Ekki meir - Geir

Ég er eiginlega hrærð vegna baráttugleðinnar í Íslendingum.

Ég er svo stolt af okkur öllum sem höfum mótmælt við þinghúsið í dag.

Það hafa orðið þáttaskil.

Skrefið hefur verið stigið, byltingin er hafin.

Ekki bylting sem framkvæmd er með ofbeldi, heldur úthaldi, styrk og bjargfastri trú á að réttlætið nái fram að ganga.

Í dag vældi forsætisráðherra úr ræðustól á þinginu um að hann fengi ekki vinnurfríð.

Skömm að þessu, hann fær engan frið maðurinn til að gera ekki neitt.

Helvítis skríllinn er að trufla flækjufæturna í ríkisstjórninni.

Geir gat ekki fengið vinnufrið til að ræða vátryggingarmál,

né heldur þjóðþrifamál Sigurðs Kára um hvort selja eiga léttvín og bjór í stórmörkuðum.

Svo ég tali nú ekki um andstöðu við eldflaugavarnakerfi í Austur-Evrópu, mál málanna á Íslandi í dag, fyrir utan heilsuræktina offkors.

 Ég má ekki gleyma bráðavandamálinu, sem eru tóbaksvarnir (reykherbergi á veitingastöðum).

Gvöð Geir, hvað get ég sagt,

kreppan er að gera mér hluti.

Enginn friður til að vinna.

Þá er að stimpla sig út.

Víkið.

Sjáið sóma í ykkar í að gefa okkur tækifæri til að tala í lýðræðislegum kosningum.

Áður er það fer að kosta enn alvarlegra lögregluofbeldi en það sem nú þegar er orðið.

Enn fjölgar á Austurvelli

Athugasemdir

[Margrét Birna Auðunsdóttir, 20.1.2009 kl. 22:57]

Svo sammála. Svo innilega stolt af öllu þessu fólki sem hefur látið þingheim heyra í sér í dag.

[Ingibjörg Hinriksdóttir, 20.1.2009 kl. 22:58]

Mikið er mér illa við ofbeldi, í hvaða mynd sem það er. Mér er alveg sama hvort það er lögreglan eða mótmælendur sem beita því. Ég er einfaldlega á móti ofbeldi. Skemmdarverk eru mér heldur ekki að skapi, mikið sem ég er ánægð með mótmæli og að láta stjórnvöld heyra það en það dregur úr gleði minni að sjá skemmdarverk unnin á Alþingishúsinu og að sjá ofbeldið sem beitt er þar fyrir utan.

Lifi byltingin!

ps. Jenný - hvar er bloggið um Ísland í dag á Stöð 2????

[Helga Magnúsdóttir, 20.1.2009 kl. 23:05]

Það er vitanlega alger fásinna að trufla þingið þegar það er að sinna svona mikilvægum málefnum.

[Helga Jónsdóttir, 20.1.2009 kl. 23:30]

Held að upphlaup Ólafs sýslumanns á Selfossi og blessuð dagskrá þingsins hafi verið dropinn sem fyllti mælinn. Það er ekki nokkur leið að fólk láti bjóða sér upp á þessa vitleysu lengur. "Burt með þennan líð sem situr á Alþingi" það er krafa okkar flestra. Langlundargeð og þolinmæði Íslendingsins er brostið og þetta fólk öðlast aldrei aftur traust okkar úr því ekkert af því hefur axlað neina ábyrgð á hruninu og spillingunni sem komið hefur í ljós.

[Lísa Björk Ingólfsdóttir, 20.1.2009 kl. 23:33]

Auðvitað verðum við að klára bjórmálið fyrst - það er mál málanna ekki satt.....

Nei - þetta hlýtur að fara að taka enda.  Þegar ég sá þessa dagskrá alþingis hugsaði ég sem svo " nú - þeir bíða eftir fundi sjálfstæðismanna og vita að síðan er málið dautt" og taka þessvegna fyrir verkefni sem ekki tekur nema nokkra daga að skoða.  Ég er sumsé alltaf að reyna að lesa í "merki" sem þýða - við erum að fara.

Væru betur löngu farnir - hlálega fáránlegt að sitja svona sem fastast. Hefur þetta fólk enga siðferðiskennd?

[Jenný Anna Baldursdóttir, 21.1.2009 kl. 00:03]

Takk öll.

Ég er með bloggið um Ísland í dag í heví vinnslu.

[Óskar Þorkelsson, 21.1.2009 kl. 00:08]

Ég var að koma af Austurvelli, lágmark 2000 manns þarna rétt fyrir miðnætti og gífurleg og góð stemning. Þetta mun standa framundir morgunn :)

Byltingin er hafinn

[Jóna Kolbrún Garðarsdóttir, 21.1.2009 kl. 00:26]

Lifi byltingin

[Unnsteinn Jóhannsson (IP-tala skráð) 21.1.2009 kl. 00:31]

Já greyið Geir...

 "Svo ég tali nú ekki um andstöðu við eldflaugavarnakerfi í Austur-Evrópu, mál málanna á Íslandi í dag, fyrir utan heilsuræktina offkors."

Love it!

Lifi byltingin

[Sesselja Fjóla Þorsteinsdóttir, 21.1.2009 kl. 00:40]

Veistu Anna mín að þú ert snilld.

[Helga Kristjánsdóttir, 21.1.2009 kl. 02:31]

 pistilinn skrifar     ,eins og gullnar klingjandi bjöllur.

[Gudrún Hauksdótttir, 21.1.2009 kl. 10:21]

Heyr heyr heyr....Svo sammála. Ég fylgdist med á netinu og var stolt ad minni tjód.Hefdi svo sannarlega viljad vera á Austurvelli og upplifa og taka tátt  samheldni med tjód minni.

Hjartanskvedja frá Jyderup

[Ásthildur Cesil Þórðardóttir, 21.1.2009 kl. 11:07]

Þetta er frábært, og þið sem þarna hafið tekið þátt eigið heiður skilinn.  Þið eruð líka þarna í mínu nafni, ég hefði verið þar sjálf ef ég væri ekki svona langt í burtu.  Áfram Nýja Ísland!