Notist eftir þörfum

Raunveruleikafirring, heift, reiði, hroki, geðvonska, pirringur, forstokkun, sjálfsvorkunn, sjálfsdýrkun, skortur á sjálfsgagnrýni, hefnigirni, sjálfsupphafning, ofsóknaræði, blinda, ónæmi á aðstæður, mont og frelsarakomplex.

 Er að reyna að lýsa því sem ég sá í Kastljósi kvöldsins.

Ofanskráð orð má nota eftir þörfum, eitt eða öll.

Mér er nákvæmlega sama.

Ég er hér til að þjóna.

En svona eftir á að hyggja, andskotinn að maður væri ekki búinn að fatta það að Jésús væri í Seðlabankanum.

Mér hreinlega dauðbrá þegar þetta rann upp fyrir mér í miðju viðtali.

KASTLJÓSIÐ

Davíð í Kastljósviðtali

Athugasemdir

[Ingibjörg Hinriksdóttir, 24.2.2009 kl. 23:11]

Jesús í Seðlabankanum! Þú ert snillingur.

[hilmar jónsson, 24.2.2009 kl. 23:26]

Það má kannski súmmera þetta með: SORGLEGUR.

[Jóhanna Magnúsar- og Völudóttir , 24.2.2009 kl. 23:30]

Hann má ekki vamm sitt vita maðurinn

[Sigrún Jónsdóttir, 24.2.2009 kl. 23:32]

  Takk fyrir greininguna á mannamáli

[Anna Benkovic Mikaelsdóttir, 24.2.2009 kl. 23:40]

Allt sem fyrrum forsætisráðherra segir og gerir og núverandi seðlabankastjóri...er beint frá guði!

Er svo hissa að nokkrir (örfáir) íslendingar hafi ekki enn áttað sig á þessum STAÐREYNDUM!???

[Jón (IP-tala skráð) 25.2.2009 kl. 00:18]

Davíð Oddsson svífur um sem syndlaus, saklaus engill sem "varaði við hættunni"

Kristur var krossfestur, píndur og grafinn til að bæta fyrir syndir mannanna.

Þjóðin deyr píslavættisdauða til að bæta fyrir syndir Davíðs Oddssonar!


http://www.prlog.org/10005163-the-man-who-claims-to-be-jesus.html

[Eygló, 25.2.2009 kl. 00:29]

"Ó, Herra, heyr vora bæn!"

[Jón Gunnar (IP-tala skráð) 25.2.2009 kl. 00:36]

Magnað að sjá ykkur andstæðinga Davíðs átta ykkur á því að allt sem hann var að segja stenst!  Allir tala um geislabaug og fleira í þeim dúr en enginn hrekur neitt af því sem hann segir. Þið eruð sorgleg og eruð að eyða púðri ykkar á kolvitlausum stað og þar ferð þú fremst í flokki Jenný.

[Jenný Anna Baldursdóttir, 25.2.2009 kl. 00:44]

Jón Gunnar: Amen.

[Anna Benkovic Mikaelsdóttir, 25.2.2009 kl. 00:50]

Jón Gunnar....lestu þetta!

Bretar saklausir - íhaldið sekt

24/02 2009 23:46	/	2009
Svör Davíðs Oddssonar í Kastljósi kvöldsins voru líkt og sérsniðin fyrir mig.  Ég hlýt að þakka fyrir. Niðurstaða A Davíð varaði við bankahruni frá því árið 2006 og ítrekaði mjög alvarlega 30. september 2008. Hann sagði að á ríkisstjórnarfundi 30. september hefði hann fullyrt að allt bankakerfið yrði komið á hliðina innan tveggja til þriggja vikna. (Eyjan.is 24.02 2009) Þetta var áður en Bretar höfðu hreyft litla fingur gegn Landsbanka og Kaupþing og fellur því um sjálft sig hvað margir hafa haldið fram, að Kaupþing hafi staðið býsna sterkt fram að aðgerðum Breta. Bankakerfi sem seðlabankastjóri er búinn að vara við linnulaust í tvö ár, án teljandi aðgerða stjórnvalda til að takmarka tjónið, þarf enga hjálp við að fara á hliðina. Ég hygg reyndar að lögfræðingum sem verja bresk stjórnvöld í Kaupþingsmálinu muni þykja fengur að þessum upplýsingum, sem væntanlega eru skjalfestar. Sérstaka athygli vek ég á því að viðvaranir sjálfs bankastjóra Seðlabanka Íslands (allt frá 2006) hefðu að sjálfsögðu mátt teljast fullnægjandi ástæða þess að hamla vexti bankanna, með inngripum FME áður en Landsbanka var gefið grænt ljós á Icesave í Bretlandi og Hollandi - og viðvörunum til FSA varðandi yfirtöku Kaupþing á S&F. Til þess hafði FME öll tól og títtnefndar afsakanir um að ástæður hafi skort hefur Davíð nú fellt úr gildi. Fjármálaeftirlitið getur bannað stofnun útibús skv. 1. mgr. ef það hefur réttmæta ástæðu til að ætla að stjórnun og fjárhagsstaða hlutaðeigandi fjármálafyrirtækis sé ekki nægilega traust. (Lög um fjármálafyrirtæki 2002 / nr. 161 / 36. gr.) Ég geri hér ráð fyrir að Davíð hafi einnig varað FME við, allt frá 2006, líkt og honum bar skylda til samkvæmt lögum um Seðlabanka Íslands. Seðlabanki Íslands skal veita Fjármálaeftirlitinu allar upplýsingar sem bankinn býr yfir og nýtast kunna í starfsemi Fjármálaeftirlitsins. (Lög um SÍ) Niðurstaða B Davíð varaði við frá árinu 2006 - samnefnarinn í þeim ríkisstjórnum sem síðan hafa setið (fram að hruni) er Sjálfstæðiflokkurinn. Það má því draga nokkuð afdráttarlausa ályktun af orðum Davíðs, sem reyndar var vituð áður; Sjálfstæðisflokkurinn er það pólitíska afl sem fyrst og síðast ber ábyrgð á hruni Íslands.

 

[Jón Gunnar (IP-tala skráð) 25.2.2009 kl. 01:32]

Voðalega ertu allt í einu máttfarin Jenný?
Ertu orðin vindlaus?  Er "Amen" það skásta sem þér datt í hug?

Við erum ekki að tala um Sjálfstæðisflokkinn í heild sinni Anna heldur störf Davíðs í Seðlabanka Íslands og Kastljósviðtal kvöldsins, stór munur þar á.

[Gunnar Th. Gunnarsson, 25.2.2009 kl. 01:55]

Tek undir orð Jóns Gunnars. Engin efnisleg rök... bara píp. Heilaþvottur Baugsveldisins hefur aldeilis tekist vel.

[Einar Örn Einarsson, 25.2.2009 kl. 07:06]

Veistu Jenný, við að lesa færsluna og þá sérstaklega :

"Raunveruleikafirring, heift, reiði, hroki, geðvonska, pirringur, forstokkun, sjálfsvorkunn, sjálfsdýrkun, skortur á sjálfsgagnrýni, hefnigirni, sjálfsupphafning, ofsóknaræði, blinda, ónæmi á aðstæður, mont og frelsarakomplex". 

þá komu margir bloggarar upp í hugann.   Sumar færslur í bloggheimum ganga gjörsamlega fram af mér. Á ekki við þig svo því sé til haga haldið.

Hef gaman að vera sammála þér stundum og ekki síður að vera þér ósammála.

Held svei mér þá að það þurfi alkoholiskan bata í þetta samfélag. Þetta er eins og heimili í rústum eftir brjálað party. Allir að benda á hver drakk mest og skandaliseraði hvað verst. En sama hvað allir benda og benda þá eru það verkin ein og framkvæmdin sem gildir. Maður tekur ekki til með fjasi og röfli, heldur framkvæmir.

[Stefán (IP-tala skráð) 25.2.2009 kl. 08:44]

Tek heilshugar undir allt sem þú skrifar þarna um Kastljósið Jenný. Þarna hraunaði gamall trausti rúinn einræðisherra yfir Geir Haarde verndara sinn og aðra ráðherra síns eigin flokks. Ég vil hrósa Sigmari fyrir að halda andlitinu í viðtali við mann sem greinilega er á barmi örvæntingar og lætur áberandi taugaveiklun stjórna málflutningi sínum. Davíð kann svo sannarlega að kasta sprengjum, en það kunni Hitler svo sannarlega líka. Sagan mun dæma þá báða hart. 

[j.a. (IP-tala skráð) 25.2.2009 kl. 10:22]

Ég vill hrósa Sigmari sérstaklega fyrir þáttinn í gær. Hann sá að þarna fór veikur maður,   og þú sparkar ekki í liggjandi mann.  Vesalings Davíð ég veit að hann hefur ekki átt sjö daganna sæla,  en að hann væri svona illa á sig kominn hvarflaði ekki að mér.  Hafðu þökk fyrir Sigmar að þú lést Davíð hafa síðasta orðið.

[Jenný Anna Baldursdóttir, 25.2.2009 kl. 10:26]

Takk öll fyrir þátttökuna.

Jón Gunnar: Ég legg mig ekki niður við að diskútera við bilnda áhangendur yfirleitt.

Það hefur ekkert upp úr sér nema leiðindi.

Einar Örn: Ég er ekki sammála þér með bloggara.  Ekki að miklu leyti amk.

j.a. Rétt.

[Jón Gunnar (IP-tala skráð) 25.2.2009 kl. 12:14]

Stefán:

Samlíking þín við Hitler er einstaklega ógeðfelld en minnir okkur á að hver er sínum gjöfum líkastur. Taktu það til þín.

[Anna Benkovic Mikaelsdóttir, 25.2.2009 kl. 15:51]

Jón Gunnar IP segir m.a "Við erum ekki að tala um Sjálfstæðisflokkinn í heild sinni Anna heldur störf Davíðs í Seðlabanka Íslands og Kastljósviðtal kvöldsins, stór munur þar á."

Jón lestu betur seinasta innlegg mitt?

[Anna Benkovic Mikaelsdóttir, 26.2.2009 kl. 21:26]

Jón Gunnar les greinilega ekki?