Skamm!

Samkomulag hefur náðst um að Glitnir eignist Íslandsbanka.

Nú, hvernig á venjulegt fólk að skilja þetta?

Ég hélt að ríkið hefði eignast Glitni óviljugur og hafi síðan breytt nafninu í Íslandsbanka.

Hann er sem sagt að eignast sjálfan sig.

Skiptir ekki máli, ég ætla ekki að láta eins og ég skilji þetta.

Þegar ég sé og heyri orðið Icesave þá fer hjartað að slá á ógnarhraða og ég fæ öll einkenni yfirvofandi taugaáfalls.

Ég veit ekki með ykkur en Icesave hefur grafið um sig í maganum á mér og er orðið að risastórum hnút sem truflar mig alla daga, hverja stund, hverja sekúndu.

Réttlætiskennd minni er misboðið og það ekki í fyrsta skipti frá því í haust.

Hvernig getur þjóð borið ábyrgð á einkabanka?

Jú, ég veit, glæpamennirnir létu sér ekki muna um að halda áfram að hlaða inn peningum á Icesave þrátt fyrir að vita hvert stefndi.

Landráð hvað?

Ég vil ekki borga.  Enginn vill það.

Ég vil fá að vita hvað það er sem er mögulega skelfilegra en það sem við þegar vitum.

Af hverju á ég blásaklaus (aldrei þessu vant) að borga eitthvað sem ég stofnaði ekki til?

Bara af því ég er af sama þjóðerni og einhverjir græðgifurstar sem nú hafa komið öllu sínu undan og lifa lífinu eins og lítið eða ekkert hafi í skorist?

Nebb, kaupi það ekki.

Nei, stjórnvöld verða að leggja spilin á borðið.

Og svona af gefnu tilefni þá ætla ég að koma því á framfæri að á milli stjórnmálamanna hvar í flokki sem þeir standa kemst vart hnífurinn á milli þegar kemur að klækjum og feluleikjum, hrossakaupum og sjálfumgleði.

Ég er eiginlega komin á þá skoðun að enginn, já enginn, sé að gæta minna hagsmuna á Alþingi Íslendinga í þessu máli.

Bara svo það sé á hreinu.

Ég er einfaldlega í einkastríði í bullandi kreppuástandi og vinnuheitið er "Fuck you all".

Skamm.

Glitnir eignast Íslandsbanka

Athugasemdir

[Héðinn Björnsson, 20.7.2009 kl. 09:58]

Nú er semsagt búið að einkavæða framtíðargróðan af starfsemi þessa banka án þess að við séum laus undan að þurfa að borga framtíðar tap hans eða þannig að við fáum nokkuð af því fé sem við höfum hennt í þetta skitafyrirtæki :( Þetta er stríðsyfirlýsing af hendi ríkisstjórnar Íslands á hendur íslensku þjóðinni og hún verður að taka afleiðingunum.

[Bjarni Kjartansson, 20.7.2009 kl. 10:00]

Þegar stjórnmálamennirnir og sumir ,,talsmenn vinnumarkaðsins" tala um nauðsyn þess, að erlendir kröfuhafar eignist bankana okkar er eins og þeri séu að tala um að Heimilihjálpin, Mæðrastyrksnefnd og Hjálparstofnanir kirkna standi á bak við þessar ,,kröfur" á bankana en ekki vogunarsjóðir sem hafa keypt ónýtar kröfur á slikk af alvöru bönkunum sem búnir eru fyri langa löngu að afskrifa þessar ,,kröfur" í sínum bókum.

Þetta er bara skelfilegt að fíflin ætli nú að gefa vulture ,,fjárfestum" bankana með Verðtryggðum skuldum landsmanna og VEÐUM í skipum, Kvóta , löndum, húsum og allskonar auðlindum.

Þetta eru þjófar og þjóðníðingar sem svona haga sér.

Mibbó

[Jónína Dúadóttir, 20.7.2009 kl. 10:29]

Glitnir sem einu sinni hét Íslandsbanki og heitir aftur núna Íslandsbanki, er að eignast Íslandsbanka sem einu sinni hét Glitnir og þar á undan Íslandsbanki........ Ok farin, ræð engan vegin við þetta !

[Rafn Gíslason, 20.7.2009 kl. 11:44]

Ég er sammála þér Jenný það er engum treystandi orðið á þessu landi, hér stefnir allt í volæði og eimd.

[Ásgrímur Hartmannsson, 20.7.2009 kl. 13:01]

Ég nenni ekki að taka þátt í þessu... er of upptekinn við að selja mér bílinn minn.