Friggings absúrd!

Þetta er á við góða Fellini bíómynd, þ.e. að lesa nýjustu fréttir af fylgisaukningu Sjálfstæðisflokks.

Algjörlega friggings absúrd!

Könnunin er tekin á þeim tíma sem þjóðfélagið logar stafna á milli vegna styrkjamálsins.

Á sama tíma og sjálfur flokkurinn er með ógleðitilfinningu vegna styrkjanna, koma jónar og gunnur og segjast ætla að kjósa flokkinn.

27% landsmanna þurfa að fara í raunveruleikatékk.

Það lýsir þessu nokkuð vel að formaður flokksins getur ekki hamið undrun sína þegar Fréttablaðið leitar eftir viðbrögðum við könnuninni hjá honum.

Hann er alveg standandi hissa og átti svo sannarlega ekki von á þessu.

Er það nema von.

Þegar það er farið að ganga fram af sjálfum flokksmönnum, svo ég tali nú ekki um formanninum sjálfum, þarf fólk virkilega að fara að hugsa sinn gang.

Vilja 28% þjóðarinnar meira af sama?

Jahérnahér.

En svona eftir á að hyggja, kannski hafa "sannir" sjálfstæðismenn ekki heyrt af styrkjamálinu.

Hannes Hólmsteinn segir að þeir séu vinnandi á daginn og grillandi á kvöldin.

Brjálað að gera.

Fylgi Sjálfstæðisflokks eykst milli vikna

Athugasemdir

[Ásthildur Cesil Þórðardóttir, 15.4.2009 kl. 11:03]

Ég er farin að halda að það sé ekkert að marka skoðanakannanir í dag.  Ég vona allavega að svo sé ekki.  Ekki það að ég get alveg glaðst yfir góðu gengi núverandi stjórnar, allt er betra en að Sjálfstæðisflokkurinn trúfélagið sjálft komist aftur að kjötkötlunum.   En þetta bara stenst ekki við það sem maður heyrir úti í samfélaginu.  Þetta er eins og með Dallas og Júróvisjón, enginn horfir á þetta, en samt tæmast göturnar og saumaklúbbar voru færðir yfir á önnur kvöld og svo framvegis.   Næ þessu ekki alveg. 

[Stefán (IP-tala skráð) 15.4.2009 kl. 11:05]

Sjálfstæðisflokkurinn mælist alltaf hærri í könnunum en það sem svo kemur upp úr kössunum. Ég spái því að þegar upp verður staðið verði fylgið u.þ.b. 20 %. Ég hef þá trú á þjóðinni að 80 % séu það viti borin að kjósa ekki sundurspilltan Sjálfstæðisflokkinn, sem gerði þjóðina nánast gjaldþrota. Á Ítalíu væri Sjálfstæðisflokkurinn kallaður mafía. Sagði ekki Hannes Hólmsteinn að sjálfstæðismenn græddu peninga á daginn og grilluðu á kvöldin ? Þeir eru allavega að grilla hvern annan núna, sérstaklega langar þeim að grilla Guðlaug Þór.   

[Þorsteinn Úlfar Björnsson (IP-tala skráð) 15.4.2009 kl. 11:33]

Er könnunin ekki framkvæmd af Baugsmiðli?

[zappa (IP-tala skráð) 15.4.2009 kl. 11:48]

það hvolfist yfir mann svartnættið við að hlusta á Sigurð Kára og fleiri sjálfstæðismenn í umræðum á Alþingi núna...getur verið að 27%landsmanna vilji láta þessa ruglukolla stjórna landinu...þá er nú eitthvað mikið að heima hjá því fólki...

[Stefán (IP-tala skráð) 15.4.2009 kl. 12:37]

Já Zappa, verum bara Sigurði Kára þakklát fyrir að leika fífl á Alþingi dag eftir dag, því að ekki styrkist Sjálfstæðisflokkurinn við bullið í honum. Mér er jafnvel smá hlýtt til Birgis Ármanns líka fyrir hans kjánaskap á Alþingi. Þeir fáu sem ég þekki sem enn styðja Sjálfstæðisflokkinn skammast sín einmitt mest fyrir Sigurð kára og Birgi Ármannsson.

[Lilja Guðrún Þorvaldsdóttir, 15.4.2009 kl. 17:46]

Ætli Sjálfstæðismenn kjósi ekki sama gamla Sjálfstæðsflokkinn, segjandi við sjálfa sig og aðra, -  fær maður nokkuð betra, er ekki sama rassgatið undir þeim öllum. - Eða -  Maður veit þó hvað maður hefur þar sem Sjálfstæðisflokkurinn er.  - Þetta hef ég heyrt frá sjálfstæðsmönnum ungum jafnt sem öldnum, frá því ég man eftir mér.