Enginn þrýstingur segir Björgvin

Ég ætla að leyfa mér að vera neikvæð og segja að afsögn Björgvins komi allt of seint.

Einnig set ég stórt spurningamerki við þá merkilegu yfirlýsingu Björgvins sem segist segja af sér án þess að NOKKUR hafi þrýst á hann.

Ég myndi segja að þúsundir Íslendingar væru einhverjir.

En auðvitað á Björgvin við að enginn í klíkunni hafi þrýst á hann.

En..

Björgvin afsalar sér biðlaunarétti. 

Nú eru margir í heilagri hamingju og aðdáunarkasti yfir þessum gjörningi Björgvins.

Ég er svöl með þetta, maðurinn er einfaldlega að gera það sem aðrir stjórnmálamenn gera víða um siðmenntaðan heiminn og væru löngu búnir að finnst mér líklegt.

Ég fagna því að það er farið að hitna undir þaulsætnum ríkisstjórnarmeðlimum.

En ég efa ekki að Björgvin G. er líka að hugsa um sína pólitísku framtíð og það er allt í lagi, hann stóð upp og fór, ekki leiðinlegt.

Það er auðvitað fagnaðarefni að einhver axli loksins ábyrgð en hafi þessum elskum dottið í hug að mótmælendur leggi upp laupana þá eru þeir ekki alveg að ná þessu með búggíbyltinguna.

Davíð er enn í Seðló.

Ríkisstjórnin lafir enn.

Á meðan verður mótmælt og það af fullum krafti.

En ég óska Björgvini G. Sigurðssyni velfarnaðar, hamingju og góðra efna í framtíðinni.

Meira var það ekki í bili.

Adjö!

Afsalar sér rétti til biðlauna

Athugasemdir

[Sigrún Jónsdóttir, 25.1.2009 kl. 14:44]

Eftirlifandi ríkisstjórn hefur ekkert heyrt og ekkert skilið

[Brjánn Guðjónsson, 25.1.2009 kl. 14:52]

rétt að þetta hefði mátt gerast svona eins og 100 dögum fyrr, en betra seint en aldrei.

[Isis, 25.1.2009 kl. 14:55]

one down! 9 to go! plús allt hitt!

Þetta er samt bjútífúl... góðar fréttir, sem settu örlítið bros á smetti mitt. En ég er alveg róleg samt, það er nóg eftir...

En þetta hlítur að gefa tónin fyrir það sem koma skal, hugsa að ríkisstjórnin falli á næstu dögum, það getur bara ekki annað verið. 

[María Guðmundsdóttir, 25.1.2009 kl. 15:27]

já segi eins og Brjánn.. "betra seint en aldrei" .. mættu fleiri sjá sóma sinn i ad hunskast burt úr ráduneytum..

[Guðríður Hrefna Haraldsdóttir, 25.1.2009 kl. 15:28]

Ísland er greinilega að breytast. Almenningur er vaknaður og sættir sig ekki við hvað sem er lengur. Það væri spennandi að vita hvernig hér verður umhorfs í stjórnmálalífinu eftir fimm ár! Ætli við höfum ekki þurft þennan skell til að geta tekið almennilega til. Við erum svo fá og því ætti að vera auðveldara að breyta hlutunum og umbylta öllu.

Knús og kveðjur frá Skaganum.

[Ásthildur Cesil Þórðardóttir, 25.1.2009 kl. 16:59]

Já Guðríður sem betur fer er almenningur að vakna og vonandi sofnar hann aldrei aftur á verðinum.

[Tína, 25.1.2009 kl. 17:01]

Ég er ansi hrædd um að þetta sé rétt að byrja. En með von í hjarta komumst við ansi langt held ég.

Vildi bara rétt líta inn og senda þér rokna knús í hjartastað vinkona.

Skjáumst fljótlega darling.

Lovjú

[Edda Agnarsdóttir, 25.1.2009 kl. 18:06]

Kvitt

[Margrét St Hafsteinsdóttir, 25.1.2009 kl. 19:39]

Já það er gott að hann koma afsagnarflóðbylgjunni af stað (vonandi )

Ég kann samt ágætlega við Björgvin