Landspildulúserar

Lífið er ekki réttlátt.

Baltasar og Lilja (allir eiga að vita hverjir það eru erþaeggi bara?) fá ekki landspilduna sem þeim langaði í.

Búmm og pang.

Mig hreinlega verkjar af samúð með þeim hjónum. 

Er alveg nýlega búin að ganga í gegnum landspildusorg.

Ég fékk nefnilega enga úthlutun í Skólagörðunum í sumar.

Ekkert grænmeti ræktað á menningrheimili mínu hér á Teigunum í ár sko.

Ég ætla að hringja í þau og spyrja hvort við eigum að stofna stuðningshóp til styrktar þolendum landspildulúsera.

Jabb, ég geri það.

Lilja og Baltasar fá ekki landspildu

Athugasemdir

[Emil Örn Kristjánsson, 7.7.2009 kl. 16:17]

Hmm... þjáningarsystkinin Jenný, Baltasar og Lilja.

Þetta hefur nú verið sá missir hjá Baltasar og Lilju að fá ekki þennan part sem "þau töldu að tilheyrði jörð þeirra". Hvað skildi þessi skiki nú gefa af sér? Er þetta túnblettur, matjurtagarður eða beitiland? Ætli það breyti annars miklu fyrir Baltasar og Lilju hvort heldur er?

Annars hef ég fulla samúð með þér, Jenný að hafa ekki fengið matjurtagarðinn. Sjálfur hef ég verið með horn í mínum garði í mörg ár fyrir kartöflur, jarðarber, rauðrófur og fleiri nytjajurtir. Bæði hagkvæmt og líka skemmtilegt. Svo sá ég að einn nágranni minn býður kreppunni birginn og er búinn að sá kartöflum inn á milli víðirunnanna í sínum garði. Það má víða planta.

[Jenný Stefanía Jensdóttir, 7.7.2009 kl. 16:23]

Nenni ómögulega að beina reiðiorku minni að þessum hjónum, enda er virðing mín fyrir þeim og þeirra lífsstarfi ósnortin, enda af frábæru fólki komin bæði tvö.

Ég er hins vegar hundfúl út í skólagarðana nafna! Radísur og blómkál nammi namm.

[Stefán (IP-tala skráð) 7.7.2009 kl. 16:24]

Mér finnst alveg óþarfi hjá þessu fólki að flytja græðgina með sér norður í Skagafjörð.

[Jenný Anna Baldursdóttir, 7.7.2009 kl. 16:25]

Ég er ekkert reið út í þau nafna sæl.  Mér finnst þetta bara fyndið þessar dómstólaerjur um alla skapaða hluti.

Radísurnar sem ég kaupi nánast daglega (innfluttar offkors) kosta bæði hönd og fót.

Emil Örn: Flott.

[Dúa, 7.7.2009 kl. 18:44]

Förum og ræktum eitthvað saman

[Jenný Stefanía Jensdóttir, 7.7.2009 kl. 19:11]

Er að hugsa um að gerast vínræktarbóndi í náinni framtíð.  Gæti þurft hreinar tær án sveppa og líkþorns, til að þrampa á uppskerunni undir dynjandi bumbuslætti.

[Krímer (IP-tala skráð) 7.7.2009 kl. 19:38]

Troðum Werner uppí jackesið á þeim

[Hrönn Sigurðardóttir, 7.7.2009 kl. 20:09]

Sko... rétt þarf að vera rétt. Ef þau hafa talið sig kaupa þessa spildu þegar þau keyptu jörðina þá sé ég ekkert að því að fá það á hreint fyrir dómstólum. Annað hefur bara í för með sér endalausar erjur við nágranna.

Sjáðu bara Ísrael og Palestínu - kannski aðeins of ýkt dæmi?

[Elín Gísladóttir (IP-tala skráð) 7.7.2009 kl. 21:10]

Ég les bloggið þitt reglulega mér til skemmtunar, en núna er ég farin að velta því fyrir mér hvort það þú þurfir ekki að komast í gott húsmæðrafrí, húmorinn hefur verið þitt aðalsmerki þó að hann sé dálítið dökkur á köflum.Ég er farin að sakna fjölskyldusagna(þó ég þekki þina fjölskyldu ekki neitt) Kannski get ég fært þér gleði úr grænmeti úr Hrunamannahreppi, skal glöð senda þér grænmeti ef það lyftir þínu geði

[Jenný Anna Baldursdóttir, 7.7.2009 kl. 21:32]

Elín: Nú er ég með familíuna á Facebook.

Ætli þetta róist ekki bráðum svona með haustinu.

Stundum þarf maður dökkan húmor.

Betra en að fara að grenja.

Reyndar er ég stórkaupandi grænmetis.

Og það kostar heilmikla peninga.

Takk öll fyrir komment.