Jösses á galeiðu

Er það ekki merkilegt að Valtýr Sigurðsson skuli setja eiginn hag fram fyrir heildarhagsmuni heillar þjóðar?

Þegar bankahrunið verður gert upp fyrir dómsstólum má ekki leika nokkur vafi á því að ríkissaksónari sé hæfur.

Þetta er ekki spurning um persónu Valtýs, ónei, það er farið fram á þetta til að koma í veg fyrir þann möguleika að persónur og leikendur í hruninu sleppi ekki vegna mögulegs vanhæfis hans.

Ég skil ekki þetta séríslenska fyrirbrigði.

Að sitja sig bláan í framan.

Að hlekkja sig við skrifborðið.

Að láta draga sig út með valdi.

Þá er ég að vísa í suma bankastjóra.

Jösses á galeiðu.

Ríkissaksóknarinn hyggst ekki víkja

Athugasemdir

[hilmar jónsson, 12.6.2009 kl. 10:37]

Með því að neita að segja af sér, er Valtýr klárlega að tefja fyrir og eða að draga úr trúverðugleika rannsóknarinnar.

Valtýr verður einfaldlega að taka tillit til kröfu Evu, og ekki síður kröfu almennings.

[Magnús Geir Guðmundsson, 12.6.2009 kl. 10:42]

Maðurinn telur sig bara ekki vanhæfan,því hann hyggst væntanlega ekki koma nálægt neinu er snertir son hans.Svo er ekkert sem segir, að sonurinn tengist einhverju misjöfnu eða umsýsla sem hann hefur komið nálægt.

Svo er það frá karllægu sjónarmiði að minnsta kosti, ekki auðvelt fyrir mannin að láta einvherja norska kellu, hversu merkileg hún annars telst, svipta mann að ósekju góðu og "feitu" starfi!

Eitthvað í þessa veru hugsar VS kansnki með sjálfum sér og er ekki skemmt!?

[Dagný (IP-tala skráð) 12.6.2009 kl. 12:44]

Mér þætti merkilegra ef hann einn tæki uppá því að setja þjóðarhag fram yfir sína einkahagsmuni. Það virðist ekki hvarfla að nokkrum manni hér á Íslandi að líta svo á að þeir séu í þjónustu þjóðarinnar og að þeim beri að láta heildarhagsmuni ganga fyrir.  Ég hreinlega legg til að sá fyrsti sem gerir það verði sæmdur æðstu orðu landsins og hljóti nafnbótina þjóðhetja, honum/henni verði reist vegleg stytta og skrifuð vönduð bók sem tíundar öll afrek viðkomandi.

[Lilja Guðrún Þorvaldsdóttir, 12.6.2009 kl. 14:53]

Valtýr hlýtur að segja af sér annað er ekki hægt.   Hann hlýtur að hugsa um þjóð sína. -   Og það hlýtur Baldur Guðlaugsson  líka að gera, þó að hann neiti því núna?