Heyrðu mig kæri samflokksmaður og frú ráðherra

Fyrirgefðu Kolbrún Halldórsdóttir, en sem kjósandi VG og í góðum fíling vegna stöðu flokksins, má biðja þig að vera róleg á yfirlýsingumm, einkum og sér í lagi þegar þær eru ekki í takt við stefnu flokksins.

Ég get ekki orða bundist en mér finnst þessi annars frábæri ráðherra stundum eins og hún sé að ögra öllu og öllum.

Auðvitað viljum við láta leita að olíu og gera það eftir öllum kúnstarinnar reglum hvað varðar megnunarvarnir og allan þann pakka.

Svei mér þá Kolbrún, ef það þarf ekki að setja þig í geymsluna ásamt fleiri góðum mönnum fram yfir kosningar.

Hemja sig, hemja sig og hugsa.

Já, ég sagði það, hugsa.

VG ekki gegn olíuleit

Athugasemdir

[Sigrún Jónsdóttir, 22.4.2009 kl. 22:24]

Góð....þú sko

[Ragnheiður , 22.4.2009 kl. 22:25]

annars frábæri ráðherra ?

Með fullri virðingu fyrir þér og þínum skoðunum þá er ég ósammála þessari fullyrðingu. VG verður að kefla hana K.H. og helst pota henni í hvarf.

Myndi skrifa meira en það kexmylsna að þvælast undir spacebar..bömmer

[Jónas Egilsson, 22.4.2009 kl. 22:26]

Vg er sýnilega ekki treystandi. Hún talar út og suður og nú hamast frambjóðendur að tala eins og þeir halda að kjósendum líki.

[Jónas Egilsson, 22.4.2009 kl. 22:27]

Össur gleymdist. Samfylkingin er greinilega að máta sig við skoðanakannanir líka.

[Jenný Anna Baldursdóttir, 22.4.2009 kl. 22:30]

Jónas: Þú ert frasamaskína og ég er viss um að þú hefur ekki tekið málefnalega afstöðu síðan um fermingu.  Hvernig væri að byrja að hugsa sjálfur?

Djöfull er ég þreytt á úsendurum Sjálfstæðis (Framsóknar kannski?)flokksins.

Kannski er betra að fólk tali frá hjartanu (út og suður) en framkvæmi almenninlega og af heiðarleika.

Skilur þú hvert ég er að fara?

[Jenný Anna Baldursdóttir, 22.4.2009 kl. 22:34]

Ragga: Hættu að éta við tölvuna.  Svona eruð þið þetta fólk sem hættir í smóknum.  Síétandi. Múhahahahaha.

[Kristinn Magnusson (IP-tala skráð) 22.4.2009 kl. 22:37]

Alveg er það með eindæmum hvernig kerlingarálftin talar.

Hún er bara veruleikafyrrt. VG gerið það nú fyrir fólkið og þjóðina að losa okkur við þetta viðundur úr þólitíkinni.

[Skarfurinn, 22.4.2009 kl. 22:38]

Ég er nokkuð viss um að þessi yfirlýsing Kolbrúnar í dag á eftir að minnka fylgi VG þó nokkuð í kosningunum, þetta er út úr öllu korti að tala svona að vera á móti hugsanlegum olígróða þegar fiskurinn er að klárast í hafinu umhverfis okkur. Annars var þrytandi á þessum fundi í RUV þetta klapplið unglinga frá íhaldinu, klappaði í hvert sinn eftir bullið í hrokagikknum Guðlaugi Þór. 

[Ragnheiður , 22.4.2009 kl. 22:40]

Hehehe já Jennsla mín, ég reyni að hemja mig aðeins

[Jenný Anna Baldursdóttir, 22.4.2009 kl. 23:00]

Skarfur: Auðvitað minnkar þetta ekki fylgi VG, enda yfirlýsing frá þeim áföst þessari bloggfærslu þar sem þetta er leiðrétt.

Kolbrún er gegnheill pólitíkus og afskaplega heiðarleg og ég vil ekki sjá að það sé verið að kalla hana nöfnum hér.

En ég er algjörlega ósátt við þessa yfirlýsingu hennar.

Gott fólk, lífið er ekki annað hvort himinn eða helvíti.

Fólk er heldur ekki algott eða alslæmt.

Nema kannski styrkþegarnir í Sjálfstæðisflokknum en þeir eru alvondir í pólitík.

Ragga: Gott kjéddling.

[Axel (IP-tala skráð) 22.4.2009 kl. 23:12]

Nú skal þjóðin fara að læra að éta hundasúrur og hrútaber.

[Örvar Már Marteinsson, 22.4.2009 kl. 23:33]

hemja sig og hugsa!

Þú ferð ekki fram á lítið!

[Guðmundur Ragnar Björnsson, 22.4.2009 kl. 23:45]

Bíddu Jenný, stefna VG varðandi Drekasvæðið er hver? Frumvarpið stutt í fyrsta sinn, setið hjá tvisvar og tekið sérstaklega fram að þetta sé í andstöðu við umhverfisstefnu flokksins. Hvað á maður að halda? Eruð þið með eða á móti?

[Andrés Kristjánsson, 23.4.2009 kl. 00:06]

Blessaður Guðmundur. Kemur stefnan ekki fram í fyrirsögn frétarinnar?

"VG ekki gegn olíuleit"

Ps ég las bloggsíðu Eyglóar um hvernig fjármagna eigi Helguvíkurvirkjun óraunhæft en bráðfyndið.

Sæl Jenný:

Ég tek undir með þér. Þarna kom yfirlýsing sem var bara til þess gerð að hleypa lífi í bloggara gömlu stjórnarflokkana. Nú munu þeir ríða á vaðið og lýsa yfir ábyrgð í auðlindamálum. Þó staðreyndin sé þveröfug miðað við veðsetningu sjávarútvegsins sem og skuldsettningu og hallarekstur orkuiðnaðarins.

[Andrés Kristjánsson, 23.4.2009 kl. 00:08]

Helguvíkurálver ekki virkjun (afsakið)

[Kolbrún Hilmars, 23.4.2009 kl. 00:08]

Það er ósanngjarnt að ætlast til þess að Jenný svari fyrir stefnumótun VG þótt hún kjósi flokkinn.

En nafna mín og Guðlaugur Þór eru búin að eyðileggja ótrúlega mikið fyrir sínum flokkum í R-suður þar sem þau eru í framboði. Kæmi mér ekki á óvart að "auðir" hefðu vinninginn hér :)

[Brjánn Guðjónsson, 23.4.2009 kl. 00:19]

eins og þú nefnir.þá þarf að setja Kolbrúnu í geymsluna, ásamt eftirtöldum:

Joð, Jóni Bjarnasyni, Ögmudi Jónassyni, Árna Þór.

Man ekki fleiri nöfn í svipinnn.

Katrín er alveg að rúla, en einn flottur þingamður dugar ekki fyrir heilan flokk.

[Brynjar Jóhannsson, 23.4.2009 kl. 00:57]

Ég verð bara að bugta mig og beygja fyrir þér Frú Jenny. Að komast á óvinalista Framsóknarflokksins er meiri heiður en að fá fálkaorðuna.

[Bergur Thorberg, 23.4.2009 kl. 01:10]

Kolbrún er kjáni, eins og Bjarni Ben.

[Ía Jóhannsdóttir, 23.4.2009 kl. 06:00]

Ég tek ekki undir þessu stóru orð hans Bergs en Kolla mín á bara ekkert erindi þarna í þingheimi.  Skil ekki hvað hún hefur hangið inni lengi. 

GLEÐILEGT SUMAR JENNÝ MÍN OKKAR HLÝJUSTU KVEÐJUR BERIST HEIM Í ÞITT KÆRLEIKS  MEÐ SUNNANVINDINUM HÉÐAN FRÁ STJÖRNUSTEINI.

[Sverrir (IP-tala skráð) 23.4.2009 kl. 07:05]

Kjörþokkinn er frekar fyrirferðarlítill hjá Kolbrúnu. Það má segja um fleiri frambjóðendur.

Það gerir rörsýnin á tilveruna.

[María Guðmundsdóttir, 23.4.2009 kl. 07:19]

[Ingólfur Ásgeir Jóhannesson, 23.4.2009 kl. 08:19]

Sæl Jenný - Eins og mér heyrist við vera sammála um, þá hefur Kolbrún Halldórsdóttir sýnt á þeim fáu vikum sem hún hefur verið í embætti að hún er góður umhverfisráðherra - og Kolbrún þorir að segja sannleikann og fylgja eftir sannfæringu sinni.

Ég tel að efasemdir hennar um olíuleit séu í anda stefnu vinstri grænna og hvet fleiri þingmenn og ráðherra flokksins til að staldra við. Eins og hún bendir á samrýmist olíuvinnsla engan veginn stefnu um sjálfbæra nýtingu orkulinda. Olía er ekki eldsneyti morgundagsins.

Af hverju myndum við vilja finna þar olíu? Jú - atvinna og tekjur fyrir landið. En hvað um kostnaðinn? Er það áhættunnar virði í kostnaði? Er þetta alltof langt frá landi? Er ekki alvarleg hætta á mengun? Mun það ekki hafa áhrif á fiskistofna? 

En það sem ég óttast þó mest er að þegar olíuvinnsla yrði hafin og tekjur umfram stofnkostnað í sjónmáli að þá verði heimsbyggðin búin að finna aðrar lausnir en olíu og markaðurinn myndi hrynja, af því að olían var eldsneyti 20. aldarinnar. Hugsum um þetta - hugsið um þetta, bloggarar góðir, áður en þið úthúðið Kolbrúnu.

[Gunnar Geirsson (IP-tala skráð) 23.4.2009 kl. 08:21]

Veit einhver hvaðan Kolbrún er að koma? Hvar hefur hún verið undanfrana mánuði? Manneskjan er ekki í neinum tenglsum við ástandið í þjóðfélaginu né fólkið í landinu. Vonandi nær hún áttum fljótlega.

[Óskar Þorkelsson, 23.4.2009 kl. 08:31]

það má Kolbrún eiga að þótt hún sé stundum með alveg út úr kú yfirlýsingar og málefni sem lögð eru fyrir þingið.. að þá er ég sannfærður um að Kolbrún sé heiðarlegri en allir þingmenn sjallana og framsóknar til samans..

Þar að auki tel ég að orð hennar hafi verið mistúlkuð viljandi.. svona rétt fyrir kosningar.. við vitum jú öll hverjir eru á hnjánum er það ekki ?.. og eiga fjölmiðlana að auki ;)

[Guðrún Emilía Guðnadóttir, 23.4.2009 kl. 08:50]

Það átti að vera búið að setja hana í geymsluna fyrir mörgum árum, en ætlaði nú ekki hér inn til að tala um það.

Gleðilegt sumar Jenný Anna mín kæra og takk fyrir veturinn og það að uppgötva það að við værum bara náskyldar.
Sól og gleði inn í sumarið
Milla

[Benedikt Halldórsson, 23.4.2009 kl. 10:07]

"Vinstrihreyfingin - grænt framboð vill vernda íslenska náttúru og auðlindir lands og sjávar. Náttúruauðlindir eiga að vera sameign landsmanna og þær á að nýta í þágu almannahagsmuna án þess að gengið sé á umhverfið. "

VG vilja sjálfbæra orku- og atvinnustefnu og eru því alfarið á móti því að sjúga safann (olíuna) úr móður jörð enda stangast slíkt á við sjálfbæra orkustefnu.

Þegar safinn úr móður jörð er dælt upp er verið taka frá henni og ekkert kemur í staðinn. Það er ekki sjálfbær orkustefna.

Kristín er aðeins að framfylgja stefnu VG

[Benedikt Halldórsson, 23.4.2009 kl. 10:20]

Meira frá VG:
"Lykillinn að farsælli sambúð manns og náttúru á Íslandi er fólginn í sjálfbærri orkustefnu. Nýting orkulindanna er mikilvæg og nauðsynleg en stóriðja og stórvirkjanir í þágu mengandi iðnaðar sem ganga á náttúruna eru andstæð sjálfbærri þróun. "

Olíuvinnsla gengur á náttúruna.

[Árni Gunnarsson, 23.4.2009 kl. 10:43]

Bið um að fá að vera í föruneyti Ingólfs Ásgeirs, Benedikts og svo auðvitað Kolbrúnar Halldórsdóttur.

Það er undarlegt að eitt minnsta sjálfstæða ríkið á vesturlöndum og þar sem möguleikar fólks liggja við tærnar á hverjum manni, þar er fólkinu fyrirmunað að hugsa nema í milljarðalausnum.

Við eigum ekki og megum ekki ráðast á allar auðlindir okkar með þessum djöfulgangi sem við höfum tamið okkur.

[Jenný Anna Baldursdóttir, 23.4.2009 kl. 10:45]

Benedikt: Kristín?  Frænka þín?

Ingólfur: Ég ber mikla virðingu fyrir Kolbrúnu og frá mínum bæjardyrum snýst málið ekki um það.

Ég sé bara enga ástæðu fyrir yfirlýsingu á þessum nótum, að hún ætli að beita sér gegn olíuleitinni eins og hún sagði í gær.  Það er alls ekki það sem VG hefur sagt eða ályktað um.

Það fór fyrir brjóstið á mér.

Reyndar er þetta olíumál ekki aktúellt og heldur ekki okkar Xanadú.

Þannig er nú það.

[Jenný Anna Baldursdóttir, 23.4.2009 kl. 10:46]

Árni: Ég er algjörlega sammála þér.

[Benedikt Halldórsson, 23.4.2009 kl. 11:07]

Kristín átti að vera Kolbrún.

[Benedikt Halldórsson, 23.4.2009 kl. 11:16]

Það skal tekið fram að ég er hlynntur olíuleit en stefnuskrá VG er skýr, olíuvinnsla fellur ekki sjálfbær orkustefna.

"Vinstrihreyfingin – grænt framboð aðhyllist sjálfbæra orkustefnu með það að markmiði að orka frá endurnýjanlegum orkugjöfum leysi innflutta orku af hólmi stig af stigi jafnhliða því sem gætt sé varúðar- og verndarsjónarmiða. Markvisst verði dregið úr orkusóun og gerðar áætlanir um umtalsverðan samdrátt í losun gróðurhúsalofttegunda. Stóriðja og stórvirkjanir í þágu mengandi iðnaðar samrýmast ekki sjálfbærri orkustefnu."

[Benedikt Halldórsson, 23.4.2009 kl. 11:20]

"olíuvinnsla fellur ekki sjálfbær orkustefna" átti að vera "olíuvinnsla fellur ekki undir sjálfbæra orkustefnu"

[Héðinn Björnsson, 23.4.2009 kl. 11:50]

Kolbrún er fulltrúi ákveðinna skoðanna í VG sem ekki er meirihluti fyrir í flokknum. Það er samt ekkert því til fyrirstöðu að hún hafi aðra skoðun og í slíku tilfelli heiðarlegast að segja frá því fyrir kosningar svo þeir sem telja þetta mál of mikilvægt til að geta stutt hana geti þá strikað hana út.

Það sem má gagnrýna hana fyrir er að halda ekki betur sundurskyldu hennar skoðun á málinu og skoðun flokksins á málinu. 

[Auður M (IP-tala skráð) 23.4.2009 kl. 13:45]

"Svei mér þá Kolbrún, ef það þarf ekki að setja þig í geymsluna ásamt fleiri góðum mönnum fram yfir kosningar."

Ekki sammála þér, Jenný Anna.  Kolbrún er nefnilega heiðarlegur stjórmálamaður, sem segir sína skoðun.  Það líkar mér vel.  Þá veit maður hvar maður hefur viðkomandi. Færi betur á  að fleiri segðu hug sinn.

[lundi (IP-tala skráð) 23.4.2009 kl. 14:45]

Þú þarft ekki að vera sammála þessari stefnu, en þetta er stefna VG. Og ég er sammála henni. Í stað þess að leita lausna sem að er búið að mjólka á heimsvísu, því ekki að efla það sem við nú þegar höfum og er sérstakt fyrir okkur? Því ekki að byggja gróðurhús og nýta þá jarðorku sem við kunnum að nýta? Afhverju nýtum við ekki mannauðinn í það sem við kunnum manna best? Það væri auðvelt að byggja hér nokkur þúsund gróðurhús og hefja útflutning á grænmeti. Þannig gætum við bæði fengið gjaldeyri inn í landið og skapað atvinnu. Að ég tali nú ekki um það að framleiða það sem vantar mest í kreppu: Mat. Einnig væri hægt að nýta það ál sem nú þegar er framleitt hér í að byggja rafmagnsbíla og efla annan tækni iðnað. Þetta er það sem framtíðin mun leita að, ekki sömu gömlu lausnanna.