Þingfundur fellur niður - ekki mótmælin

Þeir eru búnir að fella niður þingfundinn sem átti að hefjast klukkan þrettán.

Væntanlega vegna hávaðamengunar utanhúss.

Árinn sjálfur.

Hvenær á þá að afgreiða bjór- og vínmannréttindamálið hans Sigurðar Kára?

Nú eða reykherbergi á veitingastöðum?

Ég er miður mín, það er skelfilegt að ekki sé hægt að afgreiða þessi þjóðþrifamál.

Bévítans mótmælendurnir!

Allir út að mótmæla.

Þingfundur fellur niður

Athugasemdir

[Liberal, 21.1.2009 kl. 12:27]

Kjósa?  Og hvað svo?  VG sem stendur á bak við mótmælin vill hrifsa til sín völdin, en hvað vill VG gera?

Hvaða lausnir boðar VG?  Skattahækkanir?  Sjálfsþurftarbúskap?  Einangrun landsins frá umheiminum?  

Guð hjálpi okkur er hinir sótrauðu sósíalistar komast til valda.  Þá fyrst verðum við F**ed. 

[Jenný Anna Baldursdóttir, 21.1.2009 kl. 12:28]

Libbi: Give it a rest, þetta hefur nákvæmlega ekkert með VG að gera.

Átta sig.

[Helga Magnúsdóttir, 21.1.2009 kl. 12:39]

Stendur VG á bak við mótmælin? Ég er svo aldeilis hissa, en trúirðu þessu sjálfur, Liberal, eða er þetta misheppnaður brandari?

[Eva Hauksdóttir (IP-tala skráð) 21.1.2009 kl. 12:40]

Fólk mótmælir fyrir sjálft sig. Hvorki VG né neitt annað stjórnmálaafl stendur á bak við mótmælaaðgerð sem endist í meira en 14 klst og heldur krafti allan tímann.

[Björgvin R. Leifsson, 21.1.2009 kl. 12:47]

Já, því miður eru VG ekki jafn sterkir og Liberal vill vera láta.

[Guðríður Hrefna Haraldsdóttir, 21.1.2009 kl. 12:49]

Það er reynt með öllum ráðum að tala mótmælin niður, m.a. tengja þau VG eða falsa tölur mótmælenda. Það er verið að mótmæla stjórnvöldum, fólkinu sem margt virðist hafa gleymt að það starfar fyrir okkur almenning sem greiðum laun þess.

[Jenný Anna Baldursdóttir, 21.1.2009 kl. 13:00]

Þeir sem vilja af einhverjum undarlegum ástæðum ekki breytingar á þessu glataða ástandi eru með sjálfssefjun í gangi.

Gamla kommahræðslan notuð til hins ýtrasta.

Málið er að kommagrýlan er löngu hætt að virka.

Þetta hefur nákvæmlega ekkert með flokka að gera.

Djísús. 

[hilmar jónsson, 21.1.2009 kl. 13:07]

Ef ekki þinghúsið, mætti allt eins mæta við Seðlabankann eða spjalla við yfirmenn fjármáleftirlitsins.

[Guðmundur Helgason (IP-tala skráð) 21.1.2009 kl. 13:14]

Libbi syngur sama sönginn og sveppurinn sem sat á móti Helgu Völu í Kastljósi í gær: "Kjósa? Hvað svo?" Það sem var fyndnast við téðan svepp var það að hann var alveg sammála því að ríkisstjórnin yrði að fara frá. Væri gaman að spyrja hann þá á móti: "Fara frá? Hvað svo?"