Græðgisfurstar og glaðvakandi fólk

 

Það er eins gott fyrir fólk að horfast í augu við staðreyndir, við erum runninn algjörlega á rassinn í peningalegum skilningi.

Hvítflibba græðgisfurstar og döngunarlausir pólitíkusar í besta falli, í versta falli með í sukkinu, hafa komið okkur hingað.

Við almenningur eigum okkar hlut í þessu öllu.

Ekki með þátttöku í partíinu heldur með meðvitundarleysi og þeirri fullvissu sýnist mér um að lýðræðið ræki sig sjálft.

Á meðan var sjálfur íslenski Fagin ásamt klíkufélögum að koma sér fyrir víðs vegar í bankakerfinu, ræna og rupla, sanka að sér og stunda grimman útflutning á peningum.

Hér má sjá geðslegt peningalundarfar Bjarna Ármannssonar svo ég taki dæmi.

Sumir telja það til kosta að vera siðlausir í peningabransanum, gott ef það hefur ekki vakið aðdáun í ákveðnum hópum, svei mér þá.

Í dag reiknar ríkisstjórnin með því að framtíð hennar ráðist.

Hvernig væri að vakna gott fólk þið ráðið engu um það þegar betur er að gáð.

Almenningur er kominn á lýðræðisvaktina og vill breytingar, það er hann sem ákveður framtíðarfyrirkomulag ríkisstjórnar í þessu landi.

Hvað svo sem núverandi ríkisstjórn finnst um það mál.

Ég var að hugsa um það í morgun hvað það væri stórkostlegt að fá að upplifa þessa tíma.

Finna samstöðuna og sjá fólk vakna til lífsins.

Setja niður fót.  Hingað og ekki lengra.

Það er það jákvæða við þessa kreppu.

Það neikvæða er auðvitað að það þyrfti svoa skelfilega atburði til að við áttuðum okkur.

Nýtt Lýðveldi.

Ég skora á ykkur að skrá ykkur.

Bjartar sumarnætur að baki á Íslandi

Athugasemdir

[Heidi Strand, 26.1.2009 kl. 09:08]

Þeir halda að stólaskipti nægja.
Ég fer í vont skap þegar ég sé mynd af þessum gráðugum manni.

[Heiða B. Heiðars, 26.1.2009 kl. 09:29]

Ótrúlegur hroki að halda að "þeir" ákveði framtíð þessa lands... Og heimskir blaðamenn sem setja upp svona fyrirsagnir

[María Kristjánsdóttir, 26.1.2009 kl. 09:35]

Fyndin mynd!

[Villi Asgeirsson, 26.1.2009 kl. 10:04]

Þvallófi er fallegur á myndinni. Sammála að það er spennandi að sjá þjóðina finna sig. Verst að hún fann sig í fjóshaugnum.

[Katrín Snæhólm Baldursdóttir, 26.1.2009 kl. 10:08]

Hrokinn og firringin hjá þessu fólki nær nú út yfir öll mörk. Gera sér enga grein fyrir hvað hefur verið að gerast hjá almenningi og þeirri lýðræðisbyltingu sem er að eiga sér stað..og mér finnst það lágmarks krafa og lágmarkskurteisi að víkja frá ef fólk hefur ekki fulla heilsu í þau mikilvægustu verkefni sem hafa beðið þessarar þjóðar. Veikt fólk á að vera heima hjá sér. Punktur. Við gefum ekki tommmu eftir í kröfum okkar um nýtt lýðræði og nýtt fólk. Út með flokkshryllinginn.