"Að halda ofaná"

 

Þvílíkur dagur!

Ég steðjaði af stað til að kjósa.

Röðin var heil eilífð að lengd.  Ég kýs því á morgun eins og pöbullinn.

Svo fékk ég gesti, einn frá Englandi.  Ekki leiðinlegt.

Svo náðum við í systkinin Jenný Unu og Hrafn Óla.

Pabbinn í stúdíói, mamman að djamma, halda upp á að hún er að ljúka merkilegum áfanga í náminu sínu.

Jenný Una (sest mjög kjaftaleg með hönd undir kinn, við eldhúsborðið): Amma; pabbi minn er gamall.

Amman: Ha?  Gamall hann pabbi þinn? Nei, hann er frekar ungur maður.

Jenný Una (ákveðin): Nei, hann er gamall, hann segir vimmig, Jenný Una, ér pabbi gamli.

Amman: Já, hann er bara að grínast.

Jenný Una (hugsi): Já erþa?  En amma, þú ert sko gömul þú ert miklu gamlari en pabbi minn.

Takk Jenný Una Eriksdóttir!

Og töluvert seinna.

Jenný Una: Amma, mamma mín er ekki í skólanum sínum.  Hún er að halda ofan á að hún er búin í skólanum og fer í annan skóla.

Amman: Halda hvað?

Jenný Una (pirruð á skilningsleysi gömlu konunnar): Hún er að halda -o-f-a-n-á að hún er búin í skólanum.

Tíu mínútum síðar fattaði ég hvað barnið meinti, ég rauk á hana og knúsaði í kremju.

Að halda uppá eða ofaná - lítil sem enginn munur.

Arg.

Myndin er frá síðustu helgi þegar Jenný fór með mömmu sinni, Söru vinkonu mömmunnar og Tryggva í sjóveiði.

P.s. Svo horfði ég á á RÚV kosningaþáttinn, hef ýmislegt um hann að segja, geri það seinna.

Hryðjuverkalög á útrásarvíkinga

Athugasemdir

[Óskar Þorkelsson, 24.4.2009 kl. 23:11]

ekkert jafnast á við rökfræði barnsins :)  snillingar

[Ragna Birgisdóttir (IP-tala skráð) 24.4.2009 kl. 23:50]

Meira vit í þeim en pólitíkusum.Þau segja þó satt.

[magus (IP-tala skráð) 25.4.2009 kl. 00:01]

Fyndið að sjá hve stjórnmálamenn virðast hafa miklar áhyggjur af mannréttindum þegar rætt er auðmenn og hrunið. Þetta segi ég með það í huga að BB og félagar voru stuttu fyrir hrun að láta sig dreyma um frumvarp um "forvirkar rannsóknarheimildir" handa lögreglunni. Sem sagt að löglegt átti að verða að njósna um fólk og rannsaka, án þess að viðkomandi séu grunaðir um að hafa framið glæp.

Sömu menn sem sáu stórhættu við Falong Gong, og létu sig dreyma um Taser fyrir lögregluna....þrátt fyrir mótmæli frá Amnesty International. Enda bara vitleysingar (ekki auðmenn) í svona mannréttindarsamtökum....?????

Getur verið að það þurfi að fara aðeins yfir þessa mannréttindarumræðu hér á þessu "Nýja Íslandi"?

[Hildur Helga Sigurðardóttir, 25.4.2009 kl. 00:58]

Þetta eru mikil krútt og snillar, sem þú hefur alið af þér Jenný mín.

Vonandi fá þau ótal tilefni til að "halda ofaná" í framtíðinni.

[Sigrún Jónsdóttir, 25.4.2009 kl. 01:05]

yndisleg þessi ömmustelpa þín.

[Jónína Dúadóttir, 25.4.2009 kl. 06:58]

[Ía Jóhannsdóttir, 25.4.2009 kl. 07:44]