Þú blöggar ekki um þetta!

Ég var að tala í símann, við konu, sko vinkonu mína eða frænku skulum við segja og hún er utan að landi.  Ekki von á góðu þar af leiðandi.

Við vorum að ræða landbúnaðarmál.

Ég hef ekki afturenda vit á þeim en tók samt þátt.  Alltaf til í að hafa skoðanir.

Hún var að kafna úr reiði vegna fordóma minna á bændastéttinni og ég viðurkenni að ég var svolítið í því að ganga fram af henni.

Hún: Þú ert ótrúleg.  Hvernig hefur þú komið þér upp öllum þessum hleypidónum?

Ég: Ha, hleypidónum?  Hvað er það?

Hún: Nú, nú, hætt að skilja íslensku, sko hleypidónar, formdómar.  Hefurðu aldrei heyrt orðið?

Ég: Er ég hleypidóni?

Hún: Já og það sem meira er þú hefur ekki hundsvit á landbúnaðarmálum.

Ég: Hehemm, meinarðu að ég sé haldin hleypidómum?

Hún: Já auðvitað, ég sagði það.

Svo hvæsti hún út á milli samanbitinna vara

Jenný Anna; ef þú blöggar um þetta þá drep ég þig.

Ég var svo aldeilis yfir mig hneyksluð og spurði hana hvort hún væri eitthvað verri.  Að fara með bjánaskapinn í fólki sem ÉG þekki á blöggið, aldrei.

Ég ætti ekki annað eftir.

Annars fín.

P.s. Bara svo það sé á hreinu þá þekki ég konu þessa aaaaaaaðeins lauslega bara.  Eiginlega ekki neitt.

Athugasemdir

[Heiður Þórunn Sverrisdóttir, 7.1.2009 kl. 15:00]

[María Guðmundsdóttir, 7.1.2009 kl. 15:12]

já skammastín tharna

[Þórarinn M Friðgeirsson, 7.1.2009 kl. 15:22]

Er þetta ekki einmitt málið með okkur blogarana að það má ekkert segja okkur þá erum við komin með þetta á netið, ég hef orðið svolítið var við að sumir veigra sér við að segja manni eitthvað vitandi að það er líklega komið á netið innan fimm mínutna. Gott hjá þér Jenný, það er allt í lagi að atast aðeins í fólki það gefur lífinu gildi..... kv. Tótinn

[Himmalingur, 7.1.2009 kl. 15:44]

Góð!

[Hrönn Sigurðardóttir, 7.1.2009 kl. 15:46]

híhí! En þú ert með hleypidóna og hefur ekki hundsvit á landbúnaði - það sér hver maður austan lækjar.......

[Brjánn Guðjónsson, 7.1.2009 kl. 16:01]

gott er að hafa skoðanir á málum. þá sérstaklega maður hafi ekki nokkurt vit á þeim.

enda landlægur.....heimslægur siður

[Eva Benjamínsdóttir, 7.1.2009 kl. 16:01]

Þvílíkur hleypidóni skapandi hleypidóni og sérð ekkert eftir þessu? Ég er í krampa yfir einu orði, og þú ferð ekki með það á blöggið.

[Ía Jóhannsdóttir, 7.1.2009 kl. 16:41]

Jenný nú færðu þér lífvörð!  Konan hótar að drepa þig ef þú blöggar um samtalið.  Hehehe.. 

[Ásthildur Cesil Þórðardóttir, 7.1.2009 kl. 17:06]

Alltaf kemurðu manni á óvart.  Nú ertu farin að vera með hleypidóna, og haldinn hundsviti, ja hérna hér.  Og svo þarftu auðvitað lífvörð, ætli libbararnir hans Bjarna séu ekki á lausu þegar hann hefur beðist griða og fengið syndaflausn?

[Hörður B Hjartarson, 7.1.2009 kl. 18:31]

Usssssssssssssssssssssss ! Þú ert nú meiri hleipidóninn (betra með einföldu)

[Helga Magnúsdóttir, 7.1.2009 kl. 18:48]

Ég er líka hleypidóni þegar þetta útiálandilið á í hlut. Fæ alltaf fráhvarfseinkenni í Ártúnsbrekkunni ef það er reynt að fara með mig út á land.

[Jónína Dúadóttir, 7.1.2009 kl. 19:51]

Hleypidóni á blögginu

[Björgvin R. Leifsson, 7.1.2009 kl. 19:57]

Þið eruð nú meiri hleypidónarnir með alla þessa formdóma gagnvart okkur sem búa úti á landi. Kveðja frá brottfluttum Reykvíkingi.

[, 7.1.2009 kl. 20:46]

 

[Sigrún Jónsdóttir, 7.1.2009 kl. 20:52]

Er hún að austan?....það er þetta með sérhljóðana

[Sólveig Kristín Gunnarsdóttir, 7.1.2009 kl. 21:54]

Hleypidóninn thinn thó !!!  

[Jenný Anna Baldursdóttir, 7.1.2009 kl. 22:45]

Ég held að hún sé einmitt að auþtan Þigrún.  Þko auþtan af fjörðum, þaðan sem ég er þko.

Dúa: Múha.

[Svala Erlendsdóttir, 8.1.2009 kl. 09:37]

 hleypidóninn þinn. Hleypur með þetta beint í blöggið