Rasískt og fasískt

 

Fyrst langar mig að hnykkja á þeirri skoðun minni að við eigum frábæran dómsmálaráðherra.

Hún var snögg að afturkalla brottrekstur nokkurra hælisleitenda sem átti að senda til Grikklands.

Sameinuðu þjóðirnar hafa hvatt lönd til að senda ekki hælisleitendur þangað að svo komnu máli vegna slæmra aðstæðna.

Hafi hún þakkir fyrir.

Ég er algjörlega sammála fólkinu sem hitti Rögnu í gær fyrir framan húsið hennar, og í morgun á fundi.

"Á fundinum afhenti hópurinn ráðherra áskorun þar sem m.a. segir að Útlendingastofnun hafi starfað á rasískum og fasískum grunni að undanförnu. Þá segir að þar sem ekki virðist lengur jafn fjarstæðukennt og áður að Íslendingar geti þurft á hjálp umheimsins að halda, ættu Íslendingar nú að skilja betur en nokkru sinni þörfina fyrir samhjálp."

Ég held að okkur væri nær að koma almennilega fram við fólk sem hingað leitar og þá meina ég ekki að við eigum að bjóða öllum dvalarleyfi sem hingað koma heldur eigum við að hafa mannúð að leiðarljósi og leyfa fólki að lifa með reisn á meðan það bíður.  Allt annað er óásættanlegt.

Ég vil að ömurlegum dvalarstað hælisleitenda að Fitjum í Njarðvík verði lokað.

Þetta er ekki fólki bjóðandi.

Svo mætti stytta afgreiðslutíma mála ef kostur er.

Eins og þessum málum er fyrirkomið nú er það okkur til skammar.

Húrra Ragna.

Segja Útlendingastofnun starfa á rasískum grunni

Athugasemdir

[Stjörnupenni, 30.3.2009 kl. 12:19]

Ég veit nú ekki hvort Fit Hostel í Njarðvík séu það ömurleg að það þurfi að loka þeim, en það má svo sannarlega gera betur fyrir hælisleitendur á Íslandi og um allan heim.

Takk fyrir góða pistil, Jenný

[Guðrún Emilía Guðnadóttir, 30.3.2009 kl. 12:46]

Tek undir þetta, vonandi verður ekki mokað yfir þig eins og mig á sínum tíma er ég ritaði um þessa rottuholu í Njarðvík sem boðið er upp á.

[hilmar jónsson, 30.3.2009 kl. 14:26]

Get vel tekið undir það Jenný.

[Baldur Kristjánsson, 30.3.2009 kl. 14:28]

Góð færsla.  Við Íslendingar höfum allar forsendur til að standa betur að þessum málum en aðrir.  kv. Baldur

[Finnur Bárðarson, 30.3.2009 kl. 14:56]

Vildi að þessi mynd væri táknræn fyrir öll samskipti, en þessi mæta kona er því miður á förum eftir nokkrar vikur. Sæi ekki Björn Bjarnason alveg fyrir mér í þessari stöðu.

[BB (IP-tala skráð) 30.3.2009 kl. 15:51]

Talandi um rasískt og fasískt, þá langar mig að benda á greinina um uppruna Útlendingastofunar sem nú er að gera allt vitlaust á Nei-inu: http://this.is/nei/?p=4242

[Guðrún Emilía Guðnadóttir, 30.3.2009 kl. 16:19]

Það stendur heldur ekki til að hann gegni þessari stöðu lengur.
Þessi kona er frábær og afar vel gefin, ekki vill hún gefa sig í pólitíkina.

[Jenný Anna Baldursdóttir, 30.3.2009 kl. 16:36]

BB: Þessi grein á Nei er algjörlega frábær og upplýsandi.  Ekki hafði ég hugmynd um þetta.

Takk öll fyrir innlegg.