Takk Margrét, Þór og Birgitta!

"Borgarahreyfingin hefur sent frá sér yfirlýsingu þar sem fram kemur að hreyfingin hafi gefið það skýrt út í aðdraganda kosninga að ekki væri hægt að taka afstöðu til aðildar að Evrópusambandinu nema að undangengnum aðildarviðræðum. Er þetta enn stefna Borgarahreyfingarinnar en lögum samkvæmt beri þingmönnum hreyfingarinnar hins vegar að kjósa samkvæmt eigin sannfæringu.

Þrír af fjórum þingmönnum Borgarahreyfingarinnar vilja að Icesave-samningnum verði hafnað. Að öðrum kosti muni flokkurinn greiða atkvæði með tvöfaldri þjóðaratkvæðagreiðslu í ESB-málinu."

Það er greinilega rétt sem haldið hefur verið fram.

Borgarahreyfingin stendur fyrir nýjum vinnubrögðum á Alþingi.

Alveg eins og þeir lofuðu en samt ekki með þeim hætti sem ég og aðrir kjánalegir naívistar héldum.

Allt uppi á borðum hefur nú fengið nýja merkingu.

Gegnsæi líka.

Það er ekki á hverjum degi sem stjórnmálamenn viðurkenna að þeir hafi skoðun en ætli ekki að standa með henni nema að uppfylltum afarkostum.

Vó, hvað stjórnmálamenn geta verið vondir stjórnmálamenn þegar þeir leggja sig fram.

Ég sem var með samviskubit dauðans yfir því að hafa ekki kosið BH.

Var sjálf á Austurvelli og á Borgarafundunum í Háskólabíói.

Fannst einhvern veginn að þetta væri mitt fólk.

Kaus svo VG því þeir eru líka mitt fólk.

Nú þarf ég ekki að láta mér líða illa lengur.

Takk Margrét, Þór og Birgitta!

Þið hafið nú létt af mér þessari áþján.

Óbreytt stefna Borgarahreyfingarinnar varðandi ESB

Athugasemdir

[Jenný Anna Baldursdóttir, 15.7.2009 kl. 11:51]

Nei Kreppi minn, þetta mál hangir ekki saman.

Það er einfalt að leysa þetta mál.

Í stefnuskrá BH segir að þeir séu með aðildarviðræðum.

Þá standa þeir við það, sérstaklega af því þau eru enn þeirrar skoðunar og taka það fram.

Síðan vinna þau af öllum kröftum gegn Icesave sem þau eru á móti og greiða atkvæði gegn samningum.

Er þetta flókið?

[Lára Hanna Einarsdóttir, 15.7.2009 kl. 11:54]

Hljómar bara mjög einfalt og skýrt.

[Neddi, 15.7.2009 kl. 12:03]

Það er eitt að vera á móti ESB aðildarviðræðum (sem þau eru reyndar ekki) og annað að vera á móti Icesave. En að nota annað til að reyna að kúga fram hitt er í þeim anda sem að Borgarahreyfingin var stofnuð gegn.

Megin markmið Borgarahreyfingarinnar var að berjast gegn bullinu sem að hefur svo alltof lengi gengið inn á alþingi. Bulli eins og svona pólitískum hrossakaupum og kúgunartaktík.

Þetta er ekki það sem að ég vildi þegar að ég gekk á bak orða minna um að verða aldrei flokksbundinn og tók þátt í að stofna hreyfinguna. Stjórn Borgarahreyfingarinnar fær því mikið hrós frá mér vegna yfirlýsingarinnar en þingmennirnir fá ekkert nema skömm í hattinn frá mér.

[hilmar jónsson, 15.7.2009 kl. 12:16]

Æ ,þetta lá svosem í loftinu með BH.

[Jenný Anna Baldursdóttir, 15.7.2009 kl. 12:23]

Kreppi: Hættu nú að reyna að réttlæta þessa framkomu.

Get over it. Þau eru komin í pólitík gamla tímans.

[Neddi, 15.7.2009 kl. 12:23]

Þegar þau segjast ætla að greiða atkvæði gegn einhverju sem að þau eru samt sammála til þess að þvinga fram niðurstöðu í öðru þá eru það hrossakaup.

[hilmar jónsson, 15.7.2009 kl. 12:25]

Kannski eru þau bara orðin svona old fashion stjórnmálaflokkur strax, Kreppukarl.

[Jenný Anna Baldursdóttir, 15.7.2009 kl. 12:37]

Þau eru stokkin inn í fílabeinsturninn og búin að henda lyklingum.

[Gísli Baldvinsson (IP-tala skráð) 15.7.2009 kl. 12:50]

Síst hélt ég Jenný að þú þakkaðir fólki fyrir að bregðast trausti, burtsé frá málefninu. Mér sýnist að kjarni Brh. fordæmi svona hrossakaup. Ætlar þú líka að fagna ef í kjölfari þessa komist D og B listinn til valda?

[Jenný Anna Baldursdóttir, 15.7.2009 kl. 13:09]

Gísli: Lestu færsluna.

[Kolbrún Heiða Valbergsdóttir, 15.7.2009 kl. 14:40]

Það er ekki sama Jón og Séra Jón hjá þér Jenný, frekar en annars staðar.

Í stefnuskrá VG segir að þeir séu EKKI með aðildarviðræðum. Samt ganga þeir gegn heitum sínum og þú ert stolt og sátt yfir að hafa kosið þá fremur en BH.

Hef aldrei getað skilið þessa rígföstu flokkapólitík þar sem maður gengur í flokk og má aldrei gagnrýna verk hans - bara annarra þó að þau séu af sama meyði.

[Kristján Sigurjónsson, 15.7.2009 kl. 15:53]

Ég er sammála þér Kolbrún flokkapólitík er eins og trúarbrögð.

[Finnur Bárðarson, 15.7.2009 kl. 16:19]

Þau eru ekki lengi að læra ósiðina blessuð börnin.

[Brjánn Guðjónsson, 15.7.2009 kl. 17:37]

þetta er dapuregt

[Jón Ingi Cæsarsson, 15.7.2009 kl. 21:18]

Hefði maður látið sér detta í hug að sjá þessa hugsjónakonu sem hér á blogg þakka fólki fyrir að ganga bak orða sinna ... en lengi má manninn reyna ef það hentar málstað viðkomandi. Þá má allt..tilgangurinn helgar meðalið

[Barði (IP-tala skráð) 15.7.2009 kl. 21:56]

Finnst ykkur ekki hressandi að þau segja bara nákvæmlega hvað þau eru að gera og af hverju.

Svona virkar pólítíkin en yfirleitt fáum við aldrei neitt að vita um hvernig kaupin gerast á eyrinni nema með því að lesa á milli línanna - eða lesa ævisögur stjórnmálamanna 20 árum síðar.

[Sigurður Þórðarson, 15.7.2009 kl. 22:29]

Takk Jenný,

sammála þinni góðu færslu.

Fjölmiðlarnir hamast við að útmála þingmenn Borgarahreyfingarinnar sem einhverja EB-dindla en það er fjarri sanni að svo sé. Fyrir um 10 dögum sagði Birgitta í ræðustól Alþingis að hún hefði verið tiltölulega jákvæð gagnvart EB en það álit hefði breyst eftir því sem hún fræddist meir um það samband t.d. í nefndarvinnu á Alþingi. "Nú væri svo komið að hún væri eindreginn andstæðingur þess að Ísland færi í sambandið"

Fjölmiðlar sögðu að sjálfsögðu ekki frá þessu.

[Lilja Guðrún Þorvaldsdóttir, 16.7.2009 kl. 00:03]

   Það má líka hugsa sem svo, að þegar fólk er allt í einu komið inn á Þing, fólk,  sem jafnvel hefur ekki hugsað um pólitík áður, hvað þá starfað í stjórnmálum, eða skipt sér af flokkapólitík fyrr,   er nú allt í einu "sest á Þing".  -  Og þarf að fara að vinna við alls ókunnar aðstæður sem pólitíkin er, þar sem framapot og eiginhagsmunir ráða ríkjum, og grimmdin er allsráðandi. 

Það er þessi mikla grimmd,  sem komin er í íslenska pólitík, og maður sér, að er nú allsráðandi á Alþingi Íslendinga þessa daganna, sem vekur hjá mér ugg. -

 Því er það ekki nema von,  að nýliðarnir úr Borgarahreyfingunni snúist óttasleginn í nokkra hringi, á meðan þau reyna að átta sig á aðstæðum.  - Ég hef aldrei fyrr orðið vitni að jafnmikilli grimmd í alþingismönnum, eins og ég hef séð á Alþingi Íslendinga síðustu daga og vikur.