Afsakið á meðan ég garga mig hása

Það er kannski rétt að við getum lifað og komist af án Evrópu.

En getur Evrópa lifað án okkar?

Æi, mér gæti ekki verið meira sama.

En sáuð þið fréttirnar á RÚV í gærkvöldi?

Já, ég veit, fullt af fréttum um stórtækar úttektir innanhússmanna hjá Glitni og Landsbanka.

En það er ekki það sem vakti mesta athygli hjá mér sko.

Heldur konan sem kvartaði yfir of háum atvinnuleysisbótum miðað við lægstu laun.

Kvartaði yfir fríðindum fyrir atvinnulausa og svona í leiðinni.

Ég hef tekið eftir því undanfarið að það er verið að ráðast að atvinnulausu fólki og gera það að einhverskonar glæpamönnum.

Merkilegt miðað við að það er fullt af stórtækum glæpamönnum í þjóðfélaginu út um allt, en einhvern veginn eru atvinnulausir betra skotmark.

Sífellt verið að tala um svik þeirra og svarta vinnu en ég er viss um að það er lítill minnihluti sem stendur í bótasvikum.

Sem ég er svo sannarlega ekki að mæla bót.

Ég vil bara minna á að atvinnulausa fólkið eru fórnarlömb bankahrunsins, sjálftökunnar og sukksins.

Þeir eru engir sökudólgar.

Og að draga í viðtal konu sem er um það bil að fara af bótum og inn á vinnumarkaðinn til að óskapast yfir þessum bótum sem fólk rétt skrimtir á finnst mér fyrir neðan allar hellur.

Væri ekki gáfulegra að horfa á vandann frá öðru sjónarhorni og öllu réttlátara?

Eins og þeirri staðreynd að við eigum handónýt hagsmunasamtök launþega sem hafa staðið sig svo illa að meira að segja atvinnuleysisbætur eru jafn háar lágmarkslaunum?

Ég held að skömmin liggi þar, hjá peningamönnunum, stórþjófunum og siðleysingjunum.

Ekki hjá heiðarlegu fólki sem stendur uppi atvinnulaust.

Afsakið á meðan ég garga mig hása.

VIÐTALIÐ

„Getum lifað án Evrópu“

Athugasemdir

[Ásthildur Cesil Þórðardóttir, 28.7.2009 kl. 09:16]

Sem betur fer horfði ég ekki á sjónvarpið í gærkvöldi, ég hefði annað hvort; kastað einhverju í sjónvarpið og skemmt það, eða orðið mér til skammar fyrir framan mína austurrísku gesti með formælingum og öskrum. 

[Hrönn Sigurðardóttir, 28.7.2009 kl. 09:17]

Sammála! Þetta er fáránlegt! Allt í einu eru atvinnulausir orðnir aðalkrimmarnir?

Það er hinsvegar aldrei talað um alla þá sem eru að strögglast við að komast aftur inn á markaðinn og sækja um allar vinnur sem í boði eru og fá annaðhvort engin svör eða eru sviknir um loforð um svör. 

Það er heldur ALDREI talað um atvinnurekendur sem eru að notfæra sér ástandið og koma fram við starfsmenn sína eins og þeir eigi að þakka fyrir að hafa vinnu á meðan þeir svíkja þá um allt sem þeir komast upp með!

Sveit attan!

[Sigríður Jósefsdóttir, 28.7.2009 kl. 09:26]

Ég ætla bara að vona að blessuð konan hafi bara mismælt sig.  Hún hlýtur að hafa átt við að lægstu laun væru allt of lág miðað við atvinnuleysisbætur.

[Jenný Anna Baldursdóttir, 28.7.2009 kl. 09:30]

Nei, konan mismælti sig ekki. Hún kvartaði sárlega undan of háum atvinnuleysisbótum miðað við lægstu laun. Og fríðindin maður minn. Málið verður að skoðast út frá því að konan var að "missa" fríðindin og bæturnar og var á leið í vinnu.

[, 28.7.2009 kl. 09:44]

Sammála henni Hrönn Sig. hér að ofan. Vinnuveitendum tekst að halda fólki á tánum með "það er nóg af fólki sem getur unnið vinnuna þína ef þú ert með eitthvað múður".

[Heiða B. Heiðars, 28.7.2009 kl. 09:52]

Þetta er náttúrulega fyrir neðan allar hellur og ég trúi því bara ekki að fólk mótmæli þessari nálgun með látum

[Heiða B. Heiðars, 28.7.2009 kl. 09:53]

Ég er að hringja þangað núna....

[Jenný Anna Baldursdóttir, 28.7.2009 kl. 09:55]

Takk Heiða, alltaf hægt að treysta á villinginn snillinginn.

[Heiða B. Heiðars, 28.7.2009 kl. 10:00]

..............og sagði þeim hvað mér fannst :)

Mæli með því að sem flestir hringi

[Óskar Þorkelsson, 28.7.2009 kl. 10:51]

Ég sá viðtalið við Kollu og fannst það frekar aumkunnarvert.. því blessuð konan kvartaði yfir 149.000 kr atvinnuleysisbótum.. vandinn er ekki bæturnar heldur launin.. launin eru alltof lág.

annars er hún kolla blessunin búin að spila talsvert á kerfið í gegnum áriin ásamt því að hafa verið í rekstri sjálf.. og borgað lægstu launin sem henni finnst svo frábær í dag. 

[Jenný Anna Baldursdóttir, 28.7.2009 kl. 11:07]

Óskar: Ég vil ekki blanda persónu þessarar konu inn í málið.  Það sem er aðfinnsluvert er að RÚV hafi leitað uppi einhvern með skoðanir sem ábyggilega ekki nokkur kjaftur sem er á atvinnuleysisskrá deilir með konunni.

Höldum Kolbrúnu fyrir utan umræðuna.

[Óskar Þorkelsson, 28.7.2009 kl. 11:11]

hún var nafngreind í fréttinni sem þú vitnar í á RUV, svo ég sé ekkert athugavert að ræða um hana Kollu sem persónu.

[Rut Sumarliðadóttir, 28.7.2009 kl. 12:28]

Hjartanlega sammála þér Jenný.