Ég get ekki talað

Páskar, páskar, páskar.

Mér finnst þeir oftast erfiðir vegna trámatískrar lífsreynslu í æsku.

Róleg, ekkert dramatískt, en þeir sem deila með mér minningum frá páskum upp úr miðri síðustu öld vita hvað ég er að meina.

Það var allt lokað, ekkert sjónvarp og endalaus helgislepja í útvarpinu.

Svo var ekki kjaftur á ferli, krakkar ekki heima og maður gekk í gegnum helvíti af leiðindum.

Allt fyrir Ésú.  Hvers átti maður að gjalda?

Núna hins vegar er ég að bíða eftir kosningum.

Mér gæti ekki verið meira sama um þennan snjókarl á Akureyri.  Hann bráðnar bara í fyllingu tímans eða eitthvað.

Svo er ég raddlaus, nenni ekki út í það en ég get ekki talað.

Hvað geri ég þá?

Jú, ég fylgist með Sjálfstæðisflokknum og borða páskaegg.

Páskaegg úr Konsum súkkulaði, sem er mitt uppáhalds súkk.

Þó ég sé sykursjúk þá leyfi ég mér smá súkkulaðisúkk á jólum og páskum.

Sumir segja að gamla fólkið elski suðusúkkið, ég segi að sælkerarnir hafi smekk fyrir því.

Svo er það hollara.

Málshátturinn var; hæst bylur í tómri tunnu, ég tek því ekki persónulega enda greind með afbrigðum.

Fáið ykkur páskaegg til að lifa af þessa daga þar sem hver spillingarfréttin rekur aðra.

Það er eitthvað karmískt við þettta nýjasta mál.  Sjálfstæðiflokkur tekinn í bóli af FL-Group.

Njótum lífsins, það er ekki seinna vænna að starta partíinu.

Maður yngist ekki.

Grátið mér stórfljót, ég get ekki talað.

Snjókarlinn ekki látinn í friði

Athugasemdir

[Jakobína Ingunn Ólafsdóttir, 9.4.2009 kl. 14:37]

Já suðusúkkulaðið er best

[M, 9.4.2009 kl. 14:39]

Elska suðusúkkulaði með ískaldri mjólk

Gott að þú getir bloggað frá þér hugsunum fyrst málið er farið   Hafðu það gleðilegt yfir páskana.

[Anna Benkovic Mikaelsdóttir, 9.4.2009 kl. 15:03]

Það hressir upp á morgundaginn að mæta í Bingó á Austurvelli á morgun kl. 1230!

[María Guðmundsdóttir, 9.4.2009 kl. 16:07]

 mig langar i islenskt páskaegg....ertu til ad éta eitt fyrir mig?

[Adda Laufey , 9.4.2009 kl. 16:07]

[Guðrún Emilía Guðnadóttir, 9.4.2009 kl. 16:35]

Suðusúkkulaði með góðu kaffi bara gott, en heyrðu elskan ég deili sko með þér þessum minningum maður var að farast úr leiðindum, ekkert mátti varla anda.


Að missa röddina er afar slæmt, mundi urlast ef það kæmi fyrir mig
guð ég sem elska að halda fyrirlestra (eins og börn og barnabörn segja)

Jæja er farin að hitta Steingrím hann er að opna skrifstofuna hér í dag, annars finnst mér asnalegt að kalla þetta skrifsstofu, vill frekar kalla þetta kaffi viðveru.

Farðu vel með þig
Milla

[Hildur Helga Sigurðardóttir, 9.4.2009 kl. 23:15]

Síríus suðusúkkulaði og ískalt mjólkurglas.  Bara best !

Góðan bata 

[Jenný Anna Baldursdóttir, 9.4.2009 kl. 23:44]

Eggið er búið.  OMG, það bara hvarf ofan í ......?

[Hildur Helga Sigurðardóttir, 10.4.2009 kl. 00:03]

Þetta hefur komið fyrir fleiri.  Með tilheyrandi fráhvörfum...

Samt gott að þú ert a.m.k. ekki búin að missa bloggröddina