Vitiði hvað bensínið kostar dramadrottningarnar ykkar?

Ég horfði á þegar Ásmundur Einar Daðason steig í ræðustól á Alþingi og sagðist hafa verið beittur svo miklum þrýstingi að ganga ekki til liðs við stjórnarandstöðuna um að leggja til tvöfalda atkvæðagreiðslu í ESB málinu að hann sæi sig tilneyddan til að taka ekki þátt í umræðum um málið.

Mér skilst að hann sé farinn í heyskap.

Ég er sammála Steingrími, það er algjörlega óeðlilegt að stjórnaþingmenn myndi bandalag með stjórnarandstöðu.

Það hefur ekkert með það að gera að þingmanninum sé ekki frjálst að greiða atkvæði eftir því sem samviskan býður honum.

Sjaldan hef ég sé fleiri og skrautlegri raðfullnægingar í ræðustól Alþingis en eftir þessa yfirlýsingu þingmannsins "unga" eins og Bjarni Ben kallaði hann.

Svalaræða Mussolíni var beinlínis tilgerðarlegt hvísl í samanburði við dramatísk bakföll, hróp og köll sem stjórnarandstaðan tók í ræðustól.

Þessi "ungi" maður.  Þessi hetja, þessi samviskunnar hreingerningafrömuður!

Þeir voru sorgmæddir í stjórnarandstöðunni!

Þeir voru harmi lostnir!

Aldreigi, aldreigi, hafði slíkt og þvílíkt gerst í nokkrum flokki að menn gætu ekki hlaupið á milli stjórnar og stjórnarandstöðu.

Fyrirgefið á meðan ég sker mig á háls, garga mig hása, kasta upp og slengi mér í nærliggjandi veggi!

Sjálfstæðisflokkurinn sem ég man ekki eftir að nokkurn tímann hafi hlaupið undan flokkslínunni hafði hæst, ásamt Vigdísi Gjallarhorni Hauksdóttur.

Það er helst Pétur Blöndal sem hefur staðið með sjálfum sér í gegnum þykkt og þunnt og ekki lotið einu né neinu nema eigin samvisku í þessum flokki lýðskrums og hagsmunagæslu.

Eftir að hafa horft á þessa leikrænu tilburði stjórnarandstöðunnar var mér orðið svo mikið um að..

ég fór til Þingvalla og fékk mér kaffibolla.

Tack så mycket.

Vitiði hvað bensínið kostar dramadrottningarnar ykkar?

Smá viðbót af gefnu tilefni.

Það er kviknað í Hótel Vallhöll sem er skelfilegt.  Þetta fallega hús!

Ég er miður mín.  Var að koma þaðan en til að fyrirbyggja aulabrandara á minn kostnað þá kveikti ég ekki í hótelinu.

Svei mér þá ef maður missir ekki húmorinn.

Sló ekki á fingurna á Ásmundi

Athugasemdir

[Emil Örn Kristjánsson, 10.7.2009 kl. 16:37]

Fórstu til Þingvalla, já? Ég leyfi mér samt að halda að það hafi ekki verið þú sem kveiktir í Valhöll.

[Davíð Oddsson (IP-tala skráð) 10.7.2009 kl. 16:42]

er það ekki óeðlilegt að þingmaður skuli ekki mega leggja því máli lið sem hans eigin samviska býður honum, án þess að vera beittur þrýstingi frá formanninum? eða er það allt í lagi vegna þess að sjálfstæðisflokkurinn gerði það líka? eða kannski bara vegna þess að sjálfstæðisflokkurinn gerði sér mat úr því?

ég fullyrði að ef þessu hefði verið öfugt farið, þ.e. ef þetta hefði verið sjálfstæðismaður sem ætlaði að styðja umsókn í esb, en verið beittur þrýstingi af formanni sjálfstæðisflokks, þá hefði þessi færsla þín hljómað aðeins öðruvísi - og eflaust hefðir þú þá líka misst af kaffibollanum á þingvöllum...

[Emil Örn Kristjánsson, 10.7.2009 kl. 16:45]

Annars verðum við að gera greinarmun á því hvað það er að mynda bandalag gegn ríkisstjórninni og vinna með fólki að ákveðnum málum.

Það hefur hvergi komið fram að þessi ákveðni þingmaður ætli sér að taka þátt í að fella stjórnina. Hann er einfaldlega á móti því sem ríkisstjórnin er að leggja til í ákveðnu máli. Fyrr má nú vera vænisýkin hjá honum Steingrími Joð.

Mér þykir þingræðið hafa snúist upp í andhverfu sína ef það á að túlka andstöðu einstakra þingmanna við ákveðin frumvörp og ályktanir sem svik og samsæri.

[Birgir Guðjónsson (IP-tala skráð) 10.7.2009 kl. 16:49]

Vá Jenný

Ógeðslega ertu lituð rauð !

oj bara...

[Jenný Stefanía Jensdóttir, 10.7.2009 kl. 16:52]

..... fór til Þingvalla í kaffibolla ....... og kveiktirðu í villingurinn þinn

[Jenný Anna Baldursdóttir, 10.7.2009 kl. 16:54]

Birgir: Hvað hefur þú á móti rauðum lit?  Oj bara og skammastín.

Emil Örn: Ég ætlast til að þingmenn greiði ávalt atkvæði samkvæmt samvisku sinni.  Ég hef  aldrei haldið neinu öðru fram.

Ef sá dagur rynni upp (Davíð Oddsson, ARG hvað þetta er krúttlegt) að Sjálfstæðisflokkur stykki yfir í stjórnarandstöðu myndi ég beygja mig í duft yfir kjarki hans og þori en myndi jafnfram spyrja mig að því hvort viðkomandi ætti þá ekki að skipta bara um flokk.

Mun einfaldara sko.

Já og haldið þið ekki að það sé kviknað í Hótel Valhöll.

Jesús minn.

[Hugrún (IP-tala skráð) 10.7.2009 kl. 16:59]

Það er fokið í flest skjól þegar þér blöskrar málæði,kona sem gerir örugglega ekkert annað en að blogga um allt og ekkert flest sem kemur frá þér er svipað og það sem vellur úr Vg öllum til ama...........

[Ragnheiður , 10.7.2009 kl. 17:00]

Já hérna..mér leikur hinsvegar forvitni á að vita hvert kaffið fór eiginlega þú verandi nýbúin að skera þig á háls ?

Þetta er sjálfsíkveikja í Valhöll eftir að þangað kom lek kona og kastaði sér í alla veggi.

Harakíri hótelsins....

Ég held að ég sé biluð, ég horfði áðan á leiðarljós í fyrsta sinn á minni lífsfæddri æfi og þættirnir eru eldri en amma mín, blessuð sé minning hennar.

Pétur Blöndal í öllum sínum (hér má fólk setja orð að eigin vali) er krútt samt, bara svolitið þversum krútt

[Jenný Anna Baldursdóttir, 10.7.2009 kl. 17:04]

Hugrún: Vertu úti og rektu þig harkalega í dyrakraminn á leiðinni út og svo máttu mér að meinalausu meiða þig töluvert við þann gjörning.

Svo ætlast ég til að fólk sýni lágmarkskurteisi í kommentakerfinu hér inni..

[Magnús Sigurðsson, 10.7.2009 kl. 17:11]

Það er náttúrulega fyrir neðan allar hellur að þingmaður VG fylgi kosningaloforðum flokksins eftir að Steingrímur tók U-beygjuna.

[Emil Örn Kristjánsson, 10.7.2009 kl. 17:16]

Góður, Magnús...

[Ragnheiður , 10.7.2009 kl. 17:54]

og bulli Hugrúnar til stuðnings bendi ég á heimsóknartölur á síðuna, það nebblega svoooo voooooooooooooða leiðinlegt að lesa hérna.

Jenný, má segja auli ?

[Sigurður Þorsteinsson, 10.7.2009 kl. 18:48]

Þú horfir á hinn glæsilega Ásmund Einar Daðason, sem kveikir svo í þér að þú færð raðfullnægingar skreppur í kaffi á Þingvöll og ert enn svo heit að það kveinkar í Valhöll. Lýsingin gerist nú varla dramatískari.

Annars ég vissi ekki að VG væru orðnir harðir stuðningsmenn ESB aðildar. Í búsáhaldabyltingunni ætluðu allir að vera svo lýðræðislegir, allt átti að bera undir okkur þjóðina. Nei, ekki Icesave, og ekki aðildarviðræður að ESB, en mér skilst að það eigi að bera undir okkur hvort skattur á lakkrís hækki um 20% eða 22%. Þjóðin hafi ekki vit á neinu sem þarf hugsunar við. Eins og Álfheiður Ingadóttir orðaði þetta svo pent. Viiiið vooorum koooosin í apriiiil. Það er kannski ekki rétt að kalla þetta að orða hlutina, heldur að hvæsa!

Jenný, nú er bara að láta útbúa ykkar Síberíu fyrir þá þingmenn sem ekki sýna skilyrðislausa hlýðni. Ásmundur fer sjálfsagt fyrstur og síðan Lilja. Yfirgangur Davíðs er nú orðinn að barnaleik í samanburðinum.

[itg (IP-tala skráð) 10.7.2009 kl. 19:11]

Jenny er alltaf rökföst og hefur ávallt rétt fyrir sér.  Sem betur fer eru til fólk eins og Jenny sem þekkir á tilveruna:)

[(IP-tala skráð) 10.7.2009 kl. 19:51]

Var það tegundin sem kom frá Notthingham sem þú reyktir á þingvöllum = sparigerðin ???

[, 10.7.2009 kl. 19:52]

Jenný er yndisleg og veriði hin bara þakklát fyrir hana