Fyrirfram aðvaraður, fyrirfram vopnaður?

Ég dauðvorkenni þeim sem þurfa að finna upp aprílgabbið í ár.

Kommon, raunveruleikinn sem við höfum lifað og hrærst í síðan í október er lygasögu líkastur.

Í mínum villtustu martröðum hefði ég ekki náð upp í það sem við erum að upplifa Íslendingar á hverjum degi.

Ég gef mér að þessi "frétt" eigi að vera aprílgabb.

Amk. trúi ég ekki á ævintýraleg tilboð lengur.

Reyndar hef ég aldrei látið blekkjast af "kjötútsölunum" sem boðað hefur verið til á nánast hverju ári undanfarið hvar ljósmyndarar bíða á vettvangi til að taka mynd af þeim sem hafa stokkið af stað.

Ég veit ekki með ykkur en ég er orðinn hryllilega tortryggin yfir höfuð.

Tek öllu með fyrirvara núorðið.

Þessi kreppa og allar lygarnar og leikþættirnir í kringum hana hafa tekið frá mér þetta sem ég átti þó eftir af barnslegri einfeldni eða trúgirni.

Er ekki sagt einhvers staðar; fyrirfram aðvaraður, fyrirfram vopnaður?

Ég er að minnsta kosti brennd.

En þeir sem eiga að fá okkur til að trúa platfréttum í dag eiga alla mína samúð.

Því bókstaflega ekkert er nógu geggjað til að það toppi raunveruleika Íslands í nútímanum.

Ónei.

Selja húsbúnað úr gömlu bönkunum

Athugasemdir

[Sigurður Þór Guðjónsson, 1.4.2009 kl. 12:26]

Í lósi hremminga okkar daga hef ég snúið mér að þeim sem á hæstum situr tróninum og látið skíra mig til kaþólskrar trúar. JVJ var vígsluvottur.

[Auður Proppé, 1.4.2009 kl. 12:43]

Kannski var þetta bara allt saman eitt allsherjar aprílgabb.

[Brjánn Guðjónsson, 1.4.2009 kl. 13:28]

þessi frétt er klárlega gabb

[Ragnheiður , 1.4.2009 kl. 13:37]

mér hefur alltaf dauðleiðst þessi dagur, ég hef bara ekki húmor fyrir svona rugli...ekki síðan mamma heitin sagði mér að aprílgabb væri ógilt nema maður þrælaði einhverjum amk yfir þröskuld og jafnvel fleiri en einn