Sölvi Tryggvason rekinn af Stöð 2 - Hvers vegna?

Sölvi Tryggvason var rekinn af Stöð 2.

Er ég sein að bregðast við?  Nei aldeilis ekki bara svo brjálað að gera á spillingarlandinu að bloggefnin eru óþrjótandi.

Ég er búin að fylgjast með Sölva og sjá hann vaxa og dafna og verða að góðum fjölmiðlamanni.

Hann stökk úr "Séðogheyrtvæðingunni" sem var orðin allsráðandi á Íslandi í dag og var orðinn ansi snarpur og góður strákurinn.

(Ég hef ekkert á móti "Séð og heyrt" tímaritinu - á  meðan það er tímarit sko).

Sölvi hafði þann eiginleika sem er að verða fáséður í íslenskum fjölmiðlum - ég trúði honum.

Hvers vegna var hann rekinn Ari Snari?

Það eru nokkrir góðir eftir sem betur fer en á öðrum fjölmiðlum.

Vonandi verða þeir ekki látnir fjúka.

Ég hef ekkert á móti nýjum stjórnendum Íslands í dag en..

og það er stórt en...

af hverju er góðum fréttamanni sem gengur eftir svörum hent út?

Er verið að "Séðogheyrtvæða" alveg upp á nýtt?

Ken og Barbí mætt til að slétta út gárað yfirborð.

Og ég sem elska gárur.

Ég ætla að fylgjast vel með.

Og RÚV; á ekki að nappa þessum frábæra og efnilega strák?

Ég bíð í ofvæni.

Athugasemdir

[Isis, 5.1.2009 kl. 17:56]

Já.. Þetta þykir mér undarlegt. En hann hefur eflaust ekki verið nægilega þægur strákurinn, einhvernvegin ber hann það með sér að hafa lítinn áhuga á því að láta riskoð...nei fyrirgefðu... ritstýra er víst orðið.

Það er líklega ekki talið til eftirbreytni í Íslensku sjónvarpi í dag að spyrja óþægilegra spurninga, eða draga eitthvað í efa og vera krítískur, sem mér fannst Sölvi vera...

[Hrönn Sigurðardóttir, 5.1.2009 kl. 18:25]

Hann sagði mér í Ísland í dag 30. des. sl. að breytingar stæðu fyrir dyrum innan stöðvarinnar og hann væri ekki hluti af þeim breytingum.

[Lára Hanna Einarsdóttir, 5.1.2009 kl. 18:55]

Í kvöld fjallar Ísland í dag um brjóstastækkanir og svo kemur Gilzenegger í heimsókn - væntanlega út af einhverju öðru.

Séðogheyrt hvað?

[Helga Magnúsdóttir, 5.1.2009 kl. 19:11]

Sölvi var fínn, hann hefur kannski tekið eitthvað óvarlega til orða. Kannski að þeir  hafi getað ráðið fólk með minni reynslu fyrir lægri laun. Hvað veit maður?

[Heiða B. Heiðars, 5.1.2009 kl. 20:00]

Djöfull er ég sammála þér kona!  Og Láru Hönnu... Linda Pé og Gilz þegar það er allt vaðandi í kýlum til að pota í.!!

[Óskar Þorkelsson, 5.1.2009 kl. 20:01]

er hann ekki bara heppinn ?.. hann fær uppsagnafrestinn greiddan og getur snúið sér að öðrum málum á meðan 365 fer hægt en örugglega á hausinn ;)

[Lára Hanna Einarsdóttir, 5.1.2009 kl. 20:08]

Kastljós eða fréttastofa RÚV á að næla í Sölva - PRONTO!

Hann bar af.

[Hólmfríður Gestsdóttir (IP-tala skráð) 5.1.2009 kl. 20:12]

Þetta er óskiljanlegt háttalag - hann er frábær í sínu starfi - líklega bara verið of góður??

[Ásthildur Cesil Þórðardóttir, 5.1.2009 kl. 20:29]

Hef ekki horft á stöð2 lengi og veit því ekki um hvern er verið að tala.  En skil pointið hér mjög vel og er ekki hissa.  Menn mega einfaldlega ekki vera of góðir eða spyrja of mikið. 

[Huld S. Ringsted, 5.1.2009 kl. 21:00]

Synd að sjá hann fara, hann var fínn. Kannski togaði einhver í spotta, drengurinn kannski "látið illa að stjórn" er ekki allt kerfið orðið þannig í dag, þeir "óþægu" látnir fara!?

[Jenný Anna Baldursdóttir, 5.1.2009 kl. 21:03]

Það er greinilegt að það er verið að breyta Íslandi í dag.  Þar á ekki að fjalla um neitt nema hégóma.

Algjörlega hættulaust.

Stöð 2 er að færast undir þeirri ábyrgð sem lögð er á hendur svona magasínþáttum og það nú á krepputímum.

Þarna hefur einhver togað í spotta.  Spurning hver.

Enginn með fullu viti hættir við þjóðfélagsrýni á tíma sem þessum.

Sölvi á að fá finnu hjá RÚV.