Úr landi með helvítið

 

Þegar ég týndi síðustu krónuna upp úr buddunni í gær í búðinni þá hugsaði ég einmitt; nú hlýtur verðbólgan að vera þetta 17,6%.

Jeræt.

Ekki að ég finni ekki fyrir verðbólgunni, matarverðinu og klárum erfiðleikum í listinni við að ná endum saman.

Og kann ég auðmönnum, fyrrverandi ríkisstjórn, Seðlabanka og öðrum ábyrgum aðilum engar sérstakar þakkir fyrir.

Ég er að Davíðsjafna hérna.

Ég ætla að blogga um þennan  Steve Cosser nörd.

Hvern fjandann er þessi hrokagikkur að vilja upp á dekk og kaupa okkur Íslendinga á brunaútsölu?

Þegar ég horfði á hann í fréttunum í gærkvöldi leið mér eins og ég hafi dottið inn í mafíumynd af B-tegund.

Hann var að leita að uppruna orðrómsins um að hann gengi erinda auðmanna.

Svo ætlar hann að grípa til aðgerða gagnvart þeim. 

Ætli að hann geri þeim tilboð sem þeir geta ekki hafnað?

Hann sem á íbúð í London sem kostar meira en allir sukkbarónar Íslands saman lagt.

Er ekki dásamlegt að fá svona fólk til að kaupa Ísland?

Er ekki hægt að henda þessu viðrini úr landi?

Og læsa kyrfilega á eftir honum.

En fjandans verðbólgan er 17,6% eins og ég fann á mér.

Djöfull sem ég er mögnuð.

Verðbólga mælist 17,6%

Athugasemdir

[Ásthildur Cesil Þórðardóttir, 25.2.2009 kl. 11:47]

Hef ekki heyrt um þennan gæja, hvað vill hann upp á dekk hér?  Nei Jenný ég vil ekki fá fleiri útrásargaura, hvorki erlenda né íslenska, við höfum alveg nóg með þá sem þegar eru fyrir hendi hér.  Fyrst þurfum við að tukta þá til, áður en við tökum að okkur fleiri skíthæla. 

[Tómas Örn (IP-tala skráð) 25.2.2009 kl. 11:55]

Þetta er ekki útrásargaur, þetta er innrásargaur.  Nú verður það nýtt trend á Íslandi.

[Sigrún Jónsdóttir, 25.2.2009 kl. 12:09]

Það þarf að rannsaka þennan gaur.  Hvernig hann auðgaðist.  Hverjir eru hans "umboðsmenn" hér á landi o.sv.frv..

Mér fannst hann ekki trúverðugur og hef það á tilfinningunni að hann sé útsendari "hrægamma", sem ráðast á lönd í fjárhagskröggum.

[Liberal, 25.2.2009 kl. 12:58]

já, bönnum þá sem þér eru ekki þóknanlegir.  Þú ert sjálf-yfirlýstur kommi, þú hlýtur þá að eiga við að hérna skuli ríkja sama stefna og í gamla Sovét; þeir sem ekki eru yfirvaldinu þóknanlegir (og yfirvaldið skal vera kommúnistaflokkurinn sem er sjálfskipaður fulltrúi alþýðunnar) eru sendir úr landi eða í "endurmenntun".

"Er ekki hægt að henda þessu viðrini úr landi?" spyrð þú?

Jú, kannski að skaðræðisskepnurnar sem eru í stjórnarráðinu geri nákvæmlega það.  Sjái til þess að hér verðum við einangruð og án samskipta við umheiminn, utan árlegs kaupfars sem kemur með brýnustu nauðsynjar til landsins.  

Viltu ekki líka festa í lög að engir aðrir flokkar megi komast til valda nema VG?  Svo að þjóðin slysist nú ekki til að kjósa yfir sig Sjálfstæðisflokkinn aftur?  Af því að þú ert svo mikið fulltrúi alþýðunnar?

Hvað með að banna alla gagnrýni á VG?  Því slíkt grefur undan samheldni í þjóðfélaginu og ýfir öldurnar, nokkuð sem er andstætt almannahagsmunum?  Er það ekki?

Svona slefandi örvitar sem vilja banna útlendingum að fjárfesta á Íslandi, hundelta "útrásarvíkingana" og hirða af þeim það sem þeir eiga eftir og banna fólki almennt að hagnast í framtíðinni eiga ekkert erindi upp á dekk á Íslandi.  Úrtölufólkið sem bankar upp á hverju einasta heimili til að ganga úr skugga um hvort örugglega séu ekki allir að vorkenna sjálfum sér alla daga.  Liðleskjurnar sem eru að reyna að gera aumingjaskap að tískufyrirbæri.  Iðjuleysingjarnir sem hafa ákveðið að fyrst þeir sjálfir hafa ekki dug til að leggja sín lóð á vogarskálarnar, þá skuli þeirra eigin aumingjaskapur verða "normið" í þjóðfélaginu.  Mikið óskaplega þarf að ýta þessum væluskjóðum, þessum illa upplýstu smáborgurum, úr vegi svo hægt sé að byggja upp einhverja framtíð hér á landi.  Því VG og strumparnir sem þar flækjast hver fyrir öðrum boða ekkert annað en efnahagslega eyðimörk.  Eins og þú svo skemmtilega gefur okkur dæmi um.

Getum við ekki losnað við þessi viðrini úr landi?  Gæti einhver spurt 

[Jenný Anna Baldursdóttir, 25.2.2009 kl. 13:02]

Liberal: Þegiðu og bloggaðu heima hjá þér.  Ef þú gætir ekki orðbragðs þá loka ég á þig.  Þú verður að fara að læra að slaka á.

Ég endurtek: Sendum Cosser heim. 

[árni aðals (IP-tala skráð) 25.2.2009 kl. 13:45]

já takk bara íslenskt-atvinnulausir íslendingar geta tekið sig saman og leigt nokkra hvalbáta hjá Kristjáni Lofts,hann ætlar bara að nota tvo sagði hann í kvöldfréttum sjónvarps.nógur kvóti á hval fyrir alla-getum svo bara flutt þá ferska með flugi á markað í japan,þá þurfum við ekki að selja einu hvalstöðinni á íslandi kjötið á gjafverðivegna þess að ekkert einkaleyfi er á hvalveiðum(ennþá)næg atvinna fyrir alla-jamm Íslenskt já takk. bara djók

[ingibjörg magnúsdóttir (IP-tala skráð) 25.2.2009 kl. 13:50]

Já, sammála. Þessi lofthani á ekkert með að vera að hóta almannarómi hér. Getum við ekki búsáhaldað hann burt úr landinu?

[Stefán (IP-tala skráð) 25.2.2009 kl. 14:14]

Hitler gat nú haldið rosalegar ræður og það langlokur, en hann var ekki svona rosalega heimskur eins og Liberal. Davíð Oddson getur kastað sprengjum út og suður, en hann er ekki svona heimskur eins og Liberal, sem er samflokksmönnum sínum í Sjálfstæðisflokknum til skammar.  ,, liðleskjurnar sem eru að reyna að gera aumingjaskap að tískufyrirbæri ". Svona málflutningur hefur tæplega sést síðan í Þýskalandi Hitlers. Liberal, þú ert Sjálfstæðisflokknum og mömmu þinni til háborinnar skammar og ég held að þú sért að farast úr minnimáttarkend !!!  

[Bjarni Kjartansson, 25.2.2009 kl. 14:19]

Jenný mín

Atlso, að reka svona uglu úr partínu okkar.

 Gaurinn ætti að blogga pínu ljúfar, svona eins og moi.

Annars er það svo, með gutta eins og þennann from down under, að menn vita ekkert hverjum húsbónda þeir eru að þjóna, mena auðvitað Græðginni í sjálfum sér.

Burt með fíflið og biðjum hann segja öðrum hrægömmum í GB að við tökum ,,vel" á móti þeim, berjum þá leiftursnöggt í hausinn með næstliggjandi bokku.

Luv is all around.

Mibbó

[Anna , 25.2.2009 kl. 14:24]

Það er bara að kaupa skyr og rúgbrauð í öll mál. Láta bara útlenska draslið vera. Er ekki verðbólgan komin upp í 20%. Einn auðmaðurinn enn, þetta er svo mikið mont að hálfa væri nú nóg. Er ekki öllum sama um þennan karl kjána. Og hvað er hann að kaupa. Hvessvegna er ekki buið frista og ég segi aftir frista eigur auðmanna.

Ég vil byðja almenning að senda tölvupóst til Jóhönnu sem fyrst sem finnst á Alþingis vefslóð. Hvern andskotans er verið að bíða eftir. Að kyrnar komi heim. Ég segji nú ekki bara annað.

[Liberal, 25.2.2009 kl. 18:56]

Jenný, þér er frjálst að loka á mig - ritskoðun er jú aðalsmerki sannra vinstrimanna.

En fram að þeim tíma þá ætla ég að tjá mig þar sem ég vil, um það sem ég vil, þegar ég vil. Án svívirðinga (læt það vinstrimönnum eftir). Ef ég særi þig eða einhvern sem les, þá biðst ég velvirðingar á því. Ef ég móðga þig eða einhvern sem les, þá verður að hafa það.

Ef þér líkar illa að fá andstæðar skoðanir á síðuna þína, þá skaltu bara fara að dæmi margra annara bloggara (Stefán Fr. Stefánsson þar fremstur í flokki) og hefja stórtæka ritskoðun á síðunni þinni.

Einhver þarf að koma með andmæli við þessa botnlausu halelúja messu sem þú stendur fyrir á hverjum degi.

Far í friði :)