Í kreppu og alles

Ég vaknaði í morgun fyrir allar aldir.

Ég vaknaði stressuð með hnút í maganum. 

Hvað er í gangi, hugsaði ég um leið og ég staulaðist fram í myrkrinu.

Kötturinn hennar Jennýjar Unu sem er hér í gæslu á meðan fjölskyldan jólast í Svíþjóð, vafði sig utan um lappirnar á mér og ég var nærri því dottin á andlitið.

Hvað er að þér köttur hefurðu aldrei heyrt talað um tillitssemi? Ég urraði á hann.

Majááá svaraði kötturinn og nartaði vinsamlega í tærnar á mér.

Ég var alveg hissa á slæmu geðslagi mínu og tók stutt tékk á hinum ýmsu andlegu þáttum.

Skoðun framkvæmd:

Sál þreifuð og hún hvíslaði geðvonskulega; láttu mig í friði ég vil sofa, það er myrkur, kreppa og allt í brjálaðri steik.  Ég er ekki til viðræðu fyrir hádegi.  Farðu!

Hm...

Ég potaði í mótmælastöðina en hún er aftarlega í hægra heilahveli og hún vaknaði samstundis: Fram til orrustu gargaði hún frekjulega, það er ekki eftir neinu að bíða.  Gas, gas, gas.  Helvítið var komin í Kraftgallann og tilbúin í slaginn.

Verðlaunastöð könnuð, engin viðbrögð.  Öll orka farin í jólagleðina.

Þegar hér var komið sögu rann upp fyrir mér ljós.

Ég er að eldast með ljóshraða ofan á kreppu og almennar áhyggjur í skammdeginu.

Ég á nefnilega afmæli á innsetningardegi forseta USA.

Á fjögurra ára fresti er ég illilega minnt á þá staðreynd að allt styttist í annan endann.

Ég stundi þunglega, bloggaði um skelfilega upplifun mína í morgunsárið, gaf kettinum að éta og ákvað með sama að koma mér í bælið aftur og leyfa sálinni að fara mjúklega inn í daginn.

Ég er hvort sem er fokkt á alla enda og kanta verandi fólkið í landinu.

Í kreppu og alles.

Styttist í embættistöku Obama

Athugasemdir

[Laufey B Waage, 2.1.2009 kl. 09:41]

Ég vaknaði líka allt of snemma í morgunn og gat ekki sofnað aftur. Tók vel í hugmynd míns heittelskaða - að hjóla saman út í bæ og fá sér þar góðan kaffibolla. Hressist vonandi við það. Vona að þú vaknir eiturhress eftir endurnæringarlúrinn.

[Heiða B. Heiðars, 2.1.2009 kl. 10:41]

Þú ert ógeðslega fyndin :)

[M, 2.1.2009 kl. 11:12]

Hvað þú ert frjó eldsnemma morguns Ekki að undra að þú þurftir að leggja þig aftur.

En hey, eitt afmæli í viðbót þýðir að þú færð að lífa lengur og skemmta okkur. Við þökkum fyrir það

[, 2.1.2009 kl. 11:32]

Vona að seinni vöknun verði skárri.

[Guðbjörg Erlingsdóttir (IP-tala skráð) 2.1.2009 kl. 12:24]

Hvað er að þér kona eins og þú getir alltaf verið í stuði........Óhemjugangur er þetta, reyndu bara að sofa aðeins í hausinn á þér og hlaða batteríin. Það má !