Ég mótmæli

Kínverska sendiráðið er ekki ánægt með að íslenskir ráðamenn séu að funda með Dalai Lama.

Eruð þið að meina þetta?  Skrýtið?  Ekkert fyrirsjáanlegt eða þannig.

Kínverskir ráðamenn eru auðvitað tættir og frústreraðir yfir nýjum vinnubrögðum íslenskra stjórnvalda.

Þegar hinir "herskáu "Falun Gong"  komu hér þá þurftu Kínverskir ráðamenn ekki að gera annað en lyfta síma til stjórnvalda til að farið væri með þessa leikfimiiðkandi krúttvöndla eins og um hryðjuverkamenn væri að ræða, þeim staflað í skóla til innilokunar og ferðafrelsi þeirra heft, mannréttindi fótum troðin og allt eftir pöntun Kínverja sem þoldu ekki að sjá gula litinn á fánum Gongaranna.

Hvern andskotann eru þessir mannréttindabrotamenn að rífa kjaft á Íslandi?

Og hvað erum við að vera í samskiptum við þetta glæpahyski sem vanvirðir mannréttindi og treður á og kúgar almenning í Kína,  svona yfirhöfuð?

Reyndar finnst mér sem friðarsinna og andstæðingi mannfórna og ofbeldis að öll þau lönd sem ástunda dauðarefsingu séu vondur félagsskapur fyrir íslensku þjóðina og við eigum ekkert að vera í samskiptum við svoleiðis morðingjapakk.

En það er bara ég.

Svo mótmæli ég til baka á Kínverjana og vill ekki hafa að þeir séu að blanda sér í heimsóknir fólks til Íslands.

Hvern fjandann eru þeir að steyta görn?

Urrrrrrrrrrrrrrrrrrrrrrrrrrrrrrrrrrr

Bjánar.

Mótmæla fundum íslenskra ráðamanna með Dalai Lama

Athugasemdir

[páll heiðar (IP-tala skráð) 2.6.2009 kl. 15:29]

vér mótmælum allir

[Ásdís Sigurðardóttir, 2.6.2009 kl. 15:36]

Tek undir þetta.

[Ía Jóhannsdóttir, 2.6.2009 kl. 16:50]

Jap tek undir með ykkur.  Mikið hefði ég viljað taka í höndina á þessum ljúfa munk. 

[Axel Jóhann Hallgrímsson, 2.6.2009 kl. 16:52]

Sammála

Kínverjar geta troðið gremju sinni þversum þangað sem sólin nær ekki að skína.

[Guðrún Emilía Guðnadóttir, 2.6.2009 kl. 17:11]

Ég dáist að þessum manni og öðrum þeim sem boða manngæsku.

[Svanur Gísli Þorkelsson, 2.6.2009 kl. 17:57]

Mér fannst fara einkar vel á því þegar að þau Ásta Ragnheiður og Dalai Lama skiptust á gjöfum að það skyldi vera viður og hraun frá Íslandi og silki frá Tíbet. Fátt var okkur verðmætara hér áður fyrr en viðurinn og hraunið er efnið sem Ísland er gert úr. Að auki tala þessi hörðu efni sínu máli um mörg skapgerðareinkenni landans, bæði jákvæð og neikvæð. Silkið var aftur á móti verðmætasta efnið í Tíbet og mýkt þess og áferð í góðu samræmi við boðskap Dalai Lama.

Ekki nema von að kínversk stjórnvöld finni sig knúna til að mótmæla kærleiksríkum fundum sem þessum.