19. júní

Til hamingju stelpur á öllum aldri með 19. júní.

Þann 19. júní árið 1915 fengu konur kosningarétt og árið 1922 náði fyrsta konan kjöri inn á þing.

Það er því ekki svo langt síðan að konur fengu þann sjálfsagða rétt að kjósa og gott að hafa í huga að þau réttindi eins og svo mörg önnur hafa aldrei verið færð okkur á silfurfati heldur áunnist vegna þess að sterkar konur hafa barist fyrir þeim oft með blóði svita og tárum.

Eitt besta veganesti út í lífið sem ég hef haft dætrum mínum til handa kristallast í ljóði Jóhannesar frá Kötlum:

Dómar Heimsins, dóttir góð
munu reynast margvíslegir
Glímdu sjálf við sannleikann
hvað sem hver segir.

Gakktu einatt eigin slóð
hálir eru hversmannsvegir
Skeyttu ekki um boð né bann
hvað sem hver segir.

Inn í brjóst þitt ein og hljóð
rýndu fast ef röddin þegir.
Treystu á þinn inni mann
hvað sem hver segir.

Í dag er mikilvægara en nokkru sinni að við skerpum á kvennabaráttunni stelpur.

Kreppa í hvaða formi sem er hefur tilhneigingu til að bitna verst á konum og börnum.

Höfum það í huga í dag.

Baráttukveðjur!

Athugasemdir

[Ía Jóhannsdóttir, 19.6.2009 kl. 08:39]

[Marta B Helgadóttir, 19.6.2009 kl. 08:50]

Góð skrif hjá þér að vanda

og mikið rétt það eru einmitt konur og börn sem mega sín minnst í kreppuástandi.

Til hamingju með daginn.

[Kristín Katla Árnadóttir, 19.6.2009 kl. 08:51]

Til hamingu með daginn og báráttukveðjur.

[Huld S. Ringsted, 19.6.2009 kl. 08:51]

[Stefán (IP-tala skráð) 19.6.2009 kl. 08:58]

Til hamingju allar ! Það er mín skoðun að ef konur hefðu verið við æðstu völd í öllum þessum bankastofnunum og Fjármálaeftirlitinu, þá væri ekki komið svona fyrir nánast gjaldþrota Íslandi. Ein saga gengur nú fjöllum hærra og ég trúi henni alveg. ,, Sigurjón digri fyrrum Landsbankastjóri kom nýlega með fjölskyldu sinni inn á veitingastað og fór um marga í salnum. Eigandi staðarins gekk út í sal að Sigurjóni og sagði yfir alla að nærveru Sigurjóns væri ekki óskað og við það snautaði fólkið út. "

[Guðrún Emilía Guðnadóttir, 19.6.2009 kl. 09:00]

Tek undir þetta Jenný mín.
Til hamingju með daginn allar konur og stöndum saman sem ein í þeim vanda sem nú mun herja á.

[Hrönn Sigurðardóttir, 19.6.2009 kl. 09:13]

Frábært!! Til hamingju með daginn konur allar

[Sigrún Jónsdóttir, 19.6.2009 kl. 10:06]

Flottur pistill.  Til hamingju með daginn

[Dúa, 19.6.2009 kl. 11:46]

Til hamingju með daginn

Þetta ljóð Jóhannesar er snilld og fallegur boðskapur. Sá þetta ljóð einmitt fyrst í þínum fórum og það náði til mín og ég ætla svo sannarlega að sýna dóttur minni það þegar á við.

Jú rokk vúmann and æ lov jú

[Soffía Valdimarsdóttir, 19.6.2009 kl. 13:12]

Takk fyrir að setja þetta vísukorn hér inn í dag Jenný :)

[Jenný Stefanía Jensdóttir, 19.6.2009 kl. 14:19]

Til hamingju

Jóhannes úr Kötlum ..... er alltaf frábær!  Mikið vildi ég hafa hitt þennan mann.

[Rut Sumarliðadóttir, 19.6.2009 kl. 14:19]

Takk og sömuleiðis.