Ástfanginn af bótoxi

 

Ein af dætrum mínum (að minnsta kosti) er skotin í Simon Cowell. 

(Þú veist hver þú ert).

Hún hitti hann í fyrra þegar hún var úti að borða í London, þau töluðu saman og hann blikkaði hana.

Því miður þá náðist þetta sögulega atvik ekki á mynd.

En Simon á sama afmælisdag og yngsta stelpan mín, það hlýtur að gera það að verkum að honum er ekki alls varnað, því fólk á þessum degi er með hjartað utan á sér.

Spurningin er hvort Simon sem er bótoxaður frá enni og niðurúr, sé búinn að láta eiga við hjartað líka.

Svo hræddur við að eldast karlinn, hlýtur að vera skelfilegt að óttast hið óumflýjanlega.

Núna á sem sagt að halda afmælisveislu fyrir þennan krúttfrömuð í tilefni þess að hann verður fimmtugur 7. október n.k.

Um að gera að taka afmælið snemma og halda óslitnu fjöri fram á árs afmælisdag íslenska hrunsins.

Sautján fyrrverandi kærustur munu mæta í partíið.

Hvað með ALLAR hinar?

Sautján stykki er lítill og aumingjalegur afrakstur fyrir bótoxhöfðingjann.

Karlinn hætti við að giftast í fyrra.

Skíthræddur við að bindast öðru en bótoxinu og sjálfum sér.

Hann á eftir að enda aleinn og fokkings skíthræddur, ég er að segja ykkur það.

Djók.

Hvað er ég að fabúlera um Simon Cowell?

Jú, ég nenni ekki að vera alvarleg um helgar.

Og frá og með nú er mín helgi hafin.

Úje.

Sautján fyrrverandi kærustur

Athugasemdir

[Jón Arnar, 24.7.2009 kl. 13:25]

Hvar sástu að hann væri botoxaður?

Mar getur sko haldið sér án þessara "krukklækna" segist mér hugur og spegill - eigðu góða blogghelgi/snjáldru

[Sigrún Jónsdóttir, 24.7.2009 kl. 13:51]

Ég nenni ekki að vera alvarleg í sumar.

Hlakka til helgarinnar með þér

[brahim, 24.7.2009 kl. 15:27]

Jón Arnar Simon hefur viðurkennt að hann noti Botox...þarft ekki annað slá inn simon cowell and botox inn á google til að fá svarið.

[Fransman (IP-tala skráð) 24.7.2009 kl. 15:39]

Vá .. ég á ekki orð ..

Ég segi bara "góða helgi" ..

[Magnús Geir Guðmundsson, 24.7.2009 kl. 17:13]

En ég á orð, ofgnótt af þeim og segi því bara, Hahahaha, hýja á Jenný, öfundar dolluna sína!

[Sigrún Óskars, 24.7.2009 kl. 22:55]

skil vel að hún hafi orðið hrifin af honum - hann er svo sjarmerandi og með þennan skemmtilega breska húmor - Jenný,bara horfa á manninn og hlusta þá sérðu þetta.

þessar 17 kærustur eru örugglega bara 10% af öllum kærustunum.

Góða helgi