryðjuverkalögin á Ísland vegna Landsbankans?

3. Er allt bull og vitleysa sem hann sagði um davíð oddsson?

[ThoR-E, 19.8.2009 kl. 23:35]

Skil ekki hvernig Sigmar fór að því að hemja sig í að slá manninn kinnhest með flötum lófa, þegar hann sagðist ekki skulda þjóðinni afsökunarbeiðni.

Enn eitt dæmið um hve veruleikafirrtir og siðlausir þessir menn voru.

[Þórður Möller (IP-tala skráð) 20.8.2009 kl. 00:22]

Nú eru allir brjálaðir (Eins og Heiða sagði svo skemmtilega) fyrir framan tölvurnar. Ekki get ég séð að þetta breyti nokkru. Ekki eigum við eftir að sjá þorra Íslendinga mótmæla og gera allt brjálað. En mig langar. Hvenær er komið nóg ég bara spyr.

[hilmar jónsson, 20.8.2009 kl. 00:31]

Nákvæmlega Þórður.

[Jón Bragi Sigurðsson, 20.8.2009 kl. 09:37]

Svo laug hann tví blákalt ad allt vaeri og hefdi alltaf verid í fína standi hjá Kaupthingi erlendis og nefndi m.a. Svítjód í thví sambandi.

Sannleikurinn er hins vegar sá ad saenskir skattgreidendur thurftu ad henda 5 milljördum SEK í Kaupthing sídastlidid haust til thess ad bjarga sparendum frá tjóni.

Fínt stand!