"Jákvæðir fordómar" - Frussssssssss

 

Ég á það til að umgangast mitt ástkæra af töluverðu virðingarleysi þegar þannig liggur á mér.

En halló, ég er ekki blaðamaður á Mogganum!

Sko, hafið þið nokkurn tímann heyrt um andlátstilkynningar þar sem dagar hins látna teljast taldir?

Sóandsó Sóandsóson verður jarðsettur í Sóandsókirkju.  Dagar hans eru taldir.

Gætu alveg eins sagt, talningu á dögum Sóandsó er lokið.  Þeir voru; 34324234 margir.

Frusssssssssssssssss

En..

Ég var að pæla í nafninu mín.  Já mig vantar eitthvað að lesa.

Hef of mikinn tíma.

Ég átti nánast engar nöfnur þegar ég var barn.  Eina og eina bara, þær hétu þá yfirleitt Jensína.

En núna eru breyttir tímar, ég á nöfnur víða.

Og vitið þið hvað?

Ég er með jákvæða fordóma út í nöfnur mínar. (Ég veit að fordómar geta auðvitað ekki verið jákvæðir, en þið vitið hvað ég meina).

Mér finnst að allar Jennýjar hljóti að vera ofsalega klárar og skemmtilegar.

Framúrskarandi manneskjur alla leið.

Hef ekki enn rekist á neina Jennýju sem eyðileggur þessa tálsýn mína.

En hvað segir þetta um mig?

Við skulum ekki ræða það einu sinni.

Mikilmennskubrjálæði hvað?

En hugsið ykkur að heita Sigríður Jónsdóttir og vera með "jákvæða fordóma" gagnvart nöfnum sínum.

Mér segir svo hugur um að það gæti endað illa.

Jájá, bönin mín í fjöllunum.

Dagar Lífar taldir

Athugasemdir

[Ragna Birgisdóttir (IP-tala skráð) 29.4.2009 kl. 15:43]

Ég þekki bara eina Jenný á blogginu og hún er gargandi snilld.

[Hildur Helga Sigurðardóttir, 29.4.2009 kl. 16:00]

Þá fer nú fyrst í verra þegar farið verður að jarðsetja fólk, hvers dagar eru EKKI taldir.

Er þetta annars ekki bara enn ein uppdiktuð andlátstilkynningin frá Litla Hrauni ?   Fylgdi  bankareikningsnr. með ?

Þakkaðu svo bara fyrir að eiga ekki -næstum því- alnöfnu framarlega í Framsókn, eins og sumir.

Þá hefðir þú aldrei komist á "heiðurslistann" 

[Emil Örn Kristjánsson, 29.4.2009 kl. 16:01]

Og hvernig tengist þess færsla þín fréttinni um hreindýrskálfinn, Jenný Anna?

[Emil Örn Kristjánsson, 29.4.2009 kl. 16:03]

Ó, afsakaðu, ég átta mig á því núna... frekar naumt að vísu, en samt.

[Jenný Anna Baldursdóttir, 29.4.2009 kl. 16:13]

Guð blessi minningu Lífar Emil minn.

Ókei, ég kyngi þessu með töldu dagana.

Arg.

[Jenný Anna Baldursdóttir, 29.4.2009 kl. 16:14]

HH: Segðu.  Vesen að það skuli ekki vera til forrík Jenný Anna Baldursdóttir, hverrar dagar muni taldir og ég þá fá óheftan aðgang að fjármagni.

God rest her soal.

Ragna: Takk, takk.

[María Guðmundsdóttir, 29.4.2009 kl. 17:57]

 æ thú ert sko alveg ágæt, lyftir mér alltaf upp ad koma hér og lesa, takk fyrir thad

[Jónína Dúadóttir, 29.4.2009 kl. 18:30]

Ég þekki persónulega tvær með þessu nafni og þær eru frábærar

[Jenný Stefanía Jensdóttir, 29.4.2009 kl. 18:54]

Neita því ekki, að ég tek þennan pistil oggulítið

persónulega.  Segi bara Dittó og eigðu góðan dag.