Þegar lömbin þagna

 

Alþjóða heilbrigðismálastofnunin segir að kreppan geti haft alvarlegar afleiðingar á heilsu fólks.

"You can say that again".

Eins og vér Íslendingar höfum farið varhluta af þeirri vitneskju eða þannig.

Og ég hef verið að hugsa um þetta með heilsuna undanfarið.  Hvað ég gæti gert til að bæta hana.

Fyrsti kostur hefði verið að hætta að drekka en það er ekki hægt?  Af hverju spyrðu - jú ef þú hefði lesið bloggið mitt þá vissir þú að ég er óvirkur alki.  Tékk, tékk.

Þar sem ég vill helst ekki hætta að reykja ef ég mögulega kemst hjá því þá varð ég að líta á mataræðið til bættrar heilsu.

Ég fór að hugsa um að gerast grænmetisæta.

Þrátt fyrir að ég elski kjöt.  Fólk segir mér að kjöt sé óhollt.

Svo er ég líka dálítið upptekin af karmalögmálinu.

Ég sá alveg fyrir mér þar sem ég kæmi til himnaríkis eða á einhvern stað bara, hjá guði auðvitað og á móti mér kæmu öll litlu lömbin sem ég hef rifið í mig af græðgi og miskunnarleysi í gegnum tíðina.

Ásamt öllum köngulónum sem ég hef drepið.

Ásamt rjúpunum mínum sem ég elska svo mikið.

Ekki skemmtileg framtíðarsýn um dauðan viðurkenni ég og þessi framtíðarsýn lagði þungt lóð á grænmetisætuvogarskálina.

Enda þykir mér vænt um flest (takið eftir ekki allt) sem lifir.

Ég vill verða betri manneskja og skafa af mér gallana.  Stórt verkefni ég veit það en ég verð að minnsta kosti að reyna.

Ég sem sagt hugsaði mikið um grænmetisætufyrirkomulagið þar sem toppurinn á tilverunni væri hnetusteik á jólunum.

Ég get ekki sagt að ég hafi fyllst þrótti við hugsunina, heilsunni hrakaði eiginlega eftir því sem hugmyndin tók á sig fastara form.

Ég ákvað að rúlla hittingnum við lömbin sem ég hef nærst á, á undan mér bara.

Den tid den sorg.

Ég komst nefnilega að þeirri niðurstöðu að þótt lömbin séu falleg á fæti,

þá eru þau enn fegurri þegar þau hafa þagnað og eru komin í snyrtilegar neytendapakkningar.

Farin út að reykja og rífa í mig ldýr.

Kreppan gæti haft slæm áhrif á heilsuna

Athugasemdir

[Steingrímur Helgason, 25.1.2009 kl. 21:45]

Í hálfnaðri færzlunni fauk bloggvináttan.  Laz ekki meir.

[Einar Áskelsson (IP-tala skráð) 25.1.2009 kl. 21:46]

Og í gegnum tárin Jenný þá áttu auðvelt með að fá fólk til að brosa með færslu eins og þessari.  Taktu bara annan hvern smók ofan í þig og fáðu þér líka kjúkling annars slagið i staðinn fyrir lamb.

[Hörður B Hjartarson, 25.1.2009 kl. 22:04]

Óvirkur alki   , ég hef greinilega ekki lesið nóg af þínu bloggi ,eða kannski of vanvaxinn til höfuðsins , en í mínum huga er það afar stór kostur við mann , að fela ekki gallana , eða ókostina , spurning hvað er ókostur , jú það getur verið virkilega gott að vera búinn að fylla kvótann í sumu , áður en annað kvótaár hefst . Ég reykti pípu , keypti statív undir pípurnar mínar , það tók sjö stk. ein fyrir hvern vikudag , er ég var búinn að fylla statívið , gafst ég upp á pípunum , henti þeim í bróður minn , fór í vindlana , hamaðist á þeim í nokkur ár , svo gerði ég þá merku uppgötvun að ég væri svo helv. tregur að ég gæti ekki lært þetta og hætti . Já , gat ekki lært þetta , segi þið svo að það geti ekki verið gott að vera vanvaxinn til höfuðsins  .

[Hrönn Sigurðardóttir, 25.1.2009 kl. 22:08]

Jiii Jenný! Ég íhuga að fleygja þér út af lista! Ertu óvirk??

 

[Hörður B Hjartarson, 25.1.2009 kl. 22:24]

 Víst er betra að eiga aðeins eftir af kvótanum , eða þá veiða umframm aflamark , meðan maður er ekki tekinn

[S. Lúther Gestsson, 25.1.2009 kl. 23:05]

Ég sem hélt þú værir býtibúrskonan þegar ég kynntist þér á Vogi. Þú nefnilega varst alltaf þar.

Varstu sem sagt....Ok nú fatta ég .

[Jón (IP-tala skráð) 25.1.2009 kl. 23:13]

Skemmtilegur pistill.

Nokkur góð ráð í kreppunni:

1. Láta af reiðinni.  Hún étur mann innan frá.

2. Hætta að reykja

3.  Borða hollan mat

4.  Hreyfa sig.

Þessi fjögur einföldu atriði, sem auðvitað allir vita um, eru ávísun á betri andlega og líkamlega heilsu og það góða við þau er að þau  styðja hvert við annað og spara manni peninga, veitir ekki af í kreppunni.  Hreyfing (útivera) kallar á hollan mat og eyðir reiðinni og hvern langar að reykja eftir að vera búinn að fá sér góðan göngutúr upp á fjall eða niður í fjöru?

Núna finnst mér við Íslendingar vera komnir að þeim tímapunkti að við þurfum að fara að sjá ljósið í myrkrinu ef ekki eiga allir spítalar að fyllast af þunglyndu fólki.  Hættum þessum innbyrðis erjum og snúum bökum saman til betra lífs.  Látum ekki afsögn eða ekki afsögn stjórnmálamanna reita okkur til reiði.  Munum að við erum öll manneskjur hvar í flokki sem við stöndum eða hvort okkur hefur orðið einhversstaðar á í lífinu.

[Sigrún Jónsdóttir, 25.1.2009 kl. 23:31]

Nýtt líferni á nýju Íslandi.  Ég stefni að því að láta þetta tvennt haldast í hendur........en fyrr breyti ég ekki líferninu

[Hörður B Hjartarson, 25.1.2009 kl. 23:41]

Það er gott að færa athyglina frá vanda og skít sjálfgræðgismanna , með því að tala um tittlingaskít vandamálanna .

[Jenný Anna Baldursdóttir, 25.1.2009 kl. 23:49]

Hörður: Góður.

Zteini: Láttekki svona hvað gerði ég nú af mér?

Sigrún: Sammála.

Lúther: Hehe, já ALLTAF þegar ég var á Vogi þá varst þú þar, ég hélt að þú værir húsvörðurinn.  Múha.

Jón: Ég er mjög ánægð með mína heilbrigðu reiði.  Hún veitir mér kraft og von.  Ætla að halda í hana aðeins lengur.
Takk fyrir komment.

[Jenný Anna Baldursdóttir, 25.1.2009 kl. 23:50]

Hrönn: Ef þú fleygir mér út af you know... þá brýt ég.... you know.

[Steingrímur Helgason, 26.1.2009 kl. 00:13]

Ég er á Hrönnzlu skoðun.  Dizzum grænmetizætur !

[Jenný Anna Baldursdóttir, 26.1.2009 kl. 00:16]

Jabb, gerumða.

[Hörður B Hjartarson, 26.1.2009 kl. 00:27]

[Steingrímur Helgason, 26.1.2009 kl. 01:07]

Lez núorðið bara efri helmíng athugazemda & bara aðra hvora línu.

Weggíe ...