Talandi um Icesave....

..þá hefur þessi "fámiðill" öruggar heimildir fyrir því, að einn af höfundum hinnar tæru snilldar, nánar tiltekið sjálfur Björgúlfur seníor ásamt frú, hafi í morgun spásserað um í Grasagarðinum að skoða blóm.

Ekkert að því svo sem en svo ég orði þetta eins og sjálfur Stebbi Fr. myndi gera,  þá vakti athygli að þeim var fylgt í gegnum garðinn af lífvörðum, gráum fyrir járnum.

Það er að minnsta kosti gott til þess að vita að lífið heldur áfram.

Líka hjá hönnuðum bankahrunsins.

P.s. Mér er vandi á höndum þegar kemur að því að færa færsluna í flokka.

Enn er enginn flokkur á blogginu sem heitir "bankahrun", "spillingargengið", "stórþjófar" eða "siðblindingjar".

Ég set þetta því undir "Landsbankadeildina" sem einu sinni var um fótbolta.

Gátu ekki stöðvað Icesave

Athugasemdir

[Hrönn Sigurðardóttir, 17.6.2009 kl. 14:03]

Það er aumt líf að þora ekki að láta sjá sig á almannafæri nema í lögreglufylgd........

[Magnús Geir Guðmundsson, 17.6.2009 kl. 14:04]

haha, þetta var það sem ég meinti, "tuðarinn þinn", vera líka létt á því, eins og þú ert hérna í þessari færslu og fyndin í lok hennar.Hefðir kannski bara átt að hafa Landsbankadeildina sem aðalflokk?

[Lára Hanna Einarsdóttir, 17.6.2009 kl. 20:24]

Hver ætli borgi lífverðina/lögreglufylgdina? Ekki þó skattborgarar... 

[Júlíus Björnsson, 18.6.2009 kl. 03:16]

Afleiðingarnar fyrir atvinnulífið og heimilin í landinu þekkja allir... Ágirnd villti okkur sýn um stund og olli blindri trú á meinta snilli okkar í að kaupa og selja verðbréf og eignir víða um heim. Við gengum of hratt fram og við gengum fram af mörgum okkar mestu og bestu vinaþjóðum. Við verðum að endurvinna traust þeirra og virðingu og ég hef þá trú að okkur sé að takast það," sagði Jóhanna.

Segir Jóhanna sannarlega með réttu fyrir hönd Samfo og styrktaraðila.

Við 65% sem nauðug viljug horfðum upp á og vildum fram á síðasta dag ekki trúa þessu: Landráðsstarfsemi [glannaskap, óráðsíu].  Getum tekið undir sérhvert orð Jóhönnu.  Sennilega stórhluti Samfo líka sem vissi ekki betur að telur fals lánin vera góðæri. Góðæri sem mælist ekki á skattaskýrslum  90% Íslendinga.  TV sýndar góðæri?