Ljósið í myrkrinu

Það er vakning í íslensku samfélagi og mér finnst það stórkostleg staðreynd.

Í gróðærinu var ekki hægt að koma saman hópi nema þá helst í kokteilboðum, snobb uppákomum, fjandans spai og á viðlíka sjálfshátíðum.

Það er af sem áður var.

Ég held að flestir séu að átta sig á þessari frábæru breytingu á annars steinsofandi þjóð sem var búin að gleyma að það væri hægt að hafa áhrif á samfélagið.

Nema stjórnmálamenn og aðrir pótintátar sem hafa átt ansi náðuga daga lengi.  Þeir þrjóskast enn við.  Átta sig ekki á því enn að fólk vill ekki lengur Ísland upp á gamla mátann.

Nú í morgun var verið að mótmæla árásum Ísraelsmanna á Gaza. 

Ísraelsmenn virðast æstir í að sviðsetja helförina og endurtaka hana á saklausum borgurum í Palestínu.

Í kvöld er svo borgarafundur í Háskólabíói klukkan átta.

Ég mæti og ég vona að sem flestir  sjái sér fært að gera það.

Þið sem hafið setið heima með hnút í maganum og angistina uppi í háls með svipaða líðan og ég hef glímt við æði oft upp á síðkastið, megið vita að það er ótrúlega gott að koma á borgarafundina, finna samstöðuna og baráttuviljann meðal fólksins. 

Manni líður mikið betur á eftir. 

Og við höfum áhrif.  Það hefur sýnt sig.

Ég persónulega er ákaflega stolt af íslenskum almenningi þessa dagana.

Það tekur fólk mislangan tíma að koma sér af stað, margir eru ekki búnir að átta sig á ósköpunum sem hafa riðið yfir íslenskt samfélag.  Mér finnst nákvæmlega ekkert undarlegt að það taki tíma.

En þetta er allt að koma.

Ég er svo glöð yfir vakningunni í þjóðfélaginu, allt í einu erum við farin að láta okkur varða um hvaðeina.

Verst að það þyrfti kreppufjandann til.  Ansi dýrkeyptur lærdómur það.

En baráttan fyrir betra og heilbrigðara þjóðfélagi er ljós í myrkrinu.

Borgarafundur

Kæra RÚV, vinsamlegast sýna beint frá fundi. 

Það er þar sem hlutirnir gerast og allir eiga ekki heimangengt.

Varpa beint takk.

Mótmælt við stjórnarráðið

Athugasemdir

[Huld S. Ringsted, 12.1.2009 kl. 09:20]

Mér finnst frábært að sjá samstöðuna hjá Íslendingum, það er að segja stórum hluta af þeim, því miður eru margir sem sitja heima og tuða ofan í kaffibollann en það vonandi breytist.

Eigðu góðan dag

[Guðríður Hrefna Haraldsdóttir, 12.1.2009 kl. 09:27]

Þetta er frábært. Vona bara að RÚV sýni beint frá fundinum, það væri frábært fyrir þá sem komast ekki.

Finnst þér fréttaflutningur af Gaza-fjöldamorðunum ekki svolítið skrýtinn hér á mbl.is? Nú eiga "stórhættulegir" norskir læknar að bera ábyrgð á einhverjum árásum Ísraela ... 

[Hrönn Sigurðardóttir, 12.1.2009 kl. 09:28]

Það er nefnilega málið! Það er svo gott að finna að það eru fleiri með hnút í maga og angist upp í háls - á meðan ríkisstjórnin er bara að dóla sér í jólafríi!!

Hvet alla til að mæta - þó ekki væri nema fyrir hvað manni líður betur á eftir!! 

[Jenný Anna Baldursdóttir, 12.1.2009 kl. 09:32]

Svo sammála stelpur, en ég skil þá sem ekki hafa komið sér af stað afskaplega vel.  Sú staðreynd að allt er að hrynja, ekkert framundan, misvísandi skilaboð stjórnvalda, kjaftæði þeirra og innantómar fullyrðingar gera það að verkum að fólk hrekkur til baka.

Gurrí: Ég er í kasti þrátt fyrir að málið sé auðvitað alvarlegt.

Hvernig er hægt að búllsjitta sjálfan sig og aðra í leiðinni með þessu rugli.

Vá magnaðir læknar. 

[Einar Indriðason, 12.1.2009 kl. 09:48]

Jenny... þú mátt bæta við áskorun til RÚV og Stöðvar 2 að sýna beint frá Borgarafundinum í kvöld.

Þú mátt líka skora á RÚV og Stöð 2 að sýna beint frá Austurvelli á laugardögum, héðan í frá.

Nóg sýna þeir af handbolta og kryddsíld......

[Lísa Björk Ingólfsdóttir, 12.1.2009 kl. 10:16]

Já - það er margt gott að gerast og hópar að koma fram með lausnir í myrkrinu.  Vil benda á hagsmunasamtök heimilanna http://www.heimilin.is/ sem berjast fyrir hagsmunum almennings.  Er að fylgjast með fleiri hópum sem eru að koma fram með góðar hugmyndir.  Hugmyndaráðuneytið hélt stofnfund sl. laugardag, en þar er áhersla á nýsköpun og frumkvöðlastarfsemi.

Gott framtak

[Jenný Anna Baldursdóttir, 12.1.2009 kl. 10:38]

Jabb Lísa, sammála.

[Ásthildur Cesil Þórðardóttir, 12.1.2009 kl. 11:05]

Ég er algjörlega sammála þessu.  Manni líður hreinlega vel eftir að hafa staðið við hliðina á fullt af fjólki og finnur að við eigum þetta allt sameiginlegt.  Það er hreinlega sálubætandi svo ekki sé meira sagt.

[Hulla Dan, 12.1.2009 kl. 13:14]

Langar svooo á fundinn, en er stökk í útlandinu.
Horfi samt pottþétt á hann hérna heima (ef hann verður sýndur) með veinum!