Flott en fúl

Það var svo flippað og krúttlegt að sjá þrjátíuára gamla Volvóinn hans Steingríms þegar hann renndi upp að Bessastöðum.  Reyndar lítur þessi sjógræni litur ekki vel út og er þar að auki eins og skipamálning - en þvílíkur "entré"  hjá manninum.

Þetta var einstaklega dúllulegt vegna þess að hver glæsibifreiðin á fætur annarri með "caufförum" og fyrirkomulagi hafði runnið með alþingismenn Sjálfstæðisflokksins að  inngangi Bessastaða áður en Steingrímur kom höktandi á gamla.

Burtséð frá því þá fer Sjálfstæðismönnum ekki vel að yfirgefa valdapóstana.

Sennilega vegna þess að þeir hafa ekki fengið að æfa sig nóg.

Ég hvet þjóðina til að gefa þeim góðan tíma til æfinga, það er grátlegt að fylgjast með kergjunni í þeim sem þeim gengur afspyrnu illa að fela þessa dagana.

"Gamalt vín á nýjum belgjum", segir Þorgerður Katrín Gunnarsdóttir, alþingismaður.  Illa pirruð sko.

Var fráfarandi stjórn félagshyggju - og jafnréttisstjórn?

Ekki?  Nei, einmitt.

Svo lét Sigurður Kári hafa eitthvað álíka hallærislegt eftir sér í DV.

Björn Bjarna illa pirraður á Jóhönnu, hún hélt einhverju fram um alþingismanninn sem hann var ekki sáttur við.

Lokakergja dagsins (enn sem komið er) kom frá ÞKG sem varð að orði þegar búið var að slá hana til alþingismanns af forsetanum, að hún væri farin út í frelsið.

Halló, rosa fegin bara?

Látið ekki svona Sjallar góðir, þetta eru bara stólar, það er líf eftir háborð.

En bara svo það sé á hreinu þá er Þorgerður Katrín Gunnarsdóttir í nokkrum metum hér á kærleiks.

Hún hefur nefnilega verið ágætis menntamálaráðherra.

Ég óska ÞK góðs gengis í framtíðinni og vona að henni gangi allt í haginn.

(Djöfull er ég góð manneskja, oh af hverjur sæmir mig enginn einhverju?).

Jabb, góð og væn, það er ég.

„Farin út í frelsið“

Athugasemdir

[Lára Hanna Einarsdóttir, 1.2.2009 kl. 21:53]

Ég sæmi þig...    ...einhverju!

[Einar Áskelsson (IP-tala skráð) 1.2.2009 kl. 22:05]

Skemmtileg túlkun hjá þér Jenný. Steingrímur Joð er alltaf svo táknrænn. En ég held að ÞGK sé bara kominn í formannsslag. Það er næsta mál á dagskrá hjá þeim. En rétt, sjallar eru ekki í æfingu að missa völd. Ég bíð spenntur eftir að Jóhanna leiðir DO út úr Seðlabankanum. Verður það ekki í beinni?

[Ragnheiður , 1.2.2009 kl. 22:16]

Þeir hafa verið hálfvesældarlegir sjallarnir undanfarna viku, hljóma eins og bilaðar plötur ..

BB vakti enga lukku hjá mér frekar en vant er, hann er hörundssárari en fegurðardrottning  (með virðingu fyrir slíkum drottningum )

Kalluglan

[Árni Árnason (IP-tala skráð) 1.2.2009 kl. 22:32]

Þetta heitir að snobba niður fyrir sig.

Hann hefði átt að koma í skítugum vinnugalla, og kóróna leikritið.

[hilmar jónsson, 1.2.2009 kl. 22:39]

Soldið sammála þér Árni.

[Hrönn Sigurðardóttir, 1.2.2009 kl. 22:48]

Ég hef séð þennan volvo læf!! Viltu koma við mig? :Þ

[Jenný Anna Baldursdóttir, 1.2.2009 kl. 23:05]

Verið ekki svona cyniskir Árni og Hilmar.  Kommon þetta er sætt í tilefni dagsins.

Aldrei má maður verða smá tilfinningasamur og væmin.

[Magnús Geir Guðmundsson, 1.2.2009 kl. 23:19]

Jamm, bannað að bulla á tilfinninganótum með gullfiskaminni! Þorgerður ekki góður ráðherra og sannaði gildismat sitt og slæmt siðferði í að sólunda almennafé til að fullnægja eigin áhuga á handbolta!

[Solveig (IP-tala skráð) 2.2.2009 kl. 00:55]

Þú "analýserar" oft dæmi
með hárbeittu háði og næmi
ég styð nú minn dóm
við almannaróm
og blogg-orðu hér með þig sæmi.

[árni aðals (IP-tala skráð) 2.2.2009 kl. 01:19]

TIL HAMINGJU ÍSLAND,en að ætla að reka davíð-ég segi nei hingað og ekki lengra,það er ekki hægt að fara að borga honum 80-90milljónir í laun fyrir þann tíma sem hann á eftir í sjálfskipuðu starfi,það hlítur að vera hægt að færa hann til "vegna skipulagsbreytinga"gera hann að t.d næturverði í 4ár-hann getur þá ráfað um tómar hirslur svörtulofta.

[Einar Örn Einarsson, 2.2.2009 kl. 01:30]

Góð.

Kveðja af hafinu bláa.

[Jónína Dúadóttir, 2.2.2009 kl. 07:43]

Alltaf góð

[Gudrún Hauksdótttir, 2.2.2009 kl. 09:10]

Gód sem endranær Jenný mín. Tó ad SJS hafi pirrad mig oft í gegnum tídina og svari yfirleitt med spurningu ,hef ég ákvedid ad gefa tessari ríkisstjórn alla mína jákvædni.Og óska teim af öllu hjarta velfarnadar í starfi.

Bíllinn er bíll sinna tíma finnst mér.Farvell.

Kvedja til tín frá Hyggestuen.

[Þórður Möller (IP-tala skráð) 2.2.2009 kl. 09:17]

Mér fannst þetta nú bara hræsni af kallinum að mæta á þessum bíl. Sjáið þið ykkur Steingrím afsala sér ráðherrabíl? Nei Það mun hann ekki gera

[Jenný Anna Baldursdóttir, 2.2.2009 kl. 10:29]

Sólveig: Takk fyrir frábæra vísu.

Hræsni hvað?  Eigum við ekki að bíða og athuga með innstæðuna fyrir þessari fullyrðingu Þórður Möller.

[Steingrímur Helgason, 2.2.2009 kl. 10:54]

Fallegt af nafna að mæta ekki á stóra Land Krúzaranum sínum frekar.

[Markús (IP-tala skráð) 2.2.2009 kl. 11:21]

Ég held reyndar að Steingrímur eigi nýlegan Volvo jeppa auk þessa fertuga ...

[Elín (IP-tala skráð) 2.2.2009 kl. 12:56]

Þorgerður Katrín var SPILLTUR ráðherra- ekki gleyma því !!

Maðurinn hennar fékk margra milljonaskuldir afskrifaðar og það getur enginn reynt að ljúga því að hún hafi ekki vitað af því og samþykkt.

Hún hefur eflaust líka hjálpað honum að komast í stöðu framkvæmdastjóra Kaupþings, með hjálp fjölskyldu- og einkavinavæðingastefnu Sjálfstæðisflokksins. 

Svona fólk vill ég og mínir ekki í ríkistjórn- ALDREI AFTUR !

Útrýmum gullfiskaminni - aldrei aftur SJALLAR !!!