Nei eða já - af eða á

Ég er fegin að þetta ESB-mál sé til lykta leitt í bili.

Ég fagna því líka að fá tækifæri til að kynna mér hvað möguleg innganga í ESB hefur í för með sér fyrir Ísland.

Bæði gott og slæmt.

Ég er ekki Evrópusinni.

En mér finnst í stöðunni ekkert annað koma til greina að láta reyna á samningsleiðina.

Svo varð ég hissa á að Guðfríður Lilja sæti hjá.

Hún er dedd á móti aðild, vill tvöfalda atkvæðagreiðslu og átti því auðvitað að segja nei.

Sama með Þorgerði Katrínu.  Hún átti að segja annað hvort af eða á.

Svo var ég gapandi hissa á að Jón Birkir Jónsson væri með tillögu meirihlutans.

Ég hef alltaf borið virðingu fyrir Ragnheiði Ríkharðsdóttur, hún er kjarkaður og heiðarlegur pólitíkus og stendur með sjálfri sér.

Sem NB. fleiri þingmenn í öllum flokkum mættu taka sér til fyrirmyndar.

Og fyrirgefið en mér finnst að í svona stórum málum eigi ekki að vera möguleiki á hjásetu.

Nei eða já - af eða á (ég veit hallærislegt Eurovisionlag).

Annars góð, eða nei, algjörlega búin á því.

Farin að elda.

Er með matarboð.

Samþykkt að senda inn umsókn

Athugasemdir

[Birgir Guðjónsson (IP-tala skráð) 16.7.2009 kl. 16:13]

Aumingja við !...já auminga íslenska þjóðin !

Iceslave er bara aurar í samanburði við það sem við núna töpum.

tími til að pakka saman og flytja út !

Heyja Norge !

[Brjánn Guðjónsson, 16.7.2009 kl. 16:33]

gott mál sorglegast samt hverng borgó kaus

[Jenný Stefanía Jensdóttir, 16.7.2009 kl. 16:48]

Góðan daginn,

Í dag er glatt í döprum hjörtum ...........  Afstaða þín er heiðarleg og skynsamleg, eins og vænta má úr þínum ranni.

Gangi þér vel með matseldina, matarboð eru málið.

[Margrét Birna Auðunsdóttir, 16.7.2009 kl. 17:12]

Auðvitað ma'r, hvernig á maður öðruvísi að komast að því hvað þetta allt þýðir? Merkilegt samt hvað sumir eru harðir á því að þetta þýði endalok fullveldisins, eru þeir kannski búnir að lesa allan pakkann í gegn og komast að þessu - eða er þetta bara hræðsluáróður? Hvernig getur nokkur maður verið á móti aðildarviðræðum?

[Birna Dis Vilbertsdóttir (IP-tala skráð) 16.7.2009 kl. 17:14]

Sorglegt enginn er hlutlaus í þessu máli.En fólk gerir greinilega hvað sem er til að vera í ríkisstjórn og það er sorglegt.

[Hjálmtýr V Heiðdal, 16.7.2009 kl. 18:29]

Þú misstir greinilega af stórasta atburðinum. Sjálfstæðisflokkurinn er orðinn æstur í þjóðaratkvæðagreiðslur! Heklugos, ESB og annað svoleiðis eru smámunir, næstum hversdagsleg í samanburði við þessi sinnaskipti.

[Hrönn Sigurðardóttir, 16.7.2009 kl. 18:41]

Sammála! Mér finnst fáránlegt að það sé möguleiki í stöðunni að sitja hjá! Hvernig er hægt að hafa EKKI skoðun á þessu?

[hilmar jónsson, 16.7.2009 kl. 18:55]

Tek alfarið undir orð Bránns ( í kommenti 2 )

[Elín Gísladóttir (IP-tala skráð) 17.7.2009 kl. 00:15]

við höfum semsagt smá umhugsunarfrest, hvar eigum við að sækja um hæli??????? ef við viljum ekki vera peð Brusselskákinni. 

[fingurbjorg, 17.7.2009 kl. 12:17]

Horfðuð þið á beinu útsendinguna frá þinginu? Við kærastinn minn vorum að missa okkur yfir þessu! og hvergi kemur það fram í fjölmiðlum (hef allavega ekki séð það) að þeir sem sögðu nei yfir  þjóðaratkvæðagreiðslu sögðu nei útaf "sjálfstæðissirkusnum" og töluðu um að fyrst ætti að fara í breytingu á stjórnarskránni sem þau fara í áður en esb er samþykt til þess að bindandi þjóðaratkvæðisgreiðsla verði ekki ólögleg. Ég er ekki með þessi mál á hreinu, verð bara að treista þeim sem ég trúi að viti þetta betur en mér líst vel á að gera þetta löglega svo atkvæðin yrðu ekki tekin af okkur eftirá útaf "ólöglegum smámunum".

Þingmaður og svarið er já, já
Þingmaður og svarið er nei, nei.

Mig langar til að trúa þér
trúa, trúa, trúa.
Eru orð þín ætluð mér
trúa, trúa, trúa.