Kompás inn og hina úr sumarfríi

Merkilegur fjári að þær sjónvarpsstöðvar sem til eru skuli ekki hanga á húninum hjá Kompásmönnum.

Hafi einhvern tímann verið þörf fyrir þátt eins og Kompás þá er það núna.

Fólki þyrstir eftir upplýsingum, fréttaskýringum þar sem farið er í saumana á öllum þeim fjölda mála sem upp eru að koma eftir bankahrun.

Spillingunni, tengslunum, reddingunum og áfram og áfram.

Og svo vantar Silfrið og Kastljós sem aldrei fyrr.

(Bendi RÚV hér með á að henda út þáttum eins og þessum glataða um bresku konungsfjölskylduna sem kostar örugglega hvítuna úr augum vorum, ef það vantar pening).

Strákar maður fer ekki í sumarfrí á miðri vertíð.

Þetta var ég búin að segja ykkur og hnykki á því hér með.

(Jeræt ég er svo áhrifamikil að þeir stökkva í vinnuna um leið og þeir fá veður af þessari skoðun minni).

Jabb.

Kompás inn og hina úr sumarfríi.

Pronto!

Dagar Kompáss taldir

Athugasemdir

[Lára Hanna Einarsdóttir, 29.7.2009 kl. 13:27]

Dittóa þetta heilshugar sbr. nýjasta bloggpistilinn minn! Skora á fleiri að skrifa um þessi mál og beita MIKLUM þrýstingi!

[Guðrún Emilía Guðnadóttir, 29.7.2009 kl. 13:38]

Tek undir þetta þó ég sé ekki með stöð 2.

[Óskar Þorkelsson, 29.7.2009 kl. 13:42]

þátturinn um bresku konungsfjölskylduna var frábær.. bara svo því sé haldið til haga.. að örðu leiti er ég þér sammála :D

[Sigrún Jónsdóttir, 29.7.2009 kl. 14:40]

hahaha...tek undir með Óskari....og ykkur hinum að sjálfsögðu:)

[Héðinn Björnsson, 29.7.2009 kl. 15:33]

Að RÚV velji ekki að forgangsraða fréttaskýringum og skera niður á öðrum frontum er með öllu óverjanlegt í þessu árferði.

[Birna Dis Vilbertsdóttir (IP-tala skráð) 29.7.2009 kl. 17:37]

Kompás á RUV .Fyrir hvað erum við annars að borga??? Golf í viku 24/7?

[Ragna Birgisdóttir (IP-tala skráð) 29.7.2009 kl. 18:06]

Drottninin er dálítið oft geðvond.Samt er hún ríkasta kerling í veröld.

[Kristín Katla Árnadóttir, 29.7.2009 kl. 18:42]

Alveg sammála þér Jenný.