Bannað innan átján!

 

Ég tók hátíðlegt loforð af sjálfri mér fyrir framan spegilinn í morgun.

Jenný Anna; þú bloggar ekki um stjórnmál í dag, heyrir þú það?

Já ég heyri það, sagði ég við spegilmyndina og kunni ekki við að segja henni að hún væri eins og herptur handavinnupoki í framan og gott betur.

Ég hef eytt deginum í ýmislegt, m.a. hef ég fylgst með húsinu við Völlinn, en ég segi ekki orð um það fyrr en á morgun.

Og að beðmálum almennt og yfirleitt.

Lilly Allen þolir ekki karlmenn sem eru eigingjarnir í rúminu.

Helvítis eigingirni er þetta í stelpunni!

Sko rúmmál eru samvinna. 

Ég gæti sagt ykkur sögur - en ég geri það ekki - eða ætti ég?

T.d. þetta með að fara vel í rúmi.  Mínir fjölmörgu eiginmenn hafa passað misvel í minn bedda.

Sko, sumar manneskjur eru kantaðar í láréttri stöðu. 

Maður liggur í knússtuði, vill kúra og viðkomandi fellur ekki að manni einhvern veginn.

Rekst á mann.  Nef viðkomandi ástfengis rekst í augað á manni, maskari flæðir, fingur reka sig í eyrnalokkana, hnén í bakið á manni og ég get sagt ykkur að maður skilur fyrir minna.

Ég hef litlar skoðanir á lóðréttum leikfimiæfingum fólks í rúmi enda getur hver sem er stundað þær með nánast hverjum sem er ef vilji er til.

Það er knúsfyrirkomulagið sem skiptir máli í samhenginu.

Er maðurinn liggilegur í þeirri merkingu að þú standir ekki upp blá og marin á nýjum degi af því hann passar einhvernveginn ekki við þig?

Eða þá að hann er beinlínis ljótur á kodda?

Það er þetta sem ég fór að hafa sem viðmið á seinni árum, eftir að ég eltist og þroskaðist.

Hitt má liggja á milli hluta.

Ég er biluð og þessi færsla er bönnuð innan átján.

Ætti ég að setja það í fyrirsögn?

Kannski en þá fæ ég allan helvítis saurþenkjandi bloggheim inn á síðuna.

Þurrkið að minnsta kosti af ykkur áður en þið vaðið inn perrarnir ykkar.

En ég elska ykkur mucho, knucho.

Þolir ekki sjálfselsku í rúminu

Athugasemdir

[, 17.2.2009 kl. 22:45]

Það er líka nauðsynlegt að elskhuginn passi við mublurnar  Og það er vitaskuld ekki hægt að búa með manni sem er ljótur á kodda

[Birna Dis Vilbertsdóttir (IP-tala skráð) 17.2.2009 kl. 23:24]

Ljótur á kodda.Hafa koddann með á deit og máta,prófa líka hin ýmsu koddaver.Ekki víst að honum fari vel rósótt og blúnda.

[Karl Tómasson, 17.2.2009 kl. 23:48]

Og svo eiga þér líka afskaplega yndislega konur þar á ofan. Þetta segir Ásdís Cesils vinkona okkar í lokaorðum á bloggi sínu Jenný Anna.

Bestu kveðjur frá Kalla Tomm úr Mosó mín kæra.

[Lilja Guðrún Þorvaldsdóttir, 17.2.2009 kl. 23:50]

Ég byrjaði að kinka sammála kollinum mínum þegar ég sá þetta með koddann, í alvöru talað J. A., maður er búin að hafa fyrir því að kaupa sérofið sænguveradamask, og láta sig hafa það að burðast með það um hálfan hnöttinn, af tilhlökkun að eiga huggulega rómantíska stund umvafin dýrindis Damaski, og maður er ekki komin upp í, þegar manni verður litið á dúnmjúka koddana og sér einhverja hryggðarmynd skyggja á Damaskdýrðina. Svoleiðis yfirþyrmandi eigingirni í karlpeningnum að halda að ég láti bjóða mér slíkt til lengdar. - Nei.

[Ingibjörg Hinriksdóttir, 18.2.2009 kl. 00:16]

hahaha, þvílíkar lýsingar og ekki versnaði það við athugasemd Lilju Guðrúnar.

[Jóna Kolbrún Garðarsdóttir, 18.2.2009 kl. 00:21]

 

[Helga Kristjánsdóttir, 18.2.2009 kl. 00:56]

Efni þessarar yfirlýsingar stelpunnar,varð fyrst áhugavert þegar ég sá hver bloggaði um hana. Kominn tími og þörf að hlægja. Svo flammberað ,

[Hildur Helga Sigurðardóttir, 18.2.2009 kl. 04:37]

Engin stjórnmál í dag  -Bara kynlíf !

Svooo góð tilbreyting...

[María Guðmundsdóttir, 18.2.2009 kl. 06:11]

 já ekki slæm tilbreyting Jenný, "ljótur á kodda"..ómæ..er enn ad hlægja hérna í myrkrinu vid eldhúsbordid  

Hafdu gódan dag

[Jónína Dúadóttir, 18.2.2009 kl. 07:01]

Segðu okkur sögur !!!

[Bjarkey (IP-tala skráð) 18.2.2009 kl. 08:46]

Dásamlegt að byrja daginn á þessari lesningu.

[Laufey B Waage, 18.2.2009 kl. 09:10]

Hvernig væri að taka af sér eyrnalokkana og maskarann áður en farið er í rúmið? Svo má líka taka af sér gleraugun (svona fyrir þá sem eru álíka nærsýnir og ég). Þá skiptir útlit á kodda minna máli. - Og snertingin verður aðalatriðið eins og vera ber.

Mæli með krassandi sögum í morgunsárið. - Bönnuðum innan 18.

[Anna , 18.2.2009 kl. 10:32]

No comment about pólitík. Hvað kemur til. Svafstu ílla á koddanum þínum í síðustu nótt.

[Gunnar Th. Gunnarsson, 18.2.2009 kl. 11:08]

Skemmtilegur pistill og ekki eru athugasemdirnar síðri

[Katrín Snæhólm Baldursdóttir, 18.2.2009 kl. 11:48]

Ef maður er MJÖG ljótur á kodda..já bara ófrýnilegur og hræðir konur má alltaf setja koddann yfir höfuð hans og leika sér að rest!!!