Helvískir læknarnir

Þetta eru hreint skelfilegar fréttir sem Mogginn er að segja eftir bráðöruggum heimildarmönnum ísraelsku pressunnar, sem allur heimur veit að er þekkt fyrir hlutleysi sitt og sannleiksást.

Helvítis norsku læknarnir munu hafa falið leiðtoga Hamassamtakanna í kjallara sjúrkahússins ásamt því að sanda blóðugir upp fyrir haus allan sólarhringinn við þá fáránlegu iðju að bjarga palestínskum mannslífum.

Heitir þetta ekki að taka læknaeiðinn full bókstaflega?

Bjarga, bjarga, bjarga og nú mögulega líka meðlimum Hamas.

Ég á ekki orð - mér er hreinlega óglatt.

Takk Moggi fyrir að rétta mig við.

Álit mitt á þessum læknum er fokið út í buskann.

Maður bjargar ekki lífi hvers sem er og ætlast til að fá þakkir fyrir og einkum og sér í lagi palestínulífi öðru vísi en að það sé eitthvað alvarlegt að hjá fólki

Stórbilaðir norsarar.

Eða hvað?

Norskir læknar sagðir hafa skýlt Hamasleiðtogum

Athugasemdir

[Hrönn Sigurðardóttir, 12.1.2009 kl. 10:08]

Aldeilis ekki! Og sérdeilis ekki ef maður er læknir án landamæra!!

Takk moggi! 

[Jenný Anna Baldursdóttir, 12.1.2009 kl. 10:11]

Ég er hrærð af þakklæti.

Hugsaðu þér , ég hélt að þetta væru góðir menn.

[Ómar Geirsson, 12.1.2009 kl. 10:35]

Heije Norge.

Kveðja að austan.

[Gísli Baldvinsson (IP-tala skráð) 12.1.2009 kl. 10:38]

Augnablik, einu sinni var sagt að það eina sem satt væri í Mogganum væri símanúmerið. Þetta er frétt frá ísarelsku dagblaði sem tekin er með varúð af öðrum norrænum prentmiðlum. Mér nægir að þessir læknar bjargi mannslífum.

[Jenný Anna Baldursdóttir, 12.1.2009 kl. 10:40]

Gísli: Nákvæmlega rétt hjá þér.  Læknar hafa það hlutverk að bjarga mannslífum og ég vona að það komi aldrei til þess að þeir biðji um félagaskírteini.

Þessir læknar hafa lýst stuðningi við fólkið á Gaza, flott.  Hinn vestræni heimur styður Ísrael með að gera ekki neitt.  Ég sé ekki að nokkurri ríkisstjórn finnist nema allt gott um það að segja.

[Otto (IP-tala skráð) 12.1.2009 kl. 10:44]

Ertu þroskaheft? Hvernig getur það verið slæmt að bjarga mannslífi? Og er Palstínu líf eithvað minna virði en þitt?

[Jenný Anna Baldursdóttir, 12.1.2009 kl. 10:47]

Otto: Varstu bak við tré daginn sem guð útdeildi kaldhæðninni?

[Ásthildur Cesil Þórðardóttir, 12.1.2009 kl. 11:03]

Ég fell á kné á hverju kvöldi og þakka Guði fyrir Moggan og sannleiksást hans

[Ragnheiður , 12.1.2009 kl. 11:07]

Jahérna...

Annars frábær færsla hjá þér en þú ættir kannski að skrifa kaldhæðni neðst svo fólk eins og Otto fari ekki í hjartastopp af hneykslun, það er óvíst að hann sé með rétt skírteini til að fá aðstoð.

Á Íslandi borgar sig nebblega að vera æfiskráður í Sjálfstæðisflokkinn og það má heldur hreint ekki búa í Hafnarfirði.

[Svanur Gísli Þorkelsson, 12.1.2009 kl. 11:17]

Og Anna Frank snýr sér við í gröfinni.

[Ía Jóhannsdóttir, 12.1.2009 kl. 11:29]

Já það er vandlifað í þessum heimi

[Rut Sumarliðadóttir, 12.1.2009 kl. 12:14]

Greinilega vitlaus misskilningur á ferðinni hér!

[Hrönn Sigurðardóttir, 12.1.2009 kl. 12:30]

Já Jenný! Ég legg til að þú stofnir aukaflokkinn kaldhæðni, nú - þegar - strax!