Nokkrar góðar vikur án stjórnmálamanna

Ég horfði á Silfrið offkors.

Æi og ói.  Nú er friðurinn úti.

Pólitíkusarnir komnir aftur enda að koma kosningar og fólk forvitið að heyra hvað þeir hafa að segja.

Ég gerði mér samstundis grein fyrir því þegar strákarnir byrjuðu að kalla hvor upp í annan að það hefur verið dásamlegt að hlusta á fólkið sem hefur verið í þáttunum síðan eftir hrun.

Venjulegt fólk sem hefur beðið eftir að það kæmi að því verið kurteist og lágstemmt.

Frammíköllin og hamagangurinn eru komin aftur.

Alveg: Hér er ég, hér er ég, góðan daginn, daginn, daginn.

Meira bölvað fyrirkomulagið á þessu öllu og ég er engu nær.

Nema að VG vill gjarnan halda áfram stjórnarsamstarfinu.  Mér finnst gott að vita áður en ég kýs hvað flokkurinn sem ég exa við hyggst gera eftir að atkvæði hafa verið talin.

Samfylkingin hins vegar, er með allt opið, ekkert breytt á þeim bænum ef marka má hann Árna Pál.

Erfðaprins íhaldsins kom ekki á óvart.  Algjörlega fyrirsjáanlegur.

Treysti ég þessum strákum?

Neibb, ekki baun.

Athugasemdir

[Finnur Bárðarson, 15.3.2009 kl. 17:05]

Árni Páll fær falleinkunn. Getur maðurinn ekki róað sig niður.

[Hrönn Sigurðardóttir, 15.3.2009 kl. 17:15]

Mér fannst, og finnst enn, Háskólastúdentarnir góðir í búsáhaldabyltingunni - þegar þau sungu: Langatöng, langatöng hér er ég.....

....Mætti kannski syngja það víðar og oftar?

[Adda Þorbjörg Sigurjónsdóttir, 15.3.2009 kl. 17:17]

Ég var afskaplega ánægð með minn mann hann Bjarna. Fannst hann standa sig langsamlegast best. Ég er líka alltaf í sjöunda himni þegar Guðfríður opnar munninn því ég tel næsta víst að í hvert skipti hrylli sig kjósendur sem eru hægri kratar og skynsamari hluti framsóknarmanna og rati frekar í að kjósa sjálfstæðisflokkinn heldur en mega eiga von á þessu stjórnarsamstarfi :). Meira af þessu Egill!

[Hildur Helga Sigurðardóttir, 15.3.2009 kl. 17:21]

Þetta voru nokkrir góðir dagar án pólitíkusa í Silfrinu -sem fór á miklu hærra plan á meðan...

[Jenný Anna Baldursdóttir, 15.3.2009 kl. 17:26]

Adda: Gott til þess að vita að "þinn maður" olli þér ekki vonbrigðum.  Hefði hann mögulega getað gert það?  Það er einhver ofsatrúartónn í innlegginu þínu.

HH: Jabb, satt segir þú.

Hrönn: Góð.

Finnur: Ef þetta er stefna Samfó fyrir þessar kosningar, þ.e. að fara með kjósendur út í óvissuna þar sem möguleiki á endurkomu sjalla og samfó er inni í myndinni, þá held ég að fólk eigi að fá að vita það.

Ragna: Dream on.

[Ólína Kjerúlf Þorvarðardóttir, 15.3.2009 kl. 17:54]

Frambjóðendur Samfylkingarinnar í NV-kjördæmi hafa allir svarað því einum rómi að þeir vilji áframhaldandi ríkisstjórnarsamstarf við VG.

Menn eiga ekki að ganga "óbundnir" til kosninga að þessu sinni. Fólk á að fá vitneskju um það núna hvað flokkarnir hyggjast fyrir varðandi stjórnarmyndun eftir kosningar.

Það er mín skoðun´.

[Ingibjörg Hinriksdóttir, 15.3.2009 kl. 19:24]

Það er bara eðlilegt að menn æsist örlítið upp þegar þáttastjórnandinn er stöðugt að grípa frammí. Árni Páll rokkar og Jenný Ólína er verðandi þingmaður, hún mun hafa sitt að segja um samstarfsflokkinn eftir kosningar. Verum góð hvert við annað!

[Kristján Kristjánsson, 15.3.2009 kl. 19:26]

Sá ekki Silfrið. Ég mun ekki kjósa flokk sem gengur "óbundinn" til kosninga að þessu sinni. Ég vil vita nákvæmlega hvaða hug flokkarnir bera. Skrýtið hvað stjórnmálamenn virðast oft úr takti við þjóðarsálina. Spilin á borðið er skýlaus krafa flestra í dag. Við erum búin að fá uppí kok af baktjaldarmakki og klækjastjórnmálum. Vill fá skýlausa, einfalda og skýra stefnuskrá fyrir næstu 4 ár hjá flokkunum og hverjum menn vilja starfa með. Ef einhver uppfyllir það fer mitt atkvæði þangað.

[AK-72, 15.3.2009 kl. 20:10]

Þú getur nú kíkt á stefnuskrá okkar í Borgarahreyfingunni, Kristján og séð hvort það sé ekki það sem þú leitar eftir. Þú finnur hana á www.borgarahreyfingin.is 

Við höfum svo gefið það hreint út að við viljum alls ekki starfa með Sjálfstæðisflokknum.

Vona svo að Jenný fyrirgefi mér þessa auglýsingamennsku.

[Árni Gunnarsson, 15.3.2009 kl. 20:14]

Burt með þetta bull um að ganga óbundinn til kosninga. Frændi minn Árni Páll er flugmælskur eldhugi en bara frosinn í ESB trúboðinu sem er hans Alfa og Omega. Sjálfum fannst mér nú Sigmundur Davíð vera málefnalegastur og hann virðist alltaf geta komið beint að umræðuefninu án málalenginga og hann virðist hafa býsna góða yfirsýn á fjármálaskákina. Hræddastur er ég við að hann reynist ekki nógu harður þegar kemur að því að ganga á hólm við Finn. Ólaf Samskipa og Þórólf í Kaupfélaginu. Það dylst engum að nú verður þjarmað að öllum spillingarfurstunum eftir að Eva Joly tók við stjórn rannsóknarinnar á bankahruninu.

Bjarni Ben var með sama luntasvipinn og venjulega og er greinilega pirraður út í ónotaleg viðhorf til skítmennanna sem komu þjóðinni á vonarvöl og rændu milljörðum sem þeir flugu með í skattaskjól undir "bankaleynd." Skyldi hann kannast við einhverja í þeim hópi?

En hvern andskotann á að að þýða að kjósa einhverja þingmannadindla til að semja breytingar á Stjórnarskránni? Vantar okkur ekki fyrst og femst fjölskipað stjórnlagaþing fólksins til að smíða okkur varnarmúr gegn ofríki alþingis og ríkisstjórnar? Þessi elíta virðist ekki skilja að inni á Alþingi eru ekkert sérvalið úrval spekinga heldur misjafnlega illa heppnað fólk sem fær magakveisu og timburmenn og þarf á klósettið rétt eins og við öll.  

[Anna Benkovic Mikaelsdóttir, 15.3.2009 kl. 21:03]

Þetta voru fremur ruddalegir karlmenn þarna!  Hefði gjarna viljað heyra í kvenmanninum sem EKKI GREIP FRAM Í

[Finnur Bárðarson, 15.3.2009 kl. 21:25]

Adda: Rosalega er þetta væmið: "Ég var afskaplega ánægð með minn mann hann Bjarna."

[EE elle (IP-tala skráð) 15.3.2009 kl. 22:30]

Friðurinn var úti um leið og pólitíkusarnir mættu í SILFUR EGILS.  Eftirtektarvert að hlustunin og hinar eðlilegu umræður sem hafa verið við lýði þar upp á síðkastið, með hagfræðingum og öðru lærðu fólki, hurfu út í veður og vind.  Fólk kjaftaði ofan i alla og yfir alla og Egill var sjálfur miklu órólegri.  Maður var orðinn ruglaður af að hlusta á 2 og 3 talandi í einu.  Merkilegt.

[Margrét Birna Auðunsdóttir, 15.3.2009 kl. 22:45]

Ég var þá ekki ein um það! Ég náði engu sem mennirnir sögðu því að þeir töluðu hver ofan í annan og þvældu fram og til baka. Hefðu getað sleppt því að mæta. Svona ef tilgangurinn var að gera mann aðeins fróðari.

[Jenný Anna Baldursdóttir, 15.3.2009 kl. 23:08]

Takk fyrir frábæra umræðu.

Ólína: Það dugir ekkert minna en kosningabandalag félagshyggjuflokkanna til að gera mig ánægða.

[EE elle (IP-tala skráð) 15.3.2009 kl. 23:21]

Og ég óttaðist að blessaður maðurinn færi bara á taugum þarna.

[Jenný Anna Baldursdóttir, 15.3.2009 kl. 23:33]

Egill er auðvitað eins og við hin, spennist allur upp í þessum stressaða og sjálfmiðaða félagsskap.