Nei eða já, af eða á

Ég er komin með upp í kok af Evrópusambandsumræðunum.

Ég veit ekki hvort ég er með eða á móti.

Hvernig á maður að vita það, það veit það enginn?

Það er stöðugt verið að halda fram alls konar "staðreyndum" um hvernig Evrópusambandsaðild muni breyta stöðu Íslands.

Sumir segja til hins betra.

Aðrir segja til hins verra.

Rólegir í fabúlasjónunum.  Þetta er að drepa alla pólitíska umræðu á þessu landi.

Ég fæ andnauð þegar minnst er á málið.

Mín tillaga, til að allir haldi sönsum, er að það verði sest að borðinu, samið og komið heim með viðkomandi drög.

Þeim skellt á borðið fyrir kjósendur.

Sem steðja svo í kjörklefann og kjósa nei, eða já, af eða á.

ARG

Og mér finnst sárt að Guðjón Arnar skuli fallinn út af þingi.

Mér finnst hann með rödd sem á að heyrast.

VG verður að gefa eftir í Evrópumálum

Athugasemdir

[Garún, 26.4.2009 kl. 14:40]

Mér finnst að við ættum að keppa á EM í badmington!  En það er bara mín skoðun.  Við eigum frábæra badmington spilara!

[Jenný Anna Baldursdóttir, 26.4.2009 kl. 14:50]

Já og svo er hægt að keppa í dvergakasti.

Lalalalalalala.

[Erna Kristín (IP-tala skráð) 26.4.2009 kl. 15:03]

Sammála þér..

Ágætur maður stakk upp á því við mig í nótt að við myndum ráða Guðjón Arnar sem sjávarútvegsráðherra á faglegum forsendum.  Ekki galið að mínu mati :D

Til hamingju með gærdaginn, glæsilegt hjá VG og mínum mönnum XO.

[Jenný Stefanía Jensdóttir, 26.4.2009 kl. 15:24]

Auðvitað er þetta hárrétt hjá þér kýrskýra kona.

Eða hvernig er hægt að vera með eða á móti einhverju sem maður veit ekki hvað er.

Sammála, það eru sárindi að sjá sjóhundinn hverfa af þingi.

[Jón (IP-tala skráð) 26.4.2009 kl. 15:29]

Alveg sammála þér um umræðuna. Það hefur ekkert nýtt komið fram í henni í langa tíð. Bara sömu rökin fram og aftur á milli fylkinga. Það kemur ekkert nýtt fram og við vitum ekkert með vissu án þess að hafa samninginn fyrir framan okkur, og því fyrra sem það gerist því betra fyrir okkur öll.

[Garún, 26.4.2009 kl. 16:03]

Já það er leiðinlegt að hann sé farin.  Mér fannst svo gaman að segja Addi Kidda Gau ógeðslega hratt!  hahaha dvergakast.  Ég er að keppa í hláturskasti hér í Höfnum í dag.  Svo geðveikt gaman að lesa sjálfstæðisbloggin.  Geðveik fórnarlömb og allir geðveikt Braveheart!  Mér fannst ekkert æðislegt í gær hvernig formaðurinn tók á tapinu.  Einhver sagði að hann hefði tekið þessu með reisn!  What ever!  Mér er sama hvernig hann tekur því.  Hann má taka greiðsluseðlana mína með reisn í leiðinni.  Svo hótaði hann að elta alla uppi sem kusu hann ekki.  Það er ekki fallegt!  Vonandi veit hann ekki hvar Hafnir eru!  Enda litlar líkur á því hér er ekkert sjálfstæðislegt!  Bara náttúran og sjórinn.  úff ekki segja honum frá mér.  Það síðasta sem ég vil eru sveittir Braveheart útrásarvíkingar í jakkafötum að vottasjálfstæðisflokkast banki uppá hjá mér. 

Turninn er fallinn og það er engin reisn í því.. Sorry blái kall.  The people have spoken! 

[Guðrún Emilía Guðnadóttir, 26.4.2009 kl. 17:02]

Á ekki að fara í viðræður síðan leggja það fyrir þjóðina hvað fæst út úr þeim og svo kjósa. Það verður lögum samkvæmt að láta þjóðina kjósa um aðild, þið sjáið Norðmenn, höfnuðu fyrst, á svo ekki að reyna aftur?

Það sem fer í taugarnar á mér, sko ef eitthvað gerir það , er ruglið í kringum þetta.

Guðjón Arnar er kannski með rödd, en varla talandi eins og svo margir.
Kveðja
Milla

[Jenný Anna Baldursdóttir, 26.4.2009 kl. 17:41]

Auðvitað eru misjafnar skoðanir á Guðjóni Arnari eins og fleirum.

Æi, mér finnst eftirsjá að karlinum.

Takk öll fyrir innlegg.

[Jenný Anna Baldursdóttir, 26.4.2009 kl. 17:42]

Garún: Þú ert dúlla.

[Heiða B. Heiðars, 26.4.2009 kl. 18:12]

Ó shit! Ég skildi eftir komment hérna í dag! Ertu farin að éta kommentin góða!

Til hamingju með útkomuna Jennslan mín