Kerfið fyrir kerfið?

Atvinnuleysisbætur verða ekki greiddar út fyrr en mánudaginn 4. maí.

Ég er ekki á atvinnuleysisbótum, þannig að þetta snertir mig ekki persónulega, en sú hugsun flögrar að manni hvort það geti ekki reynst afdrífaríkt fyrir fólk með börn og engar tekjur aðrar að bíða fram yfir helgi.

Upphæðin er ekki há, fólk hlýtur að vera í vondri stöðu þegar þetta kemur upp.

Fram kemur á vef Vinnumálastofnunar, að samkvæmt lögum um atvinnuleysistryggingar og vinnumarkaðsaðgerðir beri að greiða atvinnuleysistryggingar út fyrsta vika dag mánaðar og verði það gert nú sem endranær.

Af hverju þarf þetta að vera svona?

Bara af því að það má?

Er kerfið að vinna fyrir kerfið?

Og fólkið mætir afgangi?

Vinsamlegast pillið ykkur að tölvunum og lagið þetta.

Það eru manneskjur á bak við atvinnuleysistölurnar átjánþúsund.

Bætur greiddar út eftir helgi

Athugasemdir

[Hólmdís Hjartardóttir, 29.4.2009 kl. 20:29]

sammála

30BEDA55-B2D0-6370-817A-081F7BF5D664

1.02.28

[Hrönn Sigurðardóttir, 29.4.2009 kl. 20:49]

Já.... og vissirðu að kerfið greiðir ekki fyrir sk. rauða daga í mánuðinum? Það þýðir umtalsvert lægri "bætur" fyrir mánuði eins og apríl með marga frídaga fyrir hina stálheppnu!

[Katrín Snæhólm Baldursdóttir, 29.4.2009 kl. 21:12]

ha? Engar bætur fyrir rauða daga..er þá frítt að borða einhversstaðar fyrir fólk?

[Hrönn Sigurðardóttir, 29.4.2009 kl. 21:19]

Fólk á bótum þarf kannski ekkert að borða á rauðum dögum....

[Jenný Anna Baldursdóttir, 30.4.2009 kl. 00:42]

Ha? Ekki borgað fyrir rauða daga?  Nú á ég ekki eitt einasta orð.

Þetta gengur auðvitað ekki.