Er ekki komið nóg?

 

Greiðslustöðvun Kaupþings framlengd.

Gott fyrir skilanefndarmennina, eru þeir ekki með tuttuguogfimmþúsund á tímann fyrir hvert viðvik?

Ég sé fyrir mér gapastokk í hillingum á Austurvelli.

Eða myndi sjá ef ég hefði trú á ofbeldi.

En ég var að lesa þetta inni á dv.is

Tveir skilanefndarmenn fóru til Bangalor á Indlandi fyrr í mánuðinum til að meta eignir.

"Samkvæmt tölvupóstunum lagði sá starfsmaður skilanefndar Kaupþings sem skipulagði ferðina mikla áherslu á að skilanefndarmenn dveldu við góðan kost. „Mælir þú með hóteli fyrir okkur í Bangalor. Ég vil helst eitthvað í allra besta flokki ef þér er sama. Hversu mikinn tíma þurfum við þarna fyrir fundina og ef við viljum koma við á báðum svæðunum? Ég yrði þakklátur fyrir að dagskráin yrði í háum gæðaflokki. Hvorugur okkar hefur verið þarna þannig að við verðum að leggja traust okkar á þína dómgreind,“

Þetta er fólkið sem á að gæta hagsmuna bankanna sem íslenska þjóðin fékk í fangið eftir að auðmennirnir voru búnir að blóðmjólka þá.

Finnst einhverjum þetta í lagi?

Út með þetta fólk.

Svo er til háborinnar skammar ef þessi verkefnataxti er réttur.

Við þurfum að borga brúsann fyrir gróðærissukkið við almenningur.

En er virkilega ekki komið nóg af siðleysi og græðgi á okkar kostnað?

Mér sýnist partíið enn vera í fullum gangi.

Greiðslustöðvun Kaupþings framlengd

Athugasemdir

[Ía Jóhannsdóttir, 20.2.2009 kl. 09:00]

Virðist alla vega vera geggjað eftirpartý.

[Sigurlaug (IP-tala skráð) 20.2.2009 kl. 09:12]

Skilanefnd bankanna hefur skilað inn vinnuskýrslum og nú eru starfsmenn hennar komnir á 5 stjörnu hótel á Indlandi í lúxustreatment á kostnað þjóðarinnar, ekkert minna dugar undir óæðri endann á þeim.

Hver starfsmaður skilaði inn skýrslu upp á 250 klukkastunda VINNUVIKU. Þeir taka um 35.000 kall á tímann fyrir utan skatta, sem sagt 10.5 miljónir á viku fyrir hvern starfsmann fyrir utan bílastyrki og önnur fríðindi sem þeir verða náttúrulega að hafa á þessu skítakaupi.

Samkvæmt þessum upplýsingum á hver starfsmaður að hafa unnið 36 klukkustundir á sólarhring sem gefur þeim aukalegar 12 klukkustundir í sólarhringum sem eru ekki til nema þeir búi á annari plánetu en við hin.

Vísa Páls J. Árdal gerði ein og sér útaf við frumvarp um þegnskylduvinnu á öðrum áratug 20. aldar.

Ó hve margur yrði sæll
og elska myndi landið heitt,
mætti hann vera í viku þræll
og moka skít fyrir ekki neitt.

[Soffía Valdimarsdóttir, 20.2.2009 kl. 09:47]

Still going strong - og við þrífum og borgum......

[Hildigunnur Rúnarsdóttir, 20.2.2009 kl. 09:49]

bloody hell!

[Stefán (IP-tala skráð) 20.2.2009 kl. 09:52]

Þessir gráðugu skilanefndarmenn eru væntanlega allir flokksbundnir í Sjálfstæðisflokknum, þar sem algjört siðleysi ræður ríkjum.

[Birna Dis Vilbertsdóttir (IP-tala skráð) 20.2.2009 kl. 09:58]

Nákvæmlega Ía brjálað eftirpartý og enn erum við að borga

[Ásthildur Cesil Þórðardóttir, 20.2.2009 kl. 10:06]

Út með þetta lið og það strax

[Hildigunnur Rúnarsdóttir, 20.2.2009 kl. 10:08]

Sigurlaug, hvar kom þetta fram með 250 klst vinnuvikuna?

[Hrönn Sigurðardóttir, 20.2.2009 kl. 10:19]

Ég var einmitt að lesa þetta líka...... the party goes on!!

[Heiða B. Heiðars, 20.2.2009 kl. 10:52]

ARG

Ég vil byltingu...... og þá meina ég almennilega full swing byltingu. Við getum ekki látið bjóða okkur þetta lengur

[Sigrún Jónsdóttir, 20.2.2009 kl. 10:58]

HFF

[Lilja Guðrún Þorvaldsdóttir, 20.2.2009 kl. 11:03]

Ætli að þetta sé undir því yfirskini að skilanefndin séu að elta ólar við Ólaf Ólafsson og félaga, eiga þeir ekki 136 félög og fyrirtæki skráð bara á Tortolaeyju einni.

Ef nafnalisti fyritækja Ól.Ól. á Tortola væri lagður á jörðina, þá næði hann endanna á milli á eyjunni.

[Anna Ólafsdóttir Björnsson, 20.2.2009 kl. 11:29]

Það er ótrúleg óskammfeilni að halda áfram að sukka fyrir almannafé eftir hrunið og þá umræðu sem hefur verið um nýtt samfélag sem ekki byggir á þessar græðgisvæðingu. Umræðan hefur greinilega ekki náð í öll skúmaskot, svo við verðum bara að sópa út!