Upp með hrærivélarnar

Sextándi mótmælafundurinn á Austurvelli er í dag.

Þegar ég mæti á mótmæli þá geri ég það ekki vegna þess að sóandsó samtökin eða sóandsó mennirnir standa fyrir fundinum.

Ég þakka einfaldlega fyrir að geta fengið tækifæri til að mótmæla því skelfingarástandi sem yfir okkur er að dynja.

Ég mæti fyrir sjálfa mig og afkomendur mína.

Það er ekkert flóknara en það. 

Það mun færast í aukana að reynt verði að drepa málum á dreif, fá fólk til að draga sig í hlé og hætta hávaðaframleiðslunni.

Sýna biðlund, svigrúm, skilning og gefa andrúm og leyfa fólkinu sem keyrði okkur í kaf að halda áfram að dunda sér við það.

Það verður ekkert heilagt í viðleitninni við að svæfa okkur aftur.  Það verður höfðað til ýmissa tilfinninga eins og samúðar, vorkunnar, reiði, og paranoju.

Það verður reynt að etja okkur saman. 

Okkar ábyrgð felst í því að láta þetta ekki á okkur fá.

Mótmæli af öllum gerðum eru stjórnvöldum erfiður ljár í þúfu.

Stundum þarf maður að vera óþægilegur en ég get fullyrt að það þarf mikið að ganga á áður íslenskur almenningur fær nóg og ákveður að gera eitthvað í því. 

Því miður.

Við erum alltof hlýðin þjóð.

Betur væri að við hefðum sett hnefann í borðið strax.

Í staðinn fyrir að hlæja eins og fífl af auðjöfrum og pótintátum þeirra í stjórn landsins.

En það er búið og gert.

Núna, hins vegar, er það úthaldið sem skilar okkur áfram.  Áfangasigur er unninn.

En betur má ef duga skal.

Upp með hrærivélarnar og skeiðarnar.

Ókei, er að fara aðeins fram úr mér hérna, pottlok eru fín.

Farin að fremja eitthvað áhugavert.

 

Mótmæli halda áfram

Athugasemdir

[Hrönn Sigurðardóttir, 24.1.2009 kl. 12:32]

Sjáumst á Austurvelli.

Lifi búsáhaldabyltingin.

[María Kristjánsdóttir, 24.1.2009 kl. 12:33]

Sjáumst á Austurvelli

[María Guðmundsdóttir, 24.1.2009 kl. 13:53]

BARÁTTUKVEDJUR!  upp med pottlokin!!

[Guðný B. Hösk (IP-tala skráð) 24.1.2009 kl. 14:29]

Ég veit eiginlega ekki alveg hvað ég á að segja um þetta allt saman. Fáránleikinn, siðblindan, egóisminn, glæpahneigðin, óréttlætið og skítkastið er orðið svo svakalegt að ég er alveg hætt að botna. Allir kasta í alla, mótmælendum er mótmælt af mótmælendum mótmæla sem mótmæla því að mótmælendur mótmæli á annan hátt en friðsamlegan. Þá koma mótmælendur og mótmæla öllu því sem mótmælendur mótmæla mótmæltu áður. Og í miðjum þessum mótmælum hefur ríkisstjórnin verið bæði með og á móti því að vera með eða á móti, stjórnarandstaðan er á móti því að vera með, en með því að vera á móti því að vera á móti.

Þetta er allt svo löngu gengið úr böndunum, enginn veit hvort hann er að koma eða fara og þessvegna get ég ekki annað en verið þakklát fyrir að hafa það sem ég hef, þó ekki sé líkamleg heilsan alltaf upp á alla fiskana, fjárhagsleg heilsa  sígur niður á við og andlega heilsan komin á það stig að viðbrögðin við öllu eru þau sömu; kaldhæðin hláturroka!!

ÁFRAM ÍSLAND!!