Söknuður

 

Allt í einu greip mig sterkur söknuður.

Söknuður eftir tímunum fyrir hrun, þegar rannsóknir um selvfölgleligheter voru skemmtilegt bloggefni og gátu verið hápunktur á venjulegum fréttadegi.

Þá voru vandamálin í óspennandi kantinum og maður gat farið svo skemmtilega á límingunum út af smámunum.

Svo hefur kreppan orsakað pjúra minnisleysi hjá mér, ég sverða.  Ég var t.d. búin að gleyma jarðskjálftanum í maí sem í eðlilegu árferði hefði verið toppur stórviðburða árs og aldar. 

Ég er sem sagt minnislaus á tilveru mína fyrir hrun.

Borðaði ég, svaf ég, andaði ég?  Svei mér þá, það hlýtur að vera en ég man það ekki.

En að rannsóknum um borðleggjandi hluti.

Auðvitað vinna mömmurnar á mörgum heimilum 40% meira en feðurnir.

Það er misréttið gott fólk sem gerir vinnustundir fleiri hjá "hinu" kyninu.

Annars var þetta ekki svona þegar börnin mín voru lítil.

Það var í miðri kvenfrelsisbaráttu og allt mælt með málbandi.

Þú eldar, ég vaska upp, þú þværð, ég hengi upp, þú tekur til á lóðinni, ég baka!.

Nei, gargaði ég síðan þegar ég kom upp til að anda, ég baka ekki, það er ekkert aumingjalegra en bakandi kona ef hún hefur ekki atvinnumannspróf á hrærivél og vinnur fyrir sér með bakstri.

Svo ég bakaði aldrei. 

Svo eftir meðferðina 2006 hef ég bakað eins og motherfucker.

Þetta endar með bás í Koló, ég sverða.

Ekki samt segja neinum frá þessu bökunaróeðli í mér.

Ég hef mannorð að verja.

Mæður vinna 40% meira en feður

Athugasemdir

[Ásthildur Cesil Þórðardóttir, 16.3.2009 kl. 20:50]

Lofa að segja engum frá Jenný mín.

[Sigrún Jónsdóttir, 16.3.2009 kl. 21:00]

Já, það liggur við að maður sakni fyrir kreppu vandamálanna....og þó ekki.  En ég sakna hippatímans

[Hilmar Gunnlaugsson, 16.3.2009 kl. 21:07]

Þessi könnun bendir til að karlmenn verði að sinna heimilsstörfum betur og til jafns á við konur. Karlremba er algengari en margir halda og mikilvægt að þeir menn komi sér inn í 21. öldina og gefi konum ekkert eftir í heimilisstörfum.

[Jóhanna Magnúsar- og Völudóttir , 16.3.2009 kl. 21:37]

Ég dauðskammast mín  .. það er misrétti á okkar heimili, karlinn vinnur miklu meiri heimilisstörf, ég vinn ógesslega mikið utan heimilis og fæ húshjálp einu sinni í mánuði (mitt framlag) .. að vísu fyrir utan að elda yfirleitt matinn, sem mér finnst svo skemmtilegt að ég tel það ekki til starfa!

[Hrönn Sigurðardóttir, 16.3.2009 kl. 23:13]

......hvernig gastu gleymt jarðskjálftanum?? Þykir þér ekkert vænt um mig?

Annars sakna ég líka þrætuepla á borð við það hvar hausmynd af Tómasi Guðmundssyni skuli standa eða ekki standa.....

[Steingrímur Helgason, 17.3.2009 kl. 00:18]

Ég ver nú alveg mitt konudýr enda finnzt mér hún mjög dugleg.

Hún til dæmiz sér að meztu leiti um að fóðra bæði þvottavél & þurrkara & hún getur ekkert gert að því á meðan ég er í alvöru vinnu sé hún bara kennari við kennzlu.

Það þarf líka konu einz & hana & ég er stoltur af henni !

[Jakobína Ingunn Ólafsdóttir, 17.3.2009 kl. 00:39]

Já ég sakna tímans þegar ég var bara fúl yfir að hafa keypt skemmdan lauk

[Hörður B Hjartarson, 17.3.2009 kl. 02:19]

Húsmóðirin á að standa fyrir innann eldavélina ( G.Á ) .  Enda jafnast ekkert á við heimabakkelsi , ef ég baka það ekki .

[Anna Ólafsdóttir Björnsson, 17.3.2009 kl. 02:39]

Ég er skelfinu lostin yfir þessu vinnuálagi á mæður, kreppa eða ekki kreppa, og gildir þá einu þótt það geti verið gaman að baka, bóka það þá bara sem tómstundir til að laga tölfræðina. Úff.

[Jónína Dúadóttir, 17.3.2009 kl. 06:03]

Bakarðu.... ?

[Jenný Anna Baldursdóttir, 17.3.2009 kl. 09:16]

Ég elska þig Hrönnsla en er í kreppulegu blakkáti.

Ragna: Sko, stækkaðu myndina og sjáðu textann.  Hehe.

Já ég baka.

Anna: Ég deili þeim áhyggjum með þér.

Takk öll.

[Ellert Júlíusson, 19.3.2009 kl. 08:29]

Þetta lítur nú bara girnilega út, þetta sem konan hefur eldað á þessari mynd.