Hættir Eva eða ekki?

Það er í mér óhugur eftir fréttaflutning dagsins, varðandi þann orðróm að Eva Joly hygðist hætta að starfa sem ráðgjafi fyrir embætti sérstaks saksóknara.

Eva talaði um það í upphafi að það þyrftu erlendir rannsóknaraðilar að koma að málinu.

Mér vitanlega er hún sú eina.

Hún sagði líka að það þyrfti að rannsaka bankana frá grunni en ekki eitt og eitt mál.

Vonandi er þetta rétt sem saksóknarinn segir að orðrómurinn eigi ekki við rök að styðjast.

Ef hins vegar, þetta reynist sannleikurinn, að Eva vilji hætta vegna þess að ráðgjöf hennar sé hunsuð,  þá held ég að við getum gefist alla leiðina upp.

Kannski er það rétt hjá þeim sem hafa allan tímann haldið því fram að rannsóknarviljinn á Íslandi sé í lágmarki.

Við sjáum til.

Góð og gagnleg skoðanaskipti

Athugasemdir

[Ía Jóhannsdóttir, 10.6.2009 kl. 16:51]

Ansi hrædd um að viljinn sé ekki fyrir hendi.  Sorgleg endalok ef af verður.   

[Finnur Bárðarson, 10.6.2009 kl. 17:01]

Embættismannaelítan og stjórnmálamenn sem fengu sitt í "góðærinu" kæra sig ekki um neina rannsókn. Jónas Fr. er þegar kominn í gír.

[Sigurður Þór Guðjónsson, 10.6.2009 kl. 17:15]

Eigum við ekki bara að ganga í klaustur Jenný Anna?

[Jenný Stefanía Jensdóttir, 10.6.2009 kl. 17:18]

Deili með ykkur óhug og ógleði yfir þessum hræðilegu váfréttum ef réttar eru.

Athyglisvert er líka að skoða, hverjir eru glaðhlakkalegir.  Vil ekki vera með dómadagsspá, en ef þetta verður niðurstaðan og Eva hverfur á braut, þá munu hófsamir réttlætisþyrstir Íslendingar tapa glórunni, þ.m.t undirrituð. 

[Steingrímur Helgason, 10.6.2009 kl. 17:23]

Hmmm...

Heykvízlar & haglabyzzur!

Hef sagt & 'zkribbað' áður...

[Guðmundur St Ragnarsson, 10.6.2009 kl. 17:25]

Sama bullið. Einhver bloggari var einmitt búinn að giska á það að nú kæmi tilkynning frá stjórnvöldum eða "sérstaka" saksóknaranum um að allt væri í gúddí og allir vinir.

Almenningur þarf að mæta með búsáhöldin fyrir framan saksóknarann til að hann skilji alvöru málsins. Ég held reyndar að hvorki ráðamenn, stjórnvöld eða fulltrúar framkvæmdavaldsins skilji neitt eða geri neitt nema ef hræðsla við almenning knýji þá til aðgerða.

[Lilja Guðrún Þorvaldsdóttir, 10.6.2009 kl. 17:32]

Ég ætla bara rétt að vona að hún haldi áfram, og það verði ráðnir til starfa erlendir aðstoðarmenn, sem kunna til verka,  og eru algjörega óháðir allri íslenskri flokkapólitík.  - Það er eina ráðið til að öðlast tiltrú stjórnvalda á ný.

En þessi rannsóknarnefnd sem nú situr var ráðin af fyrrverandi ríkisstjórn, sem hefur mikilla hagsmuna að gæta, svo mikla að þeir virðast hafa dregið lappirnar í einu og öllu, í boði Framsóknar og Sjálfstæðisflokks.

Þessu verða núverandi ríkisstjórn að breyta ekki seinna en strax!

[Kristín (IP-tala skráð) 10.6.2009 kl. 17:46]

Vonandi kemur Eva og " rótar " upp skítnum .En það eru örugglega ýmsir sem vilja ekki fá hana .Þora ekki .

[Vilhelmina af Ugglas, 10.6.2009 kl. 18:06]

Sjaldan launar Evan ofeldið.

Eða er þetta kona með bein í nefinu sem ætlar gera þá vinnu sem hún var ráðin í eða liggja í valnum ella?

Eru þetta klassísk átök milli karllægrar og kvenlegrar nálgunar?

Eða eða átök ólíkra menningarheima?

Spurningarnar hrannast upp!

[Helga Magnúsdóttir, 10.6.2009 kl. 18:40]

Hún er eflaust farin að stjaka við ýmsum sem ekki má snerta. Það eru örugglega margir sem vonast til að hún fari sem fyrst. Vonandi lætur hún það ekki á sig fá þar sem glæpamenn eru aldrei hrifnir þegar farið er að róta í högum þeirra.

[Skúli Víkingsson, 10.6.2009 kl. 19:09]

Hefur þetta nokkuð með íslenzk mál að gera? Eva Joly tók að sér ráðgjöfina hér eftir að hún hóf kosningabaráttu fyrir sæti á Evrópuþinginu. Nú er sú kosningabarátta afstaðin og hún náði kosningu þangað. Það sem byrjar hjá frambjóðanda í kosningabaráttu og endar strax að henni lokinni er venjulega hluti af kosningabaráttunni.

[Lilja Guðrún Þorvaldsdóttir, 10.6.2009 kl. 21:31]

Mikið asskoti var hún Eva Joly góð í Kastljósi áðan.  Og best fannst mér skilaboðin sem hún sendi þeim sem hæst hafa látið vegna orða hennar um vanhæfan ríkissaksóknara.  -