Ekki fleiri fjölmiðlasorgir í bili - takk

Allir á fjóra fætur, enni í gólf og snúið rassinum að Mekka, nú eða Jerúsalem.

Bjarni Ármannsson borgaði 370 milljónir, sem eru sirka bát dropi í hafið af þeim auðæfum sem hann hefur sankað að sér í gróðærinu með réttu eða röngu.

Millunum er slengt á borðið og svo hendir hann með smá sjálfsgagnrýni, segist vera reiður út í sjálfa sig og sér algjörlega hvar þeim strákunum varð á - SVONA EFTIR Á AÐ HYGGJA!

En útrásarvíkingunum var ekki borgað fyrir að vera vitrir eftirá er það?

Plís kæru Íslendingar.  Ekki falla í trans í hrifningarvímu yfir nýjasta útspili Bjarna Ármannssonar.

Vitiði að ég var kominn með þennan dreng á arinhilluna (ók, hefði verið það væri ég með arinn), ég féll gjörsamlega fyrir sveitaklippingunni, feimnislega brosinu og bláu augunum.

Þetta var góður maður, hann var kominn til að sýna okkur að markaðurinn væri góður og gerði góða hluti fyrir almannaheill, listalífið, menntunarkerfið (ég keypti þetta reyndar aldrei en hann var samt sannfærandi) og allt.

Minnug alls þessa þá forhertist ég þar sem ég sat og beið Kastljóssins, ég varði mig með töfraþulum og jurtatei og bað Óðinn, Þór og Valgeir frænda um að halda mér á jörðinni.

Ég bað um að ég myndi ekki gleyma skuldunum sem þessir milljarðaræningjar eru búnir að koma íslensku þjóðinni í.

Sko, það er þetta með barnabörnin mín:

Hann Jökul sem er 14 ára, Oliver 3ja, Jenný Una 4ra og Hrafn Óli sem er eins árs eru skuldum vafinn langt fram í tímann.  Kannski börnin þeirra líka.  Hvað vitum við hvað á eftir að koma upp á yfirborðið?

Ég er ekki sátt.

Ég er ekki tilbúin til að láta Bjarna Ármannsson og hina karlana liggja á milli hluta.

Fyrir hönd barnabarnanna minna er ég andskotann ekki tilbúin að fyrirgefa.

Borgið milljarðana sem þið hafið sankað að ykkur í gróðærinu.

Allir sem einn.

Og þá getum við talað saman.

Svei mér þá hvað Kastljósið er orðið helvíti gott.

Haldið því áfram, ég afber ekki fleiri fjölmiðlasorgir í bili.

Sú mí tú ðe fokking bón.

Endurgreiddi 370 milljónir

Athugasemdir

[Þráinn (IP-tala skráð) 5.1.2009 kl. 21:41]

Mikið er ég sammála þér, það eru margir sem eru vísir til að hrósa manninum í hástert fyrir það að sýna lit til að bæta fyrir allann skaðann sem hann og aðrir hafa valdið þjóðinni, fólk verður að halda þvagi yfir þessu

[hilmar jónsson, 5.1.2009 kl. 21:41]

Mér sýnist flestir lofa hann með kökk í hálsi.

Minnir svolítið á sögulok bókarinnar ilmurinn.

[Ía Jóhannsdóttir, 5.1.2009 kl. 21:49]

Sá ekki Kastljósið en hér fussaði í mínum elskulega og það vel.  Svo halda sumir að þetta sé hrikalega gott fordæmi og aðrir komi á eftir.  Ansi hrædd um ekki.

[Einar Áskelsson (IP-tala skráð) 5.1.2009 kl. 21:50]

Sýnið pínu jákvæðni loks þegar eitthvað gott kemur. Hef ekki orðið var við að margir séu að LOFA hann.  Hann sýnir þó vott af blygðun og eftirsjá með því greiða þetta til baka og sitja fyrir svörum.  Það er ég og ýmsir fleiri ánægðir með. Sá fyrsti af þeim öllum og meðtöldum stjórnmálamönnunum.  Vonandi er hann að skapa fordæmi fyrir alla hina. Til þess er m.a. leikurinn gerður hjá honum. 

[Haraldur Hansson, 5.1.2009 kl. 21:51]

Ég missti af þessu Kastljósi en verð að ná endursýningunni. Mér leikur mest forvitni á að heyra tvennt: Hvað hann segir um REI og hvað hann segir um milljónirnar sem hann kreisti út úr Fæðingarorlofssjóði (og varð til að breyta þurfti reglunum).

Var hann ekki með skotheldar skýringar á þessu öllu strákurinn?

[Heiða B. Heiðars, 5.1.2009 kl. 21:56]

Oh sanniði til... hann hefur hagsmuna að gæta. Hann á ekki möguleika á því að fara í business á Íslandi og hvað gerir hann... borgar 370 millur tilbaka...þjóðin verður agndofa og fagnar týnda syninum þegar hann skilar sér í íslenskan business aftur

[Ur-Hellinum, 5.1.2009 kl. 22:02]

Hann á að skila öllu. Sætta sig við að halda 100 til 200 milljónum miðað við hvað hann hefur gert mikinn skaða. Hann vill bara komast aftur að kjötkötlunum þegar þeir opna aftur. Og nú fremst í röðina. Í fangelsi með þennan mann og alla hans líka.

[Helga Magnúsdóttir, 5.1.2009 kl. 22:10]

Karlgreyið er að rembast við að klóra yfir skítinn sinn, ég held að hann fatti bara ekki hvað skítahrúgan er stór og það þarf miklu meira til að eyða henni.

[Sporðdrekinn, 5.1.2009 kl. 22:16]

Þetta er betra en ekki neitt, góð byrjun...

[Brjánn Guðjónsson, 5.1.2009 kl. 22:24]

„Allir á fjóra fætur“

ég hélt þannig væri nú þegar ástatt fyrir þjóðinni og Jón Ásgeir, hinir græðlingarnir, ásamt ríkisstjórninni væri í akkorði að misnota stellinguna

[Huld S. Ringsted, 5.1.2009 kl. 22:49]

Æ....................varð nú ekkert voðalega upprifin þegar ég sá fréttina, vantar mikið upp á enn

[Solveig (IP-tala skráð) 5.1.2009 kl. 22:54]

Ef það hefðu verið 370 milljarðar þá kannski... ne, segi svona. Ekki gleyma Freyju, góð fyrir konur.

[Sigrún Jónsdóttir, 5.1.2009 kl. 23:25]

Ég verð að viðurkenna að ég "féll" fyrir fagurgalanum til að byrja með, en ég hef mér það til málsbóta að vera hálflasin

Bjarni kemur úr miðri hringiðu spillingarinnar og liggur því á upplýsingum, sem þjóðina sárvantar.  Ég held að hann sé sendur fram núna til að slá aðeins á "skrílinn" og svo verður hann notaður sem "leppur" þegar brunaútsölurnar byrja fyrir alvöru.  Þetta var bara enn einn sýndarveruleikinn.

[Steingrímur Helgason, 6.1.2009 kl. 00:03]

Margir bændur áður borgað minna fyrir aflát syndanna.

[Isis, 6.1.2009 kl. 00:47]

Mér þótti hann aumur í Kastljósi kvöldsins þar sem hann átti líka í miklum erfiðleikum með að horfa í augu spyrilsins, það veit ekki á gott. Að auki þykja mér 370milljónir úr vasa þessa manns ekki hljóma neitt sterkt, og er aum tilraun til þess að kaupa sér virðingu frá almenningi í landinu.

Mín virðing kostar meira en svo... hún reyndar er ekki metin í tölum, meira orðum, heiðarlegum, hreint út, sannleikanum. 

[Jóna Kolbrún Garðarsdóttir, 6.1.2009 kl. 00:48]

Þetta var nú kannski bara fyrsta afborgun hjá manngreyinu   Kannski koma allir hinir í halarófu og bjóðast til að borga  Trúlegt?  NEI

[Lilja Guðrún Þorvaldsdóttir, 6.1.2009 kl. 01:00]

Ég held að hann viti nákvæmlega hvað hann gerði, enda hætti hann á hárréttum tíma 2006, eins og hann sagði þegar allar viðvörunarbjöllur hringdu í Evrópu til að láta þessa Ráðamenn á Íslandi að verið væri að sigla Þjóðarskútunni í kaf. -

Þá hætti Bjarni og seldi hlutabréfin sín á því verði sem hann "vildi fá " fyrir þau. -

Hvernig ætli þeir sem keyptu hlutabréfin hafi fjármagnað kaupin? Kannski með því að fá lán hjá bankanum, með veði í bréfunum til að kaupa í bankanum, þannig léku þeir sér drengirnir í bankaleiknum sínum.

[Einar Örn Einarsson, 6.1.2009 kl. 01:44]

Á Valhúsahæðinni er verið að krossfesta mann.

[Heidi Strand, 6.1.2009 kl. 09:32]

Við látum ekki sama hundinn bíta okkur tvisvar.

[, 6.1.2009 kl. 10:03]

Nei Bjarni minn - virðingu mína færðu ekki aftur. Þú gerðist landráðamaður og það er aldrei fyrirgefið.

[Hrönn Sigurðardóttir, 6.1.2009 kl. 10:14]

Já - ég sagði einhversstaðar að vonandi fylgdu fleiri þessu góða fordæmi sem Bjarni væri þarna að setja! Svo sá ég hann í Kastljósinu........

...mér er enn hálfóglatt! Halda þessir menn virkilega að skitnar 370 millur kaupi þeim einhverja aflausn? Þetta er ekki upp í nös á ketti! 

[Ásthildur Cesil Þórðardóttir, 6.1.2009 kl. 11:14]

Vell hann blekkti mig ekki gaurinn sá arna.  Ég er sennilega orðin of forhert til að láta svona fagurgala trufla mig.  Eða ég er orðin of skeptisk á allt og alla til að trúa svona löguðu.  Nei peningana á borðið og svo skulum við tala, sammála þér hér Jenný mín eins og alltaf.

[Jenný Anna Baldursdóttir, 6.1.2009 kl. 11:44]

Takk fyrir umræðuna gott fólk.

Einar: Á Valhúsahæðinni er verið að krossfesta mann.

          og fólkið er borið út af heimilum sínum við þriðja mann

 Bæjarstjóranum er sama og hefur tekið þann pól í hæðinað selja inn á krossfestinguna - enda sjóðþurrð yfirvofandi.

Vaknaðu.

[Einar Örn Einarsson, 6.1.2009 kl. 14:44]

Er að hugsa til þeirra hér í bloggheimum sem eru að setja inn athugasemdir, sem eru í sama anda og deilurnar suður á Gasa. Heitstrengingar og áhrínisorð sem gera ekkert annað en að ala á hatri.

Ég er ekki alltaf sammála og vona að það sé ekki illa séð. Bara ófyrirgefanleiki og hatur er eitthvað sem ég mun alltaf reyna að forðast, því slíkt bara hittir mann sjálfan fyrir og sviptir mann dómgreind.

Þess vegna skiptist ég á skoðunum við fólk. Vitanlega er ég sammála því að það er hrikalegt óréttlæti sem gengur yfir okkur öll og margt þarf að breytast og margir sökudólgarnir. En stundum minnir mórallinn í liðinu mig á sérplægna suðurríkjamenn sem skjóta fyrst og spyrja svo. Þessu er ekki beint til þín Jenný, heldur til þeirra fjölmörgu  í bloggheimum sem raska ró minni með heift sinni og óvirðingu.

Með alkakveðju .

[Maron Bergmann (IP-tala skráð) 7.1.2009 kl. 22:35]

Þessir blessuðu menn Jón Ásgeir og Bjarni Ármannsson og eru með PR menn í vinnu við að skrifa fyrir sig blaðagreinar og láta sig líta vel út, vitiði bara til nú fara þeir að birtast útrásarvíkingarnir hver af öðrum auðmjúkir og miður sín lofandi bót og betrun einvörðungu til að geta sest að kjötkötlunum aftur.

Íslensku kjötkatlarnir eru hvort sem er einu katlarnir sem þeir komast að því þessir menn eru stimplaðir glæpamenn allstaðar annarsstaðar.

[Jenný Anna Baldursdóttir, 7.1.2009 kl. 22:44]

Einar minn: Knús á þig.  Stundum hitnar manni í hamsi.

Úff.